“ သစ္စာအိမ် ”

ထို့ကြောင့် ဆင်ဟုခေါ်သည်

လူတယောက်လမ်းလျှောက်လာရင်း ဆင်တကောင်ကို တွေ့တော့ ရပ်တန့်လိုက်ပါတယ်။
ဆင်ရဲ့ ရှေ့ ခြေထောက်မှာ ကြိုးလေး သေးသေးနဲ့ ချည်ပြီး မြေပြင်မှာ တုတ်ရိုက်ထားတာကို
တွေ့ပြီး အံ့သြသွားလို့ ဖြစ်ပါတယ်။

ဒါကြောင့် ဆင်ဘေးမှာ ရှိနေတဲ့ ဆင်ထိန်းကို သွားမေးလိုက်ပါတယ်။

"ဟေ့လူ ဆင်ဆိုတာ အင်မတန်အားကြီးတဲ့ သတ္တဝါဗျာ။ ခများမို့လို့ ခြေထောက်
တချောင်းထဲမှာ ကြိုးသေးသေးလေး ချည်ပြီး ဖမ်းထားရဲတာ။ ဒါဆို ဆင်က ရုန်းထွက်ပြီး
လူကို ရန်မူမှာ မကြောက်ဘူးလားဗျ"

ဆင်ထိန်းက တစ်ချက်ပြုံးပြီး ယခုလို ပြန်လည်ဖြေကြားပါတယ်။

"မကြောက်ပါဘူးဗျာ။ သူ့ကို ငယ်ငယ်တုန်းက ဒီကြိုးသေးသေးလေးနဲ့ ချည်ခဲ့တာ။
အဲ့တုန်းက သူ့မရုန်းနိုင်ဘူး။ အခုလည်း အဲ့ဒီ ကြိုးသေးသေးလေးနဲ့ပဲ ပြန်ချည်တယ်။
သို့ပေမယ့် ဒီကြိုးကို သူမရုန်းနိုင်ဘူးလို့ အသိစွဲသွားလို့ ဘယ်တော့မှလည်း ရုန်းတော့
မှာ မဟုတ်ဘူး။ ဒါကြောင့် ဆင်ဆိုတဲ့ သတ္တဝါကြီးက ထိန်းလို့လွယ်တာပေါ့ဗျာ"ဟူ၍
ဖြစ်ပါတယ်။

သာဓက-

လူတွေလည်း ဒီတိုင်းပါပဲ။ အရာရာ၊ အကြောင်းကြောင်း တစ်ခုကို ရှုံးနိမ့် သွားရင်
ဒါကို ငါမလုပ်နိုင်တော့ဘူးလို့ မှတ်ယူပြီး အားမာန်လျော့တတ်ကြပါတယ်။ ရည်မှန်း
ချက်များ၊ အိပ်မက်များကို ဆက်လက် အကောင်အထည် မဖော်တော့ပဲ စွန့်လွတ်
လိုက်တတ်ကြပါတယ်။

ဒါဟာ အင်မတန် ကြီးမားတဲ့ ဆုံးရှုံးမှုဖြစ်ပြီး အရှုံးပေါ် အရှုံးထပ်ခြင်း ဖြစ်ပါတယ်။
ရှုံးနိမ့်ခြင်းဒဏ်ကို ခံနိုင်ရည်ရှိပြီး ရှုံးတယ်ဆိုတာ ဘဝရဲ့ အစိတ်အပိုင်းတစ်ခုမျှသာ
ဆိုတာကို သိရှိနားလည်ထားမှသာ အောင်မြင်လာမှာ ဖြစ်ပါတယ်။
----
အောင်ခမ်း (ရိုးရာလေး)

  မြတ်စွာဘုရား ဟောထားတာကတော့ လောကမှာ ပစ္စည်းဥစ္စာတွေရဲ့ယိုပေါက်
ကြီး ၆ -ခုဆိုတာ ဘာလဲဆိုတော့ ပစ္စည်းဥစ္စာဟာ ဘယ်တော့မှ မတည်ဘူးတဲ့၊
မြန်မာတွေ ကတော့ ပြောကြတယ်၊ “လူမိုက်နဲ့ငွေ အတူမနေ"ဘူးတဲ့၊ ပစ္စည်းဥစ္စာဟာ
ပျောက်သွားတယ်၊ မြတ်စွာဘုရားက ဘာကို ဟောသလဲဆိုရင်...

