“ သစ္စာအိမ် ”

(၁) ဘဝဆိုတာ သင်္ချိုင်းဘက် မောင်းနှင်သွားတဲ့ ရထားတွဲ တစ်တွဲပါတဲ့။ မောင်းနှင်ရာ 
လမ်းတစ်လျှောက်မှာ ဘူတာရုံတွေ အများကြီးရှိတယ်။ ခရီးစကနေ ခရီးဆုံးအထိ 
ဘယ်သူကမှ သင်နဲ့အတူ အဖော်မပြုနိုင်ပါဘူး။ တွဲပေါ်တက်သူတက်၊ တွဲအောက်ဆင်း
သူ ဆင်းကြတာကို သင်တွေ့ရပါလိမ့်မယ်။ တကယ်လို့ ကံကောင်းရင် သင့်ကို ခရီးတစ်
ထောက် အဖော်ပြုသူရှိပါလိမ့်မယ်။ ရထားတွဲကနေ သူဆင်းသွားတဲ့အခါ မခွဲရက်လည်း
ကျေးဇူးတရားကို ရင်မှာထားပြီး လက်ပြနှုတ်ဆက်လိုက်ပါ။ နောက်တစ်ဘူတာမှာ ပိုဝေး
တဲ့ခရီးအတွက် သင့်ကို အဖော်ပြုနိုင်သူနဲ့ သင် ဆုံကောင်းဆုံနိုင်လို့ပါပဲ။

(၂) လိုချင်ပြင်းပြတဲ့ စိတ်မရှိရင် နောက်ဆုံးမှာ ဘာကိုမှ သင်ပိုင်ဆိုင်လိမ့်မှာမဟုတ်ဘူး။
သိနားလည်ဖို့ ကြိုးစားချင်စိတ်မရှိရင် နောက်ဆုံးမှာ ဘာကိုမှ သင်သိလိမ့်မှာမဟုတ်ဘူး။
အောင်နိုင်ဖို့ အားထုတ်ချင်စိတ်မရှိရင် နောက်ဆုံးမှာ ဘာကိုမှ သင်အောင်နိုင်လိမ့်မှာ
မဟုတ်ဘူး။

(၃) ကမ္ဘာကြီး ၁၈ဝဒီဂရီလှည့်တဲ့အခါ နေ့က ညဖြစ်သွားတယ်။ ကမ္ဘာကြီးနောက်ထပ် ၁၈ဝ ဒီဂရီထပ်လှည့်တဲ့အခါ ညက နေ့ဖြစ်သွားတယ်။

လူတစ်ယောက်အတွက်နဲ့ ကျွန်တော်တို့ ၁၈ဝဒီဂရီ လှည့်တဲ့အခါ ဝမ်းနည်းကြေကွဲခြင်းက ကျွန်တော်တို့နောက်နား ရောက်သွားတယ်။ နောက်ထပ် ၁၈ဝဒီဂရီ ကျွန်တော်တို့လှည့်လိုက်
တဲ့အခါ အရာရာကို အသစ်က ပြန်စနိုင်တဲ့ စမှတ်ဆီရောက်သွားတော့တယ်။

(၄) ပွင့်လန်းတဲ့ ပန်းတွေက ပျားပိတုန်းတွေကို ဆွဲဆောင်နိုင်တယ်။
ပုပ်သိုးတဲ့ အသီးအရွက်တွေက ခြင်ယင်တွေကိုပဲ ဆွဲခေါ်နိုင်တယ်။
ဆိုရိုးစကားတစ်ခုမှာ အတင်းအဖျင်းပြောသူရဲ့လျှာက လူသုံးယောက်ကို သတ်နိုင်သတဲ့။ (၁) ပြောသူကိုယ်တိုင်ကို သတ်တယ်။ (၂) နားထောင်သူကို သတ်တယ်။ (၃) အပြောခံရ
     သူကို သတ်တယ်။

