“ သစ္စာအိမ် ”

ပညာဆိုတာ အခြေအနေ မတူတဲ့ လူသားတွေကို တန်းတူဖြစ်အောင် ညှိပေးနိုင်တဲ့
အကြီးမားဆုံး ကြိယာတခုပါပဲ။
ပညာဆိုတဲ့ အလင်းရောင် မီးအိမ်ကို ထွန်း၊ ပညာမျက်စိနဲ့ အမှောင်အလင်း အကောင်း
အဆိုးကို ခွဲခြမ်းစိပ်ဖြာပြီး လောက လမ်းခရီးကို ဖြောင့်တန်းအောင် လျှောက်လှမ်းနိုင်
ပါတယ်။ အသုံးချတတ်ရင် ပညာဟာ ဆင်းရဲအားလုံးကိုပင် စွန့်ပစ်လိုက်နိုင်တယ်...။
အသိပညာ အတတ်ပညာ ဆိုတဲ့ ပညာရပ်သည် လောကီလောကုတ်အနေနဲ့ဆိုရင် ပို၍
ကျယ်ဝန်းနက်ရှိုင်းလွန်းလှပါတယ်။
ပညာ၏ တစွန်းတစကို ဘုရားရှင်နှင့် ပညာရှင်များ မိန့်ဆိုခဲ့သည်များကို အနည်းငယ်မျှ
စုစည်းလိုက်ပါသည်။

ပညာဟူဘိ၊ ထိုအရှိတို့၊ ထားသည့်နေရာ၊ ဤဂေဟာဖြင့်၊ ရေးလွှာမှတ်တမ်း၊ ပြောဆိုခန်း
ဖို့၊ ကျမ်းလို့မခေါ်၊တော်ဝင်မထိုက်၊ ဘဏ္ဍာတိုက်၊ နှစ်ခြိုက်သလို၊ သုံးပါလေ...။

ပညာပြည့်ဝ၊ နှလုံးလှသော်၊ ကိစ္စကြီးငယ်၊ ဆောက်သဖွယ်လျှင်၊
ကျဉ်းကျယ် ထွင်းဖောက်၊ ဖြတ်တောက်လိုရာ၊ ပြီးနိုင်စွာ၏။
(မဃဒေဝ)( ပညာတန်ဖိုး)
ငယ်က ပညာ၊ မသင်ရှာ၊ ကြီးမူဆင်းရဲ၊ မှန်မလွဲ။

လူသားတို့၏ အမြင့်မြတ်ဆုံးရတနာ(ပညာ နရာနံ ရတနံ)၊လူသားတို့၏ မျက်
လုံးသည်။ ပညာ(ပညာစက္ခု)၊ 
ပညာသမာ အာဘာ နတ္ထိ-ပညာနှင့်တူသောအလင်းရောင်သည် လောက၌
မရှိ၊ 
ပညာ ဇီဝိတ မာဟု သေဌံ၊
လောကမှာ ပညာဖြင့် အသက်ရှင်နေထိုင်ရခြင်းသည် အမြတ်ဆုံး၊

လောကေ ပညာယ အတ္ထတ္ထော၊ ပရတ္ထောစ သမိဇ္ဈတိ၊ 
လူ့ဘုံဌာန၊ ဤလောက၌၊ အတ္တပရာ ကျိုးနှစ်ဖြာကို၊ ပညာကသာ၊ ပြီးစေ
ရာ၏။ 
လူသားတို့၏ ဘဝတန်ဘိုးသည် ပညာ၊ ဘဝအထွဋ်ထိပ်သို့ ရောက်
ကြောင်းသည် ပညာ၊ 
ဘဝပန်းတိုင်သို့ ပို့ဆောင်ပေးသောတရားသည် ပညာ၊ 

နိဗ္ဗာန်တံခါး ဖွင့်ဖို့ရန် သော့ချက်သည် ပညာ။

ပညာရွှေအိုး လူမခိုး၊ ပညာရဲရင့် ပွဲလယ်တင့်။ ပညာမရှိ သူ၏ ဝန်ထမ်း၊ ဟု
လည်းကောင်း၊ 
ပညာရှာ ပမာ သူဖုံးစား ဟုလည်းကောင်း၊ ပညာမတတ်ပါက လောကမှာ လူ
ဖြစ် ရှူံးကာ မျက်ကန်းပမာ လူ့ပေါက်ပင်ဖြစ်တတ်ပုံကို "မရှိပညာ၊ ဤလူ့ရွာ၌၊ 
ကျမ်းစာနီတိ၊ တတ်မသိက၊ မျက်စိစုံကန်း၊ လူဖြစ်ဆန်းမျှ၊ ပေါက်ပန်းပမာ၊
မှတ်ဖို့ရာ၏" (မဃဒေဝ) 