နံပါတ် (၁) က အာလသျ -လူပျင်းနဲ့ဆိုရင် ငွေဟာ အတူမနေဘူးတဲ့၊ ပျင်းရိလို့ရှိရင်-
ပျင်းတယ် ဆိုတာ- ပူလွန်းတယ်၊ အေးလွန်းတယ်၊ မိုးချုပ်လွန်းတယ်၊ ဆာနေသေးတယ်၊
မစားရသေးဘူး၊ စားပြီးပြီ၊ ဗိုက်လေးတယ် ဆိုတဲ့ အချက်တွေကို အကြောင်းပြပြီး
အလုပ်မလုပ်ပဲနဲ့နေတာကို ပျင်းတယ်လို့ ခေါ်ပါတယ်။ အဲဒီလိုပျင်းရိမှုဟာလည်း
ပစ္စည်းဥစ္စာရဲ့ယိုထွက်ကျဖို့ရာ အပေါက်တခုပါပဲ။
နံပါတ် (၂) ကတော့ ပမာဒ တဲ့၊ အပျော်အပါးတွေဘက်ပဲ စိတ်ဝင်စားတယ်၊ ကောင်း
ကျိုး ချမ်းသာဖြစ်ဖို့ စိတ်မ၀င်စားဘူး၊ လုပ်ငန်းကိုလည်း စိတ်မ၀င်စားဘူး၊ အပျော်အပါး
တွေကို အမြဲတမ်း စိတ်ဝင်စားနေရင်လည်း ပျက်စီးနိုင်ပါတယ်။
နံပါတ် (၃) က အနုဋ္ဌာန - လုပ်ငန်းတခုကို လုပ်တဲ့အခါမှာ တက်တက်ကြွကြွ မရှိဘူး၊
ဝတ်ကျေ တမ်းကျေပဲ လုပ်တယ်၊ သွက်သွက်လက်လက် လုပ်ရမယ့်ဟာကို သွက်သွက်
လက်လက် မလုပ်ဘူး၊ ပျင်းပျင်းရိရိ လုပ်တယ်၊ အဲဒီလိုဟာမျိုး မဖြစ်ရဘူးတဲ့၊ ကြိုးကြိုးစား
စား လုပ်ရမယ်၊ အဲဒီတော့ ပျင်းရိခြင်းဟာလည်း ဥစ္စာရဲ့ယိုပေါက် တခုပါပဲ။
 နံပါတ် (၄) က ကာမဂုဏ်အာရုံတွေထဲမှာ စိတ်ကို လွှတ်ထားပြီးတော့ ပျော်ပါးခြင်းဟာ
လည်း ပစ္စည်းဥစ္စာရဲ့ယိုကျတဲ့အပေါက်တခုပါပဲ။
နံပါတ် (၅) က မစောင့်စည်းခြင်း၊ ကိုယ့်စိတ်ကိုလည်း မစောင့်စည်း၊ ကာယကံ ၀စီကံကို
လည်း မထိန်းသိမ်း မစောင့်ရှောက်၊ ကိုယ်ကျင့်တရားကိုလည်း မထိန်းသိမ်း မစောင့်
ရှောက်၊ အဲဒါဟာ- စီးပွားရေး ယိုပေါက်တခုပါပဲ။
နံပါတ် (၆) က အအိပ်ကြူးခြင်း၊ ဘယ်တော့ဖြစ်ဖြစ် အိပ်တာပဲ၊ အအိပ်များနေတယ်၊
ပုံမှန်မလုပ်ချင်ဘူး။ အဲဒီဟာလည်းပဲ ပျက်စီးခြင်း အကြောင်းတခုပါပဲ။

ဘာအလုပ်မှ မလုပ်ဘဲ အမြဲတမ်းအချိန်ကို ရွှေ့ချင်တယ်၊ စောသေးတယ်၊ အချိန်ရွှေ့လိုက်
တယ်၊ ၈-နာရီလောက် အလုပ် လုပ်ရမှာကို မလုပ်သေးပါဘူး၊ ၉-နာရီမှ လုပ်မယ်၊ ၉-နာရီ
ကျတော့လည်း ၁၀-နာရီကျမှ သွားတော့မယ်၊ အဲဒီလိုအချိန်တွေကို ရွှေ့ရွှေ့သွားတာမျိုးကို
ဆိုလိုပါတယ်။
   အဲဒီအပေါက် ၆-ပေါက်ကို ပိတ်နိုင်မှပါ၊ မပိတ်နိုင်လို့ရှိရင် ပစ္စည်းဥစ္စာဟာ လူတွေနဲ့အတူ
မရှိနိုင်ဘူးလို့ မြတ်စွာဘုရားက ဟောထားပါတယ်၊ အဲဒီလို-အပေါက် ၆ ပေါက်ကို ပိတ်တာ
တွေဟာ ကိုယ့်အတွက် ပစ္စုပ္ပန်ဘ၀မှာ ကောင်းကျိုး ရနိုင်သလို သံသရာအတွက်လည်း
ကောင်းကျိုးရနိုင်ပါတယ်၊ မကောင်းတဲ့ အချက်အလက်တွေကို ရှောင်ပြီးတော့ ကောင်းတဲ့ အချက်အလက်တွေကို ကိုယ့်သန္တာန်မှာ ကျင့်ဆောင်ဖို့ အရေးကြီးပါတယ်။
   ဒါကြောင့် တရားချစ်ခင် ဓမ္မမိတ်ဆွေအပေါင်းတို့ကလည်း အဲဒီလို-အပေါက် ၆ ပေါက်ကို
ပိတ်တာတွေဟာ ကိုယ့်အတွက် ပစ္စုပ္ပန်ဘ၀မှာ ကောင်းကျိုး ရနိုင်သလို သံသရာအတွက်
လည်း ကောင်းကျိုးရနိုင်တယ်လို့ နားလည်သဘောပေါက်ကြကာ ကိုယ်စီကိုယ်ငှ သဘော
ကျပြီးတော့ ကျင့်ကြံကြိုးကုတ် အားထုတ်နိုင်ကြပါစေကုန်သတည်း။ ။
 (ဒေါက်တာ အရှင်နန္ဒမာလာဘိဝံသ  ဟောကြားတော်မူသော
“အခွင့်ကောင်းကို ရအောင်ယူ” တရားတော်မှ)

