“ သစ္စာအိမ် ”

အိန္ဒိယ ကုလားပြည်မှ ဗုဒ္ဓပွဲတော်
***************************************
ဟိန္ဒူဘာသာနဲ့ မူဆလင်ဘာသာတွေ ကြီးစိုးနေတဲ့ ကျယ်ပြန့်လှတဲ့ အိန္ဒိယပြည်ကြီးမှာ ဗုဒ္ဓ ဘာသာပွဲတော်များ ကျင်းပဘို့ဆိုတာ တကယ်တော့မလွယ်ကူလှပါဘူး။ အထူးသဖြင့် ဘုရားပွဲ၊ ပဋ္ဌာန်းပွဲဆိုလျှင် ပိုလို့ပင် ခက်ခဲလှပါတယ်။ ဒါပေမဲ့ အခုအခါမှာတော့ တကယ်ကို အိန္ဒိယမြေ
ပေါ်မှာ ဘုရားပွဲ၊ပဋ္ဌာန်းပူဇော်ပွဲကြီး အောင်မြင်စွာကျင်းပနိုင်ခဲ့ပါတယ်။

အိန္ဒိယပြည်ကြီး၏ အလယ်ဗဟိုတည့်တည့်တွင် တည်ရှိသော နာဂပူ (Nagpur) မြို့တော်
ကြီးဟာ ဗုဒ္ဓဘာသာနှင့်ပတ်သက်ရင် သမိုင်းအစဉ်အလာကြီးသော မြို့တော်ကြီးဖြစ်ပါတယ်။ လွန်ခဲ့သော နှစ်ပေါင်း (၅၀)ကျော်က အိန္ဒိယတရားရေးဝန်ကြီး ဒေါက်တာ အမ်ဘေဒကာ
ဟာ ဒီနာဂပူမြို့တော်မှာပဲ နောက်ပါ (၅၀၀၀၀၀)ငါးသိန်းကျော်နှင့်တကွ ဟိန္ဒူဘာသာမှ
ဗုဒ္ဓဘာသာသို့ တရားဝင် ကူးပြောင်းခဲ့သော မြို့ဖြစ်ပါတယ်။

ထိုကမ္ဘာကျော်သမိုင်းဝင် ဘာသာပြောင်းပွဲကြီး ပြီးဆုံးသည့်နောက်ပိုင်းတွင် ၄င်း နာဂပူမြို့
တဝိုက် အထူးသဖြင့် မဟာရဋ္ဌပြည်နယ်တွင် ဗုဒ္ဓသာသနာတော်ဟာ အရှိန်အဟုန်ကြီးစွာ ပြန့်
ပွားလာပါတော့တယ်။ ယခုအချိန်ထိတိုင်အောင် နှစ်စဉ် အခြားဘာသာများမှ ဗုဒ္ဓဘာသာဝင် ကူးပြောင်းလာသူ အနည်းဆုံး တနှစ်လျှင် ပျမ်းမျှ (၂၀၀၀၀၀) နှစ်သိန်း ဝန်းကျင်အထိရှိပြီး။ ၄င်းမဟာရဋ္ဌပြည်နယ် နာဂပူဒေသတွင် ဗုဒ္ဓဘာသာဝင်ဦးရေမှာ ၈၅% အထိရှိကြောင်း
သိရပါတယ်။

အမိပြည်ကြီးမှ ခွဲခွာလာခဲ့ရသည်မှာ (၃)နှစ်ကျော်ကြာညောင်းခဲ့သည့် မိမိအတွက် ၄င်းနာဂပူ
မြို့တော်ဟာ ဒုတိယအမိမြန်မာပင် တင်စားပါက လွန်အံ့မထင်ပေ။ သီရိင်္လာမှ အိန္ဒိယသို့
မပြီးဆုံးသေးသည့် ပညာရေးခရီးလျှောက်လှမ်းလာသည့် (၇)လတာ ကာလအတွင်း ဒေသခံ
အိန္ဒိယ ကုလားများ၏ မလိုလားသည့်သဘော အဓိပ္ပါယ်သက်ရောက်သော အနီရောင်လွှမ်း
သည့် အစိမ်းရောင်ရင့်ရင့်အကြည့်၊ဆက်ဆံမှုများကြောင့် အမြဲတမ်း နောက်ကျောမလုံသလို ခံစားနေခဲ့ရသမျှ နာဂပူမြို့ရောက်တော့ အမိပြည်ကြီးပြန်ရောက်နေသကဲ့သို့ ဘေးကင်း လုံခြုံ
အေးချမ်းစွာခံစားရပါတယ်။