ပညာမရှိပါလျှင် ချမ်းသာသုခနှင့် ဝေးကွာရှားပါးတတ်ပုံကို
"မပွားသုတ၊ မရကောင်းမှု၊ မစု ဥစ္စာ၊ နွားပမာလျှင်၊ 
ပညာနည်းပါး၊ ချမ်းသာရှား၏။" (မဃဒေဝ)

ပညာ၏ တန်ဖိုးကိုလည်း "ပညာပြည့်ဝ၊ နှလုံးလှသော်၊ ကိစ္စကြီးငယ်၊
ဆောက်သဖွယ်လျှင်၊ ကျဉ်းကျယ် ထွင်းဖောက်၊ ဖြတ်တောက်လိုရာ၊
ပြီးနိင်စွာ၏။"(မဃဒေဝလင်္ကာ)။ 

ပညာရှိသူတော်ကောင်းထံ ရိုကျိုးနွံစွာ ပညာသင်သင့်ပုံကိုလည်း - 
"ပညာရှိထံ၊ ရိုကျိုးနွံ၍၊ နည်းခံသင်မှ၊ ပညာရ၏"(မဃဒေဝ) ဆိုထားသည်။

ကထံသု လဘတေ ပညံ- ပညာကို အဘယ်ပုံ အဘယ်နည်းဖြင့် ရနိုင်ပါ
သနည်း ဟူသော အာဠာဝက ဘီလူး၏ အမေးကို - 
သုဿုသံ လဘတေ ပညံ- ကောင်းစွာ သင်ယူခြင်း၊ ဆရာသမားများက သင်
ကြားပေးသည်ကို ကောင်းစွာမှတ်သား နားထောင်ခြင်းဖြင့် ပညာကို ရနိုင်ပါ
သည်ဟု မြတ်ဗုဒ္ဓ ကိုယ်တော်တိုင်ကလည်း ဖြေကြားတော်မူခဲ့သည်။

သုဿုသံ လဘတေ ပညံ ဟူသော ဒေသနာတော်ကို ထပ်ဆင့် လေ့လာ
သုံးသပ်ကြည့်ပါက 
သဒ္ဓါ ဇာတော ဥပသင်္ကမတိ-သဒ္ဓါတရားရှိမှ ဆရာကောင်းသမားကောင်း
တို့ထံ ပညာသင်ဖို့ ချဉ်းကပ်နိုင်မည်ဖြစ်၏။ ဥပသင်္ကမန္တော ပယိရုပါသတိ-
ဆရာကောင်း သမားကောင်းထံ ချဉ်းကပ်မိမှ ထိုဆရာကောင်းသမားကောင်း
များကို လုပ်ကျွေးပြုစုခွင့်ရနိုင်၏။ ချဉ်းကပ်နိုင် လုပ်ကျွေး ပြုစုခွင့်ရလျှင် ဆရာ
ကောင်း သမားကောင်း ပြောဟော သင်ပြ ဆိုဆုံးမကို နားထောင်ခွင့် သင်ယူ
လေ့လာခွင့်ရ၏။ သို့မှသာ ပညာအရည်အချင်း ဆင့်ကဲတိုးတက်လာမည်ဖြစ်၏။


(၁)သုဏေယျ-နာကြားရာ၏။  (၂)စိန္တေယျ-ကြံစည်ရာ၏။ 
(၃)ပုစ္ဆေယျ-မေးမြန်းရာ၏။   (၄)ဘာသေယျ-ပြောဆိုရာ၏။
(၅)ဝိစာရေယျ-စူးစမ်းဆင်ခြင်ရာ၏။ (၆)လိခေယျ-ရေးမှတ်ရာ၏။
(၇)သိက္ခေယျ.လေ့ကျင့်(သင်ကြား)ရာ၏။(၈) ဓာရေယျ. နှုတ်ငုံဆောင်ရာ၏။ 