 အာဠာဝကဘီလူးက မေးပြီး ဂေါတမမြတ်စွာဘုရား ဖြေကြားခဲ့သော
(အာဠာဝကသုတ္တန်)။
******************************** 
(၁) လောကမှာ အကောင်းဆုံး ဥစ္စာက ဘာလဲ။
အဖြေ=သဒ္ဓါသည် အကောင်းဆုံး ဥစ္စာ။(သဒ္ဓိဓ ၀ိတ္တံ ပုရိသဿ သေဌံ)
(၂) လောကမှာ ဘာလုပ်ရင် ချမ်းသာမှာလဲ။
အဖြေ=ဓမ္မကို ကျင့်သုံးရင် ချမ်းသာမယ်။(ဓမ္မော သုစိဏ္ဏော သုခမာဝဟတိ)
(၃) လောကမှာ အကောင်းဆုံး အရသာက ဘာလဲ။
အဖြေ=အကောင်းဆုံး အရသာဟာ သစ္စာ။ (သစ္စံ သာဓုတရံ ရသာနံ)
 
(၄) လောကမှာ အကောင်းဆုံးသော အသက်ရှင်နည်းက ဘာလဲ။
အဖြေ=အသိပညာနဲ့ အသက်ရှင်တာ အသက်မွေးတာ အကောင်းဆုံး။
(ပညာဇီဝိံဇီဝိတ မာဟု သေဌံ)
(၅)အခက်အခဲကို ဘာနဲ့ ဖြတ်ကျော်ရမှာလဲ။
အဖြေ=သဒ္ဓါနဲ့ ဖြတ်ကျော်ရမယ်။ (သဒ္ဓါယ တရဟိ သြဃံ)
(၆) ကျယ်ပြောသော ဘ၀ကြီးကို ဘာနဲ့ ဖြတ်ကူးရမှာလဲ။
အဖြေ=သတိနဲ့ ဖြတ်ကူးရမယ်။ (အပ္ပမာဒေန အဏ္ဏ၀ံ)
 
(၇) ဆင်းရဲဒုက္ခကို ဘာနဲ့ ဖယ်ရှားမှာလဲ။
အဖြေ=ကြိုးပမ်းအားထုတ်မှု ၀ိရိယဖြင့် ဖယ်ရှားနိုင်မယ်။ (၀ီရိယေန ဒုက္ခမစ္စေတိ)
(၈) စိတ်ဖြူစင်အောင် ဘယ်လိုလုပ်ရမှာလဲ။
အဖြေ=ပညာ ဖြင့်သာ ဆေးကြောရမယ်။ (ပညာယ ပရိသုဇျွတိ)
(၉) ပညာကို ဘယ်လို ရအောင် ယူရမှာလဲ။
အဖြေ=နားလည်ချင်တဲ့စိတ် နားထောင်ချင်တဲ့စိတ် မှတ်သားချင်တဲ့ဆန္ဒရှိရင်ပညာရပါတယ်။
(သုဿုတသာ လဘတေ ပညံ)
 
(၁၀) ဥစ္စာကို ဘယ်လို ရှာမှာလဲ။
အဖြေ=လုံလ၀ီရိယရှိပြီး တက်တက်ကြွကြွ ကြိုးစားအားထုတ်ရမယ်။
(ပတိရူပကာရီ ဓုရ၀ါ၊ ဥဌာတာ ၀ိန္ဒတေ ဓနံ)
(၁၁) အကျော်အစောရှိရန် ဘယ်လိုလုပ်ရမှာလဲ။
အဖြေ=သစ္စာရှိ ကတိတည် မှန်ကန်ရန်လိုတယ်။ (သစ္စေန ကိတ္တိံ ပပ္ပေါတိ)
(၁၂) မိတ်ဆွေတွေ ရချင်ရင် ဘယ်လိုလုပ်ရမှာလဲ။
အဖြေ=ပေးကမ်းပါ။ (ဒဒံ မိတ္တနိ ဂန္ထတိ)
 
(၁၃) ဘယ်တရားတွေ ကျင့်သုံးမှ နောက်ဘ၀အရေး စိတ်အေးရမှာလဲ။
အဖြေ=အမှန်တရား၊ အသိပညာ၊ လုံလ၀ီရိယ၊စွန့်ကြဲပေးကမ်းမှု၊ရှိရမယ်။
(သစ္စံ ဓမ္မော ဓိတိ စာဂေါ)

အရှင်နန္ဒမာလာဘိဝံသ
(ဘအရေး စိတ်အေးရလေအောင် တရားတော်မှ)

ဘဝဆိုတာ ဘာလဲ
************
ဘဝဆိုတာ ဘာလဲ။ ဘဝဆိုတာ အိပ်မက်ပါပဲ။ အိပ်မက်ဟာ ဘဝပါပဲ။
ဘဝဆိုတာ အိပ်မက်ဆိုတာကို သက်သေပြမယ်။

အတိတ်ဘဝက ဖြစ်ပျက်တွေ့ကြုံတာတွေ မရှိတော့ဘူး။ တကယ်မဟုတ်တော့ဘူး။
အနာဂတ်ဘဝမှာ ဖြစ်ပျက်မှာကလဲ တကယ်မဟုတ်သေးပါဘူး။ အနာဂတ်ဘဝ အတိတ် ဘဝမှာ နေထိုင်လို့မရသလို၊ ပစ္စုပ္ပန်ဘဝလဲ ဖြစ်ပျက်နေလို့ တကယ်နေထိုင်လို့ မရဘူး။
အတိတ်ဘဝနဲ့ အနာဂတ်ဘဝလိုပဲ ပစ္စုပ္ပန်ဘ၀ဟာလဲ အိပ်မက်ပါပဲ။
ဘယ်ဘဝမဆို အစစ်အမှန် ခိုင်မြဲတည်တံ့နေတာ မဟုတ်ဘူး။

