“ သစ္စာအိမ် ”

ကုလားအုပ်တစ်ကောင်ဟာ  
သူ့ဘို့ထဲမှာ  
ရေတွေကို သိုလှောင်ပြီး  
ကန္တာရခရီးကို သွားနေတယ်။
 
လူတစ်ယောက်ဟာ  
သူ့ရင်ထဲမှာ  
အကြင်နာနဲ့ နားလည်မှုတွေကိုသိမ်းဆည်းပြီး  
ခွဲခွာခြင်းခရီးကို စနေတယ်။
မောင်စိန်ဝင်း(ပုတီးကုန်း)

တစ်သက်တာ ထာဝရ၊
တစ်မျက်နှာသာ တစ်ဘဝလို့ထင်ပါတယ် … ။
သူမေ့စေတော့ရယ်လို့၊
မတွေ့အောင် တမင်ထိန်း၊
ခပ်စိမ်းစိမ်း နေပါမယ် … ။

တစ်နေ့တစ်ရက်တောင်မှ၊
အတွေ့ခက်လျှင် ဘယ်လိုမျှော်လို့၊
ဘယ်လိုနော် ရင်မှာရှိလေမလဲ၊
သူသိမယ်ထင် ထင်ရဲ့၊
ခင်ခင်ရယ် သည်ရင်ကျွမ်းပြီပေါ့၊
အလွမ်းဆုံး နေ့တွေရယ်၊
မေ့နေမယ်လို့ ထင်သလား … ။
အနေဝေးပေမယ့်၊
အတွေးမှာ နှစ်ကိုယ်ဆုံရဲ့၊
ဘယ်လိုပုံ ဘယ်လိုလွမ်းတယ်ကွယ့်ရယ်လို့၊
ဖွဲ့နွဲ့ကာ သောကဇာတ်ကိုလည်း၊
ပြောပြတတ်လျှင် သူငိုချင်မလား၊
ငြိုငြင်လျှင် ကိုယ့်အပြစ်ပါပဲ၊
သိပ်ချစ်သူ သူစိမ်းရုပ်နဲ့၊
ထိမ်းချုပ်စေသား။ ။

 မောင်စိန်ဝင်း (ပုတီးကုန်း)

မလိုက်ရဲရင်လည်း
အသိုက်ထဲမှာပဲ ကျန်ခဲ့လေ ...။
တနေ့နီးမှာပေါ့...
ရှေ့ခရီးမျှော် မာန်တင်းပါကွယ့်..
(ငှက်ဆိုတာကတော့) ပျံရင်းသေ...။

ကဆုန်စိုင်းသလိုပေါ့..
မုန်တိုင်းက ရှေ့မှာမွှေ..။
တောမီးတွေက ရှေ့မှာဝိုင်း...။

ခြင်္သေ့က မြက်မစား...
ကျားက ကြွက်မချောင်း...
ဖွတ်တွေက မိကျောင်းလို မနေ...
အိုးဝေ...အိုးဝေ...တွန်သံနှောလေ တဲ့...
စိမ်းမြညို ဟောဟို တောဆီသို့...
အမောခံ ဇောမာန်တင်းပါလို့...
ပျံရင်းသေ ခရီးဆက်မယ် တဲ့...
အဲဒါ... အဲဒါ...
ငှက်တွေရဲ့ သမိုင်း...။

မောင်စိန်ဝင်း(ပုတီးကုန်း)

တွယ်တာလှပေမယ့်၊
ကွယ်ရာကပဲ ချစ်တော့မယ်။
အဆင်ခက်လေတော့၊
မကြင်ရက်တယ် သခင်ဆိုမလား၊
ငြင်ငြိုရင် ကိုယ့်အပြစ်ပါပဲ၊
စိတ်ညစ်တယ်ကွယ်။
သံယောဇဉ် ခွေကာရစ်ပေမယ့်၊
ပြန်ပြောလျှင် ဝေဒနာဖြစ်ရုံမို့၊
ချစ်တတ်သူ အမူလုပ်ပါလို့၊
မပူရုပ်လို ဟန်ဆောင်တင်းပေမယ့်၊
ရင်တွင်းမှာ မကြည်မွေ့လေတော့၊
သည်နေ့လဲ စိတ်ညစ်တယ်၊
သိပ်ချစ်တယ်လို့ မဆိုသာတော့။
ပါးစပ်က ပြောမှလား၊
နှုတ်ဖျားမှာ မေတ္တာမရှိပါဘူး၊
အကြည့်ဆုံ ဝေဒနာနွေးတွေက၊
အကြင်နာ ခြေရာလေးတွေပဲ၊
အတွေးမှာ ရစ်တဝဲနဲ့၊
ချစ်သည်းရယ် ဘာသာဖြေလို့၊
မာယာတွေ ဟန်ဆောင်ထိန်းကာ၊
သူစိမ်းတွေပေါ့။ ။
မောင်စိန်ဝင်း (ပုတီးကုန်း)

ဘယ်သူမြင် ဘယ်သူသိမှာလဲ၊
သူရှိတယ် ကိုယ့်ရင်ထဲ၊
အမြဲငြိတွယ်။
အရိပ်ကလေးလို အစဉ်ခြောက်သူရဲ့၊
စိတ်အတွေးကို တမင်နှောက်တာလား၊
သခင်ရောက်ပါလို့ တဝဲလည်လည်။
ငွေလသာ အရိပ်ထိုးရင်လဲ၊
နွေညမှာ အအိပ်ခိုးပြန်ပေါ့၊
စိတ်ဆိုးဟန် တမင်လွှဲပေမယ့်၊
ရင်ထဲက အရိပ်ငယ်၊
ဆိတ်ကွယ်လို့ ပျောက်မသွား။
အစဉ်ဝေးပြီပဲ၊
ရင်မအေးအောင် မနှိပ်စက်ပါနဲ့၊
အအိပ်ပျက်ကာ နေမရအောင်၊
နွေညကို ကျိန်စာတိုက်သူရဲ့၊
စိတ်ကြိုက်သလို ခွာခွာနေပေါ့၊
မာယာတွေ အဆင်ခွဲကာ၊
ရင်ထဲမှာ ခြေရာမချန်နဲ့၊
ဝေဒနာဒဏ် အရိပ်ခွာချလို့၊
(အချစ်ရယ် …)
အိပ်ပါရစေလား။ ။
မောင်စိန်ဝင်း (ပုတီးကုန်း)

လက္ခဏာဟန်မကျချင်တော့၊  အနန္တခက်ထွေ၊
ကံမ.မှ အသက်ရှည်မယ်၊  ကျမျက်ရည်ယိုဆင်း။
တွေးမိတိုင်း စိတ်နာတယ်၊  မအိပ်တာ လေးညအလင်း။
ကာလကို ထောင်းချင်သည်၊ ကြောင်းအင်နော် မရှင်း။
ကောင်းချင်သော် နုံဖျင်းလို့၊  ဒုံရင်းသို့လှည့်မယ်။
မချိလို့ပေါ်တဲ့သွားတောင်၊ ရယ်သလား မေးကြလေတယ်။
စကားကြောင့် တရားကွယ်၊ အလားဝယ်ကုန်ခမ်းလို့၊
ဘုံနန်းမြင့် အဆောင်ဆောင်၊ ကင်းရလေအောင်။
မင်းဆိုသမျှ ကွင်းရှောင်မယ်
ထမင်းတောင်စားချင်ဘုလေး။

(ဦးပုည)