“ သစ္စာအိမ် ”

အမေ့ရွာသည်
သာယာငြိမ့်ငြောင်း၊ ကျေးငှက်ပေါင်း၏
ချိုလောင်းသံသာ၊ တေးထံတျာနှင့်
သဘာဝဖွဲ့၊ ပီပြင်ခဲ့၏ ။

အမေ့ရွာ၏
မျက်နှာမူရာ၊ ရှေ့ဆီမှာလည်း
ရပ်ရွာအတွက်၊ ကျိုးပြုလျှက်သာ
တစ်ဖက်ဆည်ကန်၊ တည်ရှိပြန်၏ ။

အမေ့ရွာကို
ဝဲယာ ဝန်းကျင်၊ ထနောင်းပင်နှင့်
စိမ်းရွှင် ထန်းတော၊ ယာတစ်ကြောက
မနောခွေ့ဖွယ်၊ ဝန်းကာ ကွယ်၏ ။

အမေ့ရွာသို့
ဝင်ရာ အထူး၊ ရွာထိပ်ဦးဝယ်
ကြယ်နူးဖွယ်ကောင်း၊ ရွာဦးကျောင်းကို
နှစ်ထောင်းအားရ၊ တွေ့မြင်ရ၏ ။

အမေ့ရွာ၏
နေရာ ဗဟို၊ ကုန်းမိုမိုဝယ်
ကြည်ညို တည်ထား၊ မြတ်ဘုရားမှာ
ညွတ်တွားမဝ၊ သပ္ပါယ်လှ၏ ။

အမေ့ရွာဝယ်
ဘာသာကိုချစ်၊ မျိုးကျစ်လစ်လျှက်
သွေးစစ် နောင်ညီ၊ ဘာမထီသော
ဇာနည်သားပေါင်း၊ အင်အားကောင်း၏ ။

အမေ့ရွာ၌
ပျူငှါယဉ်ကျေး၊ စိတ်ထားဖွေး၍
အေးဆေးတည်ကြည်၊ မြန်မာပီသော
မဒီကညာ၊ များလှပါ၏ ။

မေ့ရွာခြေနေ၊ တည်တံ့စေဖို့
ရွာနေလူထု၊ ဉာဏ်တင်ရှုလော့
ဂရုမထား၊ မြင်ဝေဝါးလျှင်
နှစ်များမကြာ၊ ချိန်အခါ၌
သဘာဝပျောက်၊ သောက ရောက်လိမ့်
ဦးနှောက်ကိုသုံး၊ ပေါင်းစည်းလုံး၍
စုရုံးညီညာ၊ ၀ိုင်းဝန်းကာမှ
မေ့ရွာ အလှ၊ မပျောက်ရှမည်
အပ္ပမာဒ တရား ရှိစေသောဝ်
ရပ်ရွာအလှအား မချိစေသောဝ် ။ ။

ရတုသစ်
ပန်းချီ sawhlaing