ပစ္စုပ္ပန်ဘ၀မှာ နေထိုင်မှုဆိုတာလဲ ချက်ချင်းအတိတ်ဘဝဖြစ်သွားနေတယ်။ ယခု အတိတ်ဘဝ
ဖြစ်နေတဲ့ ပစ္စုပ္ပန်ဘ၀မှာနေရတဲ့ ဘ၀ဟာလဲ အိပ်မက်ပါပဲ။ တကယ်မရှိဘူး။ အတ္တ ပုဂ္ဂလ ဇီဝ
မရှိလို့ ဘယ်ဘ၀မဆို အိပ်မက်ပါပဲ။ စိတ်ခဏတိုင်း ပြောင်းလဲနေမှုပါပဲ။

ဘ၀ဟာ အတ္တ ဇီဝ ပုဂ္ဂလ ယောက်ျား၊ မိန်းမ၊ မရှိလို့ “သုညတ”လို့ ခေါ်တယ်။ အဲဒီ အနိစ္စ
တရား၊ ဒုက္ခတရား၊အနတ္တတရား သုညတတရားဟာ ဘ၀ပါပဲ။ ဘ၀ဟာ သုညတလို့ သတိ
ပဋ္ဌာန်အလုပ်နဲ့ တကယ်သိရင် အမြင့်ဆုံး ပညာဥာဏ်၊ ၀ိမုတ္တိသုခ လွတ်မြောက်တဲ့ချမ်းသာ
သစ္စာသိမှု ချမ်းသာမြတ်ကြီးကို ရပါတယ်။ သုညတ သိမှ နိဗ္ဗာန်ရတယ်။

ဘ၀ဟာ အိပ်မက်ဖြစ်လို့ ချစ်စရာ မုန်းစရာလဲမရှိ၊ အထင်အမြင် မှားစရာမရှိဘူး။
အိပ်မက်ထဲမှာ တစ္ဆေချောက်ခံရရင် ချက်ချင်းနိုးရင်နိုးတယ်။ နိုးပြီးရင် ဒါ အိပ်မက်ပဲ။
သူရဲတစ္တေ တကယ်ခြောက်လှန့်တာ မဟုတ်ပါလားလို့ သိရင် စိတ်ပေါ့ပါးသွက်လက်
တယ်။ ရီတောင် ရီမောရသေးတယ်။

ဘ၀ဟာ အိပ်မက်ဆိုတာကို နောက်တခု သက်သေပြမယ်။

ဘ၀ဟာ စိတ်ပါပဲ။ စိတ်ရဲ့အမူအယာတွေပဲ။ အိပ်မက်ဆိုတာလဲ စိတ်ရဲ့အမူအယာပဲ။
ဒါ့ကြောင့် ဘ၀ဟာ အိပ်မက်ပါပဲ။ စိတ်ကဖြစ်ပေါ်မှု၊ စိတ်ရဲ့အမြင်သက်သက်ပါပဲ။ အိပ်မက်စိတ်မှာ ကြောက်စရာအာရုံတွေ ကြုံရသလို၊ နိုးနေတဲ့စိတ်မှာလဲ ကြောက်စရာ
အာရုံတွေ ကြုံရတယ်။ အိပ်မက်စိတ်နဲ့ အမြင်ဟာ ဘ၀ပါပဲ။ မျက်မြင်လောကထဲ ဘာမှ
မထူးခြားဘူး။ စိတ်ရဲ့ထင်မြင်မှုပါပဲ။ အိပ်မက်ကို ပထမတော့ အစစ်အမှန် တကယ့်ဖြစ်ရပ်
လို့ ထင်ခဲ့ကြရတယ်။ အိပ်မက်ဆိုးဟာ အိပ်ရာကနိုးရင် ပျောက်သွားတယ်။
ဒါကြောင့် သတိပညာ ၀ိပဿနာစိတ် မဂ်စိတ်ရရင် ကိလေသာ စိတ်အမြင်တွေပျောက်သွားတယ်။ အိပ်မက်ဆိုးတွေ မရှိတော့ဘူး။

မျက်စိဟာ ရူပါရုံအဆင်း ကြည့်ရာမှာ မရောင့်ရဲနိုင်ဘူး။ နားကလဲ ကောင်းတဲ့အသံကို ကြားရာ မှာ ကျေနပ်ရောင့်ရဲခြင်း မရှိဘူး။ မျက်စိက အဆင်းလှလှကို ထပ်မံ ကြည့်ချင်နေတယ်။ နားက အသံသာယာတာကို ထပ်မံ ကြားချင်နေတယ်။ သောက်လေ သောက်လေ ငတ်မပြေတဲ့ ဆား
ငန်ရေပါပဲ။ ဒါကြောင့် မြတ်စွာဘုရားက မျက်စိ,နား, နှာ,လျှာ,ကိုယ်, စိတ် ဒွါရခြောက်ပါးမှာ
တဏှာ, မာန,ဒိဋ္ဌိ မီးလောင်နေတယ်လို့ ဟောတော်မူတယ်။ ဒွါရခြောက်ပါးမှာလဲ မီး ၁၁-ပါး
လောင်နေတာကို တွေ့မြင်နိုင်တယ်။

အီတာလျံဘုန်းတော်ကြီး ဦးလောကနာထ၏ အဆုံးအမများ

 ချွေးမ လုပ်တဲ့သူက "ပေါ့တော့လဲ အရသာ မရှိဘူး၊ ငံတော့လဲ မျိုမကျဘူးနဲ့
အမေက ဘာဖြစ်ချင်တာလဲ?"

