“ သစ္စာအိမ် ”

သူ့ အခါ မရောက်သေးက
ဘယ်ပြေးလို့  ပျောက်နေသည်
ပုန်းနေသည် မသိ။
သင်္ကြန်စင် ပုဏ္ဏားကွယ်က
ပိတောက်မယ် နံ့သာလူးရင်း
မြလေပြည် သုန်သုန်ဖြူးတဲ့
နှစ်ဦးချိန် ဇာတ်အဖွင့်
ငံ့လင့်နေ၏။

ပိတောက်ပန်း ကချေသည်။
ရွှေဒိုးသံ အယိုင်ဆက်တော့
သူ့ဇာတ် သူနိုင်အောင် က,မယ်တဲ့
ခေါင်းကြွလို့  ချီ။

ဝါ၀ါငယ် ၀င်းသနဲ့ 
နံ့သာရယ် သင်းသနဲ့
အခါတွင်း သင်္ကြန်မီ
မြန်မာပြည်ရဲ့ အချစ်ပန်း။
မျှော်နေသူ ပျော်ချေကြရော့လို့ 
ပန်ချင်သူ ဟန်ပြင်ကြရော့လို့ 
အကငယ် ထွေတလာနဲ့ 
သူ့မူရာ ရှက်စနိုးကို
ဒိုးချက်နဲ့  ဖဖ်း။

ပိတောက်ပန်း ကချေသည်။
သူလည်း မူရာစုံနဲ့ 
ကခုန်ကာ ပျော်ရွှင်မြူး
ထူးတဲ့ ဂုဏ်ရည်။

ဒိုးပတ်နဲ့  အိုးစည်
မြန်မာပြည်က လူများ။
လက်ခုပ်သံ တညံညံနဲ့
တို့သင်္ကြန်ပွဲတော်ကြီး
ဟည်းလို့ပါလား...။

(တင်မိုး)
၁၉၈၂ ၊ ဧပြီ