(၅) လူ့ဘဝက လုံးဝ မျှတတယ်ဆိုတာ မရှိဘူး။ ဒါပေမဲ့ ဆက်စပ်တဲ့ မျှတမှုတော့ရှိတယ်။ 
ချိန်ခွင်တစ်ခုပေါ်မှာ သင့်ဖက်က ရတာတွေ ပိုများလေ တခြားလူထက် သင်ခံနိုင်ရည် ပိုရှိ
ရလေဖြစ်တယ်။

(၆) အခက်အခဲ၊ ပြဿနာတွေဆိုတာ အမြဲမပြတ် ဖြစ်ပျက်နေတဲ့ အရာတွေပါ။ အဲဒီအခက် အခဲ၊ ပြဿနာတွေကို ဖြေရှင်းဖို့လည်း နည်းလမ်းမျိုးစုံရှိပါတယ်။ အသိဉာဏ်ကို တိုးမြှင့်ဖို့ 
ဘယ်တော့မှ မမေ့ပါနဲ့။ စိတ်သဘောထားကြီးမြတ်ဖို့ ဘယ်တော့မှ မမေ့ပါနဲ့။ လူ့ဘဝရဲ့ အခက်အခဲ၊ ပြဿနာတွေက နည်းများမဆို လူသွားရာနောက် အမြဲလိုက်နေမှာပါပဲ။ အသိ
ဉာဏ်ရှိတဲ့လူကမှ အဲဒီအခက်အခဲ၊ ပြဿနာတွေကို ဘယ်လို ရင်ဆိုင်ရမယ်ဆိုတာ ခေါင်း
အေးအေး ထား ဖြေရှင်းနိုင်မှာဖြစ်တယ်။

(၇) ဘာဆင်ခြေနဲ့မှ ကိုယ့်ကိုယ်ကို ကာကွယ်ဖို့ မကြိုးစားပါနဲ့။ အမှားရဲ့ရှေ့မှာ ဘယ်သူကမှ 
အဲဒီဆင်ခြေကို နားထောင်ချင်လိမ့်မှာမဟုတ်ဘူး။

(၈) နာကျင်ကြေကွဲတာကို တွေ့ကြုံခံစားရမှ အရာတချို့ကို သင်သိနားလည်နိုင်တယ်။ စိတ်
ထိခိုက်ခံရမှ ကြံ့ကြံ့ခံဖို့နဲ့ နှုတ်ဆိတ်ဖို့ကို သင် သင်ယူနိုင်တယ်။ နာကျင်ကြေကွဲတာနဲ့ ထိခိုက်
တာကို ကော်ဖီမှုန့်လို့ ဆိုပါစို့။ တွေးတောခြင်းကို ဆူဗွက်တဲ့ရေလို့ ပမာပြုပြီး ခါးသက်
မွှေးကြိုင်တဲ့ ကော်ဖီ တစ်ခွက်ကို ဖျော်ပြီး သောက်ချလိုက်ပါ။ သင်ကြည်လင် နိုးထဖို့ ကော်ဖီ
က ကူညီ ပါလိမ့်မယ်။

(၉) လောကမှာ ဘယ်စာအုပ်၊ ဘယ်ဖွင့်ဆိုချက်ကမှ သင့်အတွက် ကံကောင်းခြင်းတွေပေးနိုင်
မှာမဟုတ်ဘူး။ ဒါပေမဲ့ သင့်ကိုယ်သင် သိစေတဲ့၊ သင့်ကိုယ်သင် အသိအမှတ်ပြုစေတဲ့ ဗဟု
သုတ၊ အသိအမြင်ကို ပေးနိုင်ပါလိမ့်မယ်။

(၁ဝ) တစ်လောကလုံးက သင့်ကို စွန့်လွှတ်သွားပြီ၊ ကျောခိုင်းသွားပြီလို့ သင်ခံစားရတဲ့အခါ.
သူ(လောကကြီး)ဟာ သင့်ကို ပွေ့ဖက်ဖို့ ခန္ဓာကိုယ်ကို တစ်ပတ်လှည့်နေတယ်ဆိုတာကို 
ယုံကြည်လိုက်ပါ။
နိုင်းနိုင်းစနေ