အမေက သူ့သားပြန်လာတာ မြင်တော့ ဘာမှ မပြောတော့ပဲ ထမင်းဟင်းကို ပါးစပ်ထဲ သွတ်ထည့် လိုက်တယ်။ သူမ သူ့ကို မျက်စောင်းထိုးပြီး တချက်ကြည့်လိုက်တယ်။

သားဖြစ်သူက တလုတ်လောက် မြည်းကြည့်လိုက်တယ်။ ချက်ချင်း ပြန်ထွေးထုတ် လိုက်ပြီး
"ငါမင်းကို ပြောထားတယ် မဟုတ်ဘူးလား၊ အမေ့မှာ ရောဂါရှိတယ်၊ အငံစားလို့ မရဘူး
ဆိုတာကို"

"ကောင်းပြီလေ၊ ဒါ ရှင့် အမေပဲ၊ နောက်ကျရင် ရှင်ပဲ ချက်တော့"
ချွေးမက ပြောပြီးတာ့ ဆောင့်အောင့်ပြီး အခန်းထဲ ဝင်သွားတယ်။

သားက သက်ပြင်းတချက် ချလိုက်ပြီး ပြောလိုက်တယ်...
"အမေ မစားနဲ့တော့၊ သား ခေါက်ဆွဲ ချက်ကျွေးမယ်"

"သား မင်း အမေ့ကို ပြောစရာ ရှိတယ်မဟုတ်လား၊ ရှိရင် ပွင့်ပွင့်လင်းလင်းသာပြောပါ၊
စိတ်ထဲမှာ မျိုသိပ်မထားပါနဲ့"

" အမေ သား နောက်လကျရင် ရာထူးတိုးတယ်၊ အလုပ်တွေ အရမ်းများလာလိမ့်မယ်၊
မိန်းမကလဲ အပြင်ထွက် အလုပ်လုပ်ချင်တယ် ပြောတယ်။ ဒါကြောင့်…"

“သား အမေ့ကို လူအိုရုံ မပို့ပါနဲ့နော်” အသံလေးက တုန်ရီနေတယ်။

သား ကလဲ ခဏငြိမ်သက်သွားတယ်၊ ဒီထက်ကောင်းတဲ့ အကြောင်းရင်းကို ရှာနေသလို။

“အမေ လူအိုရုံကလဲ မကောင်းတာ မဟုတ်ပါဘူး၊ အမေသိတဲ့အတိုင်း မိန်းမ အလုပ်လုပ်ရင် အမေ့ကို ကောင်းကောင်း ပြုစုနိုင်မှာ မဟုတ်ဘူး၊ ဟိုမှာက ကျွေးမဲ့သူ ပြုစုမဲ့သူ အဆင်သင့်
ရှိပြီးသားပဲ။ အိမ်မှာထက်တောင် ပိုအဆင်ပြေသေးတယ် မဟုတ်ဘူးလား?”

“…….....”

ရေမိုချိုးပြီး ခေါက်ဆွဲထုတ်ကိုပဲ ကမန်းကတန်း ပြုတ်စားလိုက်တယ်။ သူ အခန်းထဲ ဝင် သွားပြီး ပြတင်းပေါက်မှာ ရပ်ပြီး စိတ်ထဲမှာ တွေဝေနေသလိုပဲ။
အမေဟာ ငယ်ငယ်လေးကတည်းက မုဆိုးမ ဖြစ်ခဲ့တာပါ။ သူ့ကို ကျောင်းပြီးတဲ့အထိ
တယောက်တည်း ရှာကျွေးခဲ့တာပါ။ ငယ်ရွယ်စဉ်အခါက ပင်ပန်းခဲ့တာတွေကို အကြောင်း
ပြပြီး မိခင်ကို လုပ်ကျွေးစောင့်ရှောက်ရမယ်လို့ တခွန်းမှ မပြောခဲ့ဘူး။ ဒါပေမဲ့ မိန်းမက
တော့ အိမ်ထောင်ရေးနဲ့ ချိန်းခြောက်လာတယ်။

အမေ့ကို လူအိုရုံ တကယ်ပို့ရမှာလား? သူ့ကိုယ်သူ ပြန်မေးတယ်။ သူ မလုပ်ရက်ဘူး။

“မင်းရဲ့နောက်ပိုင်းဘဝကို ဆက်ပြီးလက်တွဲလျှောက်မှာက မင်းမိန်းမနော်။ မင်းအမေ
မဟုတ်ဘူး”လို့ ဦးလေးရဲ့သားက အမြဲသတိပေးတယ်။
“မင်း အမေ ဒီလောက်တောင် အိုနေပြီ၊ ကံကောင်းရင်တော့ နေနိုင်သေးတာပေါ့၊ အသက်ရှင်နေတုန်း ကောင်းကောင်း ပြုစုပါလား? သစ်ပင်သည် ငြိမ်ချင်သော်လည်း
လေကမငြိမ်ပေ။ မိဘကို လုပ်ကျွေးချင်သော်လည်း မိဘက မရှိတော့ပေ ဆိုတာမျိုးတော့
မဖြစ်စေနဲ့ဟေ့” လို့ တချို့ဆွေမျိုးတွေကတော့ သတိပေးကြတယ်။
သူ ဘာမှ ထပ်မစဉ်းစားချင်တော့ဘူး၊ စိတ်ပြောင်းသွားမှာစိုးလို့။
*   *   *   *   *
နေမင်းက သူ့ရဲ့ပူပြင်းလှတဲ့ အရှိန်အဝါကို သိမ်းပြီး တောင်ကုန်းရဲ့နောက်ကွယ်ကို ပုန်းခို
သွားပြီ။ မြို့ပြင် ဆိတ်ငြိမ်တဲ့ နေရာမှာ တည်ဆောက်ထားတဲ့ အဆင့်မြင့် လူအိုရုံလေး….