အိန္ဒိယတိုင်းသားအများစုတို့ဟာ ဗုဒ္ဓဘာသာရဟန်းတော်များကို တွေကြည့်သည့်အခါ၊ဆက်
ဆံသည့်အခါများတွင် ရဟန်းတော်တို့အား ရဟန်းတော်လို့ မထင်မမြင်ပဲ၊ ဒေါ်လာငွေ၊
ရူပီးငွေကဲ့သို့ ကြည့်တတ်မြင်တတ်ပြီး အချဉ်ဖမ်းဘို့ အမြဲချောင်းမြောင်းနေတတ်ကြပါ
တယ်။ နာဂပူမြို့သားတို့ကတော့ ဗုဒ္ဓ၏အဆုံးအမအောက်တွင် တည်ရှိနေထိုင်ကြသည့်သူ
များ အားလျှော်စွာ မိမိတို့ ရဟန်းတော်တို့အား ချစ်ကြည်ညိုသော၊ လေးစားသော၊ရိုသေ
သော၊ဖော်ရွေသော မျက်လုံးအစုံတို့နှင့် ကြည့်ရှုလေ့ရှိကြပြီး သံဃာတော်များကို ဖူးမြင်ရ
သည့်အခါတိုင်း "၀န္ဒာမိ ဘန္တေ"ဟု ပါဠ်ိ လို နှုတ်ခွန်းဆက်ကာ ရှိခိုးအရိုအသေပြုလေ့
ရှိပါတယ်။

၎င်းနာဂပူမြို့တော်အတွင်းရှိ သာရိပုတ္တဗုဒ္ဓ၀ိဟာရ ကျောင်းတိုက်အတွင်းရှ်ိ လေးထပ်မြောက်
အမိုးပေါ်တွင် တည်ထားတော်မူသော ရွှေတိဂုံစေတီတော်ပုံတူ (၁၅)တောင်ပြည့်စေတီတော်
ဗုဒ္ဓပူဇနိ ယပူဇော်ပွဲနှင့် အသံမစဲမဟာပဋ္ဌန်းရွတ်ဖတ်ပူဇော်ပွဲကြီးကို ကျင်းပပူဇော်ပွဲကြီးကို
မိမိအပါအ၀င် မာဂဓတက္ကသိုလ်၊ ဘုံဘေအစောမယတက္ကသိုလ်နှင့် နာဂပူတက္ကသိုလ်တို့
တွင် ဒေါက်တာတန်း တက်ရောက်သင်ယူနေကြသည့် မြန်မာရဟန်းတော်(၇-)ပါးတို့ဟာ
ထိုပူဇော်ပွဲကြီးကို ဦးဆောင်ပူဇော် သာသနာပြုခွင့် ရရှိခဲ့ကြပါတယ်။

နံနက် (၈း၀၀)အချိန်မှစတင်၍ ဗုဒ္ဓဘိသေကအနေကဇာတင်ခြင်း သီလပေးတရားဟောခြင်း
များ ပြုလုပ်၍(၉း၀၀)အချိန်မှ ည(၉း၀၀)အထိ ၁၂-နာရီ အသံမစွဲမဟာပဋ္ဌာန်ပူဇော်ပွဲကြီးကို ကျင့်ပပြုလုပ်ခဲ့ပါတယ်။ နံနက်အချိန်မှ ညအချိန်အထိ ၁၂-နာရီလုံးလုံး တရားတော်နာ အိန္ဒိယ
သား ဗုဒ္ဓဘာသာဝင်တို့ဟာ တသောင်းကျော်တက်ရောက်၍ အချိန်ပြည့် တရားတော်နာယူခဲ့
ကြပါတယ်။

ည(၉း၀၀)နာရီပဋ္ဌာန်းအောင်ပွဲ တရားပွဲအပြီးမှာတော့ နာဂပူသား ဒကာ/မတို့ဟာ ၀မ်းနည်း
သော မျက်ဝန်းအစုံတို့နှင့် နှုတ်ဆက် ကန်တော့ကြပြီး နောင်နှစ်များမျာလည်း အခုကဲ့သို့ တရား
ဟော သာသနာပြုခရီး ကြွကြဖို့ ပြုံးသောမျက်နှာ ငိုသောမျက်လုံးများဖြင့် လျှောက်ထားကြပါ
တယ်။

အသားအရောင် မည်မျှပင် ကွဲပြားသော်လည်း အယူသီလ တူမျှသည့်အတွက် ဓလေ့ထုံးစံ၊
ယဉ်ကျေးမှု စိတ်နေသဘောများဟာ အားလုံးနီးပါး အတူတကွပင်ဖြစ်ပါတယ်။ မြန်မာပြည်
ထွက် မိမိလက်ဖြင့် ဗုဒ္ဓသာသနာကို တတ်စွမ်းသမျှ ထမ်းဆောင်ခွင့်ရရှိခဲ့ကိုပင် များစွာ ပီတိ
ဖြစ်နေရပေ၏။ မည်သို့ပင်ဖြစ်စေ မိမိတသက်သာမှာတော့ ကုလားပြည်မှ ထူးထူးခြားခြား ကျင်းပခွင့်ရခဲ့သည့် နာဂပူမြို့တော်(သို့) ဗုဒ္ဓနိုင်ငံတော်လေးကို မည်သည့်အခါမှ မေ့ပျောက်
လို့ ရတော့မည် မဟုတ်ပေ။

~~~~~~~~~~~~~~~~~~~~~~~~~~~~~~~~~~~
(ဗုဒ္ဓဘာသာမြို့တော်ဖြစ်သည့် နာဂပူမြို့တော်အကြောင်း အပြည့်အစုံကို ဆောင်းပါး
ရေးသားမည် ဖြစ်သောကြောင့် စောင့်မျှာ်ဖတ်ရှုကြပါကုန်လော။)

(ဓမ္မ၀ီရ အရှင်တေဇနိယ)