စဥ့်ပါဆရာတော်(မြန်မာ၁၁၀၆-) မူကွဲ (၁၁၄၀-၁၂၁၀ အောက်ပါအတိုင်း  
ဓမ္မနီတိချိုး များဖြင့် ဆုံးမထားပြန်သေး၏

ရွှေကျောင်းဆရာတော် ဦးပညာ(မြန်မာ ၁၁၄၀-၁၂၀၀) ကလည်း"

 ‘လောကလူတွင်”၊ လမ်းသို့ထင်သည်၊ ဂုဏ်အင်ပညာ၊ မရှိရှာက၊ စေပါလက်သုတ်၊

လွန်ညံ့ယုတ်သား၊ မှိတ်တုတ်မီးခဲ၊ မပြောင်ရဲသို့၊ ဖန်လဲခေါက်ခေါက်၊ သူ၏နောက်ဝယ်၊

ချွေးပေါက်ကျယို၊ ဖတ်ဖတ်စိုမျှ၊ သက်ဖိုပန်းပင်၊ မရွှင်ပြောင်းနွမ်း၊ တသမ်းသမ်းနှင့်၊

ဝန်ထမ်းလှေခတ်၊ ဖြစ်တို့တတ်ရှင့်၊ တမှတ်မယွင်း၊ ပညာကင်းက၊ ရွှေဟင်္သာလယ်၊ 

ဗျိုင်း သဖွယ်လျှင်၊ ပွဲလယ် မတ်လတ်၊ မလျှောက်မတ်ရှင့်၊ မြဝတ် ဆံရည်၊ 

သို့ဖြစ်သည်ကြောင့်၊ အရှည်အတို၊ တတ် ထိုထိုဝယ်၊ ကော်ကျို သောလား၊ 

 မှုန့်မှုန့်တွားအောင်၊ ကြိုးစား မပျင်း၊ သင်မှတ်ခြင်းဖြင့်၊ ရှင်းလင်းသေချာ၊ အရာရာကို၊

“လိုခါ စမ်းတိုင်း ရစေမင်း”။ ဟု  မာတောဝါဒ ဆုံးမစာ ၌ ဆုံးမတော်မူခဲ့သည်။ 

 

ပညာရှိကြီးများက ကျောင်းသူကျောင်းသားများကို ပညာတော်ရုံသာမက စာရိတ္တကောင်းမွန်အောင်

လည်း အမျိုးမျိုးဆုံးမခဲ့ကြပေသည်။

"မောင် ကျောင်းသား၊ အတတ်သင်ပါ၊ လိမ္မာဖော်ရွှေ၊ စိတ်နေ ဖြူစွ၊ 

မာနချလျက်၊ မြန်မာ့အကျိုး၊ တိုးကြီးတိုးအောင်၊ သည်(သယ်)ပိုးနေ့ည၊ 

ကြိုးပါကြ" ဟုလည်း ဆုံးမကြသည်။

သျှင်မဟာရဌသာရ၏ လောကသာရဆုံးမစာ၌ 

“ပညာမျက်စိ”၊ မြင်မရှိ၍၊ မသိတရား၊ အယူမှားလျက်၊ စီးပွားမမြော်၊ ကျိုးမပေါ်သား၊ 

သူတော်မဟုတ်၊ ယုတ်သည့်စရိုက်၊ လူသူမိုက်ကို၊ မကြိုက်မချစ်၊ ရန်သူစစ်သို့၊ 

 မနှစ်သက်ဘဲ၊ ဝေးစွာရှဲ၍၊ ။ “ရှောင်လွဲ ဖဲကြဉ်နိုင်စေမင်း”။ 

 

"စာမတတ်သူ၊ အခေါက်ထူ၊ လူထဲရှင်ထဲ အသုံးမကျ၊ 

စာတတ်ပြန်လျှင်၊ စိတ်ကြီးဝင်၊ လူမြင်တိုင်းက၊ အော့ချင်ကြ၊ 

သို့မဖြစ်အောင်၊ သတိဆောင် အမောင်ခဲပါမှ၊" 

 (ရွှေကျင်ဆရာတော်ကြီး)

(တိုးတိုး စုသည်)