ဟုတ်တယ်လေ၊ ပိုက်ဆံများများ သုံးထားမှာ သားရဲ့စိတ်ထဲက ပိုဖြောင့်တာပေါ့။
သားက မိခင်ကို တွဲခေါ်ပြီး ဧည့်ခန်းထဲဝင်လိုက်ချိန်မှာ ၄၂ လက်မ တီဗွီဖန်သားပြင်မှာ
ဟာသကား တကားပြနေတယ်။ ဒါပေမဲ့ ပရိသတ်တွေဆီက ဘာရယ်သံမှ မကြားရဘူး။
တချို့အင်္ကျီဆင်တူ ဝတ်ထားတဲ့ အဖိုးကြီးတွေ ဆိုဖာပေါ်မှာ ထိုင်ပြီး ငိုင်နေကြတယ်။
စိတ်ဓာတ်ကျနေတဲ့ ပုံတွေပဲ။
နောက် လူအိုတယောက်က ကိုယ့်ဖာသာကိုယ် တီးတိုးပြောနေပြီး မြေကြီးပေါ် ကျနေတဲ့ ဘီစကွတ်မုန့်ကို ကောက်စားနေတယ်။

သားက သိတယ်။ အမေ လင်းလင်းထင်းထင်း ကြိုက်တယ်ဆိုတာကို။ နေရောင်
ကောင်းကောင်းရတဲ့ အခန်းတခန်းကို ရွေးပေးလိုက်တယ်။ ပြတင်းပေါက်ကနေ
လှမ်းကြည့်လိုက်ရင် မြက်ခင်းပြင်က စိမ်းစိုလို့၊ သူနာပြု တွေကလဲ တွန်းလှည်းတွေကို
တွန်းပေးပြီး တချို့လူအိုတွေကလည်း လမ်းလျှောက်နေကြတယ်။ ပတ်ဝန်းကျင် တိတ်
ဆိတ်လွန်းတာဟာ လူရဲ့စိတ်ထဲမှာ ဝမ်းနည်းသလိုလို ဖြစ်လာစေတယ်။
ဆည်းဆာသည် လှပသော်လည်းပဲ မှောင်ရီပျိုးနေပြီ။

“အမေ သားပြန်တော့မယ်။”

အမေကတော့ ခေါင်းလေးတချက်ပဲ ငြိမ့်လိုက်တယ်။ သူ လှည့်ထွက်သွားတဲ့အချိန်မှာ အမေကတော့ တောက်လျှောက် လက်ပြနှုတ်ဆက်နေရှာတယ်။ သွားမရှိတော့တဲ့
ပါးစပ်ကို ဟပြီး ခြောက်ကပ် ဖြူလျော်နေတဲ့ နှုတ်ခမ်းသားများဟာ မျှော်လင့်ချက်တွေ
များစွာနဲ့ ကျန်နေရစ်ခဲ့တယ်။ သားလေးက အဲဒီအချိန်မှာမှ မိခင်ရဲ့မီးခိုရောင်သန်းနေတဲ့
ဆံနွယ်တွေ၊ ချိုင့်ဝင်နေတဲ့ မျက်ဝန်း အစုံ၊ တွန့်ကြေနေတဲ့ ပါးပြင်ကို သတိထားမိတယ်။
အမေ တကယ် အိုနေပါပြီလား။

သူ ရုတ်ချည်း တခုကို သတိရလိုက်တယ်။ သူ ၆.နှစ်သား အရွယ်တုန်းက အမေဟာ
အရေးကြီးကိစ္စနဲ့ ရွာပြန်ဖို့ရှိတော့ သူ့ကို ဦးလေးအိမ်မှာ အပ်ခဲ့တယ်။ အမေသွားခါနီးမှာ အမေရဲ့ခြေထောက်ကို ဖက်ပြီး ကြောက်လန့်တကြား အော်ငိုပါလေရော...

