“ သစ္စာအိမ် ”

(သီတဂူဆရာတော်ရဲ့ဖတ်သင့်သော ဟောပြောမှု) 

မကြာခင်လေးက အိန္ဒိယပြည်ကြီးရဲ့မြောက်ဘက် ကက်ရ်ှမီးယားရဲ့အရှေ့မြောက် လာဒက် က  ပြန်လာတယ်။ လာဒက်မှာ ဘုန်းကြီး တရားဟောတယ်။

Buddhist Centre ဆိုပြီးတော့ ဗုဒ္ဓဘာသာအဖွဲ့ရဲ့ဌာနချုပ် မြို့လယ်ခေါင်မှာ ဖွင့်ထားတယ်။
တမြို့လုံး ပိုစတာထောင်ပြီးတော့ ကြော်ငြာလိုက်တော့ ဗုဒ္ဓဘာသာဝင်ရော၊ ခရစ်ယာန်စတဲ့ အခြားဘာသာဝင်တွေရော အားလုံးလာပြီးတော့ နားထောင်ကြတယ်။ Tourist တွေကလည်း အရမ်းပေါတယ်။ သူတို့လည်း လာနားထောင်ကြတယ်။
ခေါင်းစဉ်က ဘုန်းကြီးပေးတဲ့ ခေါင်းစဉ်မဟုတ်ဘူး။ သူတို့ ပေးတဲ့ခေါင်းစဉ်။
Buddhist and World Peace ဗုဒ္ဓဘာသာတရားတော်နှင့် ကမ္ဘာ့ငြိမ်းချမ်းရေး ဆိုတဲ့
ခေါင်းစဉ်ကို ဟောရမှာ။

ကမ္ဘာဆိုတာ ဘာလဲ ...
စင်ပေါ်ရောက်တော့ ဘုန်းကြီးက ဘာဟောသလဲဆိုရင် The World ကမ္ဘာဆိုတာ ဘာခေါ်
တာလဲ။ ဘုန်းကြီးက အဲဒီက စတာ။ ရေ မြေ၊ တော တောင်၊ နေ လ၊ နက္ခတ် တာရာ၊
ပင်လယ် သမုဒ္ဒရာ၊ အင်္ဂလိပ် အမေရိကန် ဂျပန် ကိုရီးယား မြန်မာ ဒါတွေ အကုန်လုံးကို
မင်းတို့က ကမ္ဘာလို့ ခေါ်ချင်သလား။ မင်းတို့ ခေါ်ချင်လည်းခေါ် ရပါတယ်။

တို့ ဗုဒ္ဓကတော့ ခြေဖျားမှ ဆံပင်ဖျား တိုင်အောင် တလံမျှရှိတဲ့ ခန္ဓာကိုယ်ကို “တကမ္ဘာ” လို့
သတ်မှတ်တယ်။ အဲဒီတော့ ကမ္ဘာက လူ့အပြင်ဘက်မှာ ရှိတဲ့ အပြင်ကမ္ဘာနှင့် လူသား
တယောက်ချင်း တယောက်ချင်းရဲ့အတွင်းကမ္ဘာ ဆိုပြီး ၂ မျိုးရှိတယ်။

ဘုန်းကြီးက သူတို့ကို “အပြင်ကမ္ဘာကြီးရဲ့ငြိမ်းချမ်းရေးကို ခဏထားစမ်းပါအုံး။
အတွင်းကမ္ဘာ လို့ ခေါ်တဲ့ Individual World တယောက်စီ တယောက်စီနှင့် ဆိုင်တဲ့
ကမ္ဘာရဲ့ငြိမ်းချမ်းရေးကိုပဲ မင်းတို့ လုပ်ကြပါကွာ”လို့ ဘုန်းကြီးက ပြောလိုက်တယ်။

အာရှ အာဖရိက ဥရောပ အမေရိက ငြိမ်းချမ်းရေးတွေကို မင်းတို့ ခဏထား၊ မင်းတို့
တယောက်ချင်း တယောက်ချင်းရဲ့ငြိမ်းချမ်းရေး Individual Peace ကိုမှ မတည်ဆောက်
နိုင်ရင် ကမ္ဘာ့ငြိမ်းချမ်းရေးဆိုတာ အဓိပ္ပာယ်မရှိဘူး။
အဲဒီ ငြိမ်းချမ်းရေးမျိုးကိုလည်း ငါတော့ မယုံဘူး။