“မေမေ သားကို ပစ်မသွားပါနဲ့၊ သားကို မထားခဲ့ပါနဲ့နော်။” နောက်ဆုံး အမေကလဲ သူ့ကို
မထားရစ်ခဲ့ပါဘူး။

သူ အလောသုံးဆယ်နဲ့ ထွက်လာလိုက်တယ်၊ တံခါးကိုပါ ဆွဲပိတ်လိုက်တယ်။
နောက်ပြန် မကြည့်ရဲဘူး။ ဟိုး အတိတ်က အရိပ်တွေ ပြန်ပေါ်လာပြီး စွဲကပ်နေမှာစိုးလို့။

အိမ်ပြန်ရောက်လာတော့ မိန်းမက သူ့အမေ ပစ္စည်းတွေကို စွန့်ပစ်နေတာ အားရပါးရပဲ။
၃ လက်မ မြင့်တဲ့ ဆုတံဆိပ်လေးတခု၊ ဒါဟာ မူလတန်းတုန်းက စာစီစာကုန်း ပြိုင်ပွဲ
“ကျွန်တော်၏ မိခင်”မှာ ပထမရခဲ့တဲ့ အောင်ပွဲ အမှတ်တရလေးပါ။ အင်္ဂလိပ်-မြန်မာ
အဘိဓာန် စာအုပ်လေး၊ ဒါကတော့ အမေ မစားရက် မသောက်ရက် ချွေတာပြီး
ဝယ်ထားပေးတဲ့ ပထမဦးဆုံးသော မွေးနေ့လက်ဆောင်။

နောက်ပြီး အိပ်ရာဝင်ခါနီးတိုင်း အမေ အမြဲလိမ်းလေ့ရှိတဲ့ ဒဏ်ကြေလိမ်းဆေး။
" မင်း အမေကို မလိမ်းပေးတော့ လူအိုရုံ ယူသွားလဲ ဘာထူးမှာတဲ့လဲ?

“တော်ပြီ ဆက်မပစ်နဲ့တော့”လို့ ဒေါသတကြီးအော်လိုက်တယ်။
“ဒါတွေကို မပစ်တော့ ငါ့ပစ္စည်းတွေ ဘယ်မှာထားရမှာလဲ” လို့ မိန်းမကလဲ
ပြန်အော်တယ်။
“ဒါတွေ အားလုံးဟာ ငါ့ အမေရဲ့အမွေတွေပဲ၊ ဘာမှ မထိနဲ့”
“ရှင် ဒါ ဘာသဘောလဲ?”
“မင်းငါ့ကို ချစ်လို့ ငါကို လက်ထပ်ခဲ့တာ၊ ငါ့အမေကိုကော နင်ချစ်လို့ မရဘူးလား?”

ပြောပြီး သူ ကားမောင်းထွက်သွားတယ်။
***  ***  ***  *** ***
မိုးရွာပြီးတဲ့ ညဟာ အေးစက်လွန်းတယ်။ လမ်းမှာလဲ လူတွေရှင်းလို့၊ သူ အဆုံးစွန်အထိ
နင်းပြီး မောင်းလာခဲ့တယ်။ ကားလေးက တောင်ကုန်းပေါ်က လူအိုရုံဆီသို့ ဦးတည်လျက်။
ကားကို ရပ်ပြီးတာနဲ့ လှေခါးပေါ် ပြေးတက်သွားပြီး အမေ့ အခန်းတံခါးကို တွန်းဖွင့်
လိုက်တယ်။

သူ ဝိဥာဏ်မဲ့စွာ ရပ်နေတယ်။
အမေကတော့ ကိုက်ခဲနေတဲ့ ခြေ၂-ဖက်ကို နှိပ်နေရှာတယ်။ သားလက်ထဲက ဒဏ်ကြေ လိမ်းဆေးကိုမြင်တော့ ဝမ်းသာအားရနဲ့ ပြောလိုက်တယ်။

“အမေ မေ့ခဲ့တာ၊ တော်သေးတာပေါ့ သား ယူလာပေးလို့”

သူဟာ အမေဘေးနားကို တိုးသွားပြီး ဒူးထောက်လိုက်တယ်။

“မိုးချုပ်နေပြီ။ အမေ့ဖာသာလိမ်းမယ်၊ မနက်ဖန် ရုံးတက်ရဦးမယ်၊ ပြန်ပါတော့သားရယ်”

သူ ခဏ မှင်သက်သွားပြီး နောက်ဆုံး ထိန်းမရတဲ့ မျက်ရည်တွေ လျှံထွက်လာပြီး
“သားကို ခွင့်လွှတ်ပါ။ သားတောင်းပန်ပါတယ်။ အိမ်ပြန်ရအောင်နော်”

ကိုယ်တွေ တဖြေးဖြေး ကြီးလာတာနဲ့အမျှ မိဘတွေ နုနယ်တဲ့ မျက်နှာ တဖြေးဖြေး အိုမင်းခဲ့တာကို မြင်တွေ့နေရတယ်။ နက်မှောင်တဲ့ ဆံကေသာ ဖြူရောင်သမ်းလာတယ်၊ လျင်မြန်ဖျက်လပ်မှုကနေ တုံ့နှေးလာတယ်။ ဘယ်လောက်ထိ ရင်နာစရာကောင်းလဲ။

မိဘဆိုတာ အကောင်းဆုံး တန်ဖိုး အကြီးမားဆုံး အရာတွေကို ထားခဲ့ပေးတယ်။

ဖယောင်းတိုင်မီးလိုဘဲ အဆက်မပျက် ကိုယ့်ကိုယ်ကို လောင်ကျွမ်းပြီး
သားသမီးတွေကို အလင်းရောင်ပေးခဲ့တယ်။ ကျွန်တော်တို့က ရော?

သူတို့အတွက် နေရာလေး ပေးနိုင်လား?
ဒါမှမဟုတ် လိုအပ်တဲ့ အချိန်မှာမှ သတိရတာလား?

သူတို့တောင်းဆိုတာ တကယ်မများပါဘူး။
“မေမေ ဒီနေ့ နေကောင်းလား ထမင်းစားပြီးပြီလား” ဆိုတဲ့
ရိုးရှင်းတဲ့ စကားသံလေးပါပဲ။

မိဘကျေးဇူး မဆပ်နိုင်ကြရင်တောင် ကျေးဇူးတော့ မကန်းသင့်ဘူးလို့
ကျွန်တော် ထင်ပါတယ်။
မိတ်ဆွေ သူငယ်ချင်းများ ဗုဒ္ဓဘာသာဝင်ပီပီ မိဘကျေးဇူး အထူးကျေနိုင်ကြပါစေသား..။

(Royal Hero Media)

စကားပြောကောင်းခြင်းဟာ အတတ်ပညာတမျိုးပါ
*************************************************
မိမိဟာ စကားတခွန်းကို အောင်မြင်စွာ ပြောချင်ရင်၊ အရေးပါ အရာရောက်စေချင်ရင် မိမိ
ရောက်နေတဲ့ ဒေသရဲ့ ယဉ်ကျေးမှုကို အရင်ဆုံး လေ့လာသင်ယူရမယ်၊ မိမိရောက်နေတဲ့
အသိုင်းဝိုင်းဟာ ဘယ်လို အသိုင်းဝိုင်းမျိုးလည်းဆိုတာ လေ့လာထားဖို့လိုအပ်တယ်။ ဒါမှသာ ထိထိရောက် ပြောနိုင်ဆိုနိုင်မှာ ဖြစ်ပါတယ်။ စကားပြောကောင်းခြင်းဟာလည်း အတတ် ပညာတမျိုးဖြစ်ပါတယ်။

ကိုယ်ဘာပြောချင်တယ် ဆိုတာထက် သူတို့ ဘယ်လိုစကားတွေ နှစ်သက်တတ်လည်းဆိုတာ
သိအောင် အရင်လုပ်ရမှာဖြစ်တယ်။ ပရိသတ်က နှလုံးသားနဲ့ နားထောင်လာနိုင်ဖို့အတွက်
ပရိသတ်ရဲ့ နှလုံးသားဆိုတာကို ရအောင် အရင်ဦးဆုံး ယူနိုင်ဖို့တော့ လိုပါလိမ့်မယ်။ လူတ
ယောက်ရဲ့ နှလုံးသားကို ရလိုက်ခြင်းဟာ ဒီလူရဲ့ ဘဝကို ရလိုက်ခြင်းတမျိုးပါ။

စင်မြင့်ထက်မှာ စကားပြောတာပဲဖြစ်ဖြစ်၊ အပေါင်းသင်းမိတ်ဆွေကြားမှာ စကားပြောတာပဲ
ဖြစ်ဖြစ် ပထမဆုံး နားထောင်ပေးတဲ့သူအားလုံးကို ကျေးဇူးတင်ကြောင်း ပြောဖို့ မမေ့သင့်
ပါဘူး။ ဟာသလေးတွေ ကြားညှပ် ပြောတတ်ဖို့လည်းလိုပါတယ်။ သူတို့ရဲ့ ဓလေ့စရိုက်၊ အမူ
အကျင့်လေးတွေက မိမိ နှစ်သက်မိတယ်ဆိုတာမျိုးကိုလည်း ပြောဖို့ လိုပါတယ်။ ဒီအခြေခံ သဘောတရားတွေတော့ သိနေရမှာပါ။

ကိုယ်ပြောတဲ့ စကားလေးတခွန်းဟာ လူတဖက်သားရဲ့ ဘဝ သေဆုံးသွားနိုင်သလို၊
အောင်မြင်သွားတဲ့ အထိလည်း ဘဝပြောင်းလဲ သွားနိုင်တယ်ဆိုတာ တွေးထားသင့်
ပါတယ်။ ဒါဟာ စကားမမှားနိုင်ဖို့လည်း ဆင်ခြင်ရာရောက်ပါတယ်။ စကားတခွန်း
ကြောင့်လည်း မိမိရဲ့ဂုဏ်သိက္ခာ ကျဆင်းသွားနိုင်ပါသေးတယ်။ သတိထားဖို့ လိုပါ
တယ်။

အပြောအဆို ကျွမ်းကျင်လိမ္မာခြင်းဟာ အလိုဆန္ဒတဝက်ကို ပြီးမြောက်နိုင်ပါတယ်။
ဒါကြောင့် လူတယောက်က စကားပြောတတ်ဖို့ သိပ်အရေးကြီးပါတယ်။
ယနေ့ ကမ္ဘာမှာ အောင်မြင်နေသူတွေဟာ အဟောအပြော ကောင်းသူများဖြစ်တယ်
ဆိုတာကို လေ့လာတွေ့ရှိနိုင်မှာပါ။ စကားပြောကောင်းတဲ့ သူတိုင်းဟာလည်း စာဖတ်
တဲ့ သူတွေဖြစ်ကြတယ်ဆိုတာပါ တွဲမှတ်ထားရမှာပါ။ ကျင့်ကြံ အားထုတ်နိုင်ကြပါစေ။

(အိပ်မက်ဧည့်ခန်း)

 ကြီးပွားကြောင်း (၇) ရပ်
***************
(၁) ကိုယ့်ဆီ ဝင်လာတဲ့ငွေရဲ့ဆယ်ပုံတပုံကို အမြဲတမ်း ချန်ထားပါ။

(၂) ကိုယ့်ဆီဝင်လာသော ငွေများကို စနစ်တကျ စီမံခန့်ခွဲ သုံးစွဲပါ။ ငွေဝင်တဲ့ လမ်း