“ သစ္စာအိမ် ”

• အချစ်ရှိတဲ့ နေရာတိုင်းမှာ ထူးခြားဆန်းကြယ်မှုတွေရှိတယ်။

• အချစ်ဆိုတာ လိပ်ပြာတစ်ကောင်ပါ။ ပျံသန်းရာနေရာတိုင်းကို ပျော်ရွှင်ခြင်းတွေ သယ်ဆောင်ပေးတယ်။

• တကယ်လို့ မင်းကိုလွမ်းတိုင်း ပန်းတပွင့်ပွင့်မယ်ဆိုရင် ငါဟာ ပန်းခင်းထဲ အမြဲလမ်းလျှောက်နေသူဖြစ်မယ်။

•  အချစ်မြစ်ထဲ မျှောပါနေသူတိုင်းဟာ ကဗျာဆရာဖြစ်တယ်။

• အကွာအဝေးက နှလုံးသားနှစ်ခုကို ပိုနီးကပ်စေတယ်။

• တကယ်လို့ ညီမျှတဲ့အချစ် မရှိနိုင်ဘူးဆိုရင် ငါ့ဖက်က ပိုတိုးပြီး ချစ်ပါရစေ။

• အချစ်ဆိုတာ ကျွန်တော်တို့ရင်ထဲမှာ ရှင်သန်နေတဲ့ နွယ်ပင်ဖြစ်တယ်။

•  အချစ်ဆိုတာ ဘဝကို အားသစ်တိုးစေတဲ့ အကောင်းဆုံးဆေးဖြစ်တယ်။

• တကယ်လို့ ကျွန်တော်တို့ကို ချစ်တဲ့လူ မရှိခဲ့ရင် ကျွန်တော်တို့က ကိုယ့်ကိုယ်ကို 

• အချစ်ကြောင့်ရလာတဲ့ ဒဏ်ရာကို ကုသတဲ့ တခုတည်းသောနည်းက လူတွေကို 

• တကယ်လို့ ရူးရူးမိုက်မိုက် မချစ်ရင် အချစ်က အချစ်မမည်ဘူး။

• အချစ်ရှိတဲ့ နှလုံးသားက အမြဲနုပျိုလန်းဆန်းတယ်။

•  ဘဝက တိုတောင်းတယ်ဆိုပေမယ့် အချစ်က အဓွန့်ရှည်တယ်။

• ချစ်သူတွေရဲ့အကြည့်ထဲမှာ မိုင်(၁ဝဝဝ)ဆိုတဲ့ ခရီးက နီးနီးလေးပါ။

•  အချစ်က အနွေးထည်တွေထက် အအေးဓာတ်ကို ပိုလုံစေတယ်။

•  အချစ်မရှိတော့ရင် ကမ္ဘာကြီးက သုဿာန်ဖြစ်သွားတယ်။

• ဒီလောကကြီးမှာ ယောက်ျားလေးအတွက် အဖိုးတန်ဆုံးပစ္စည်းဥစ္စာက မိန်းကလေး

•  ကျွန်တော်တို့ရဲ့ဘဝထဲက နာကျင်မှုနဲ့ လေးလံတဲ့ဝန်တွေကို ပထုတ်ပေးတဲ့ စကားလုံး

• မင်းမရှိတဲ့ နေ့ရက်တွေက စာမျက်နှာမရှိတဲ့ စာအုပ်နဲ့တူတယ်။

• အချစ်ဆိုတာ ဘယ်တော့မှ မငြိမ်းတဲ့ မီးအိမ်တစ်လုံးပါ။

• တကယ်လို့ ဘဝဟာ ပန်းတပွင့်ဆိုရင် အချစ်က ပျားတကောင်ဖြစ်တယ်။

• တသက်မှာ တခါလောက်မချစ်ဖူးသူဟာ ဘဝမှာ မရှင်သန်ဖူးသူဖြစ်တယ်။

• အချင်းချင်း ချစ်နေကြတဲ့ နှလုံးသားနှစ်ခုမှာ စကားလုံးတွေ များများမလိုပါဘူး။

• အချစ်ရှိရာကို သွားတဲ့လမ်းက ဘယ်တော့မှ မရှည်လျားဘူး။

•  အချစ်ကို ချစ်ဖို့ အချိန်နှောင်းတယ်ဆိုတာ မရှိပါဘူး။

• အချစ်ရှိတဲ့ နေရာတိုင်းမှာ မျှော်လင့်ချက်ဆိုတာရှိတယ်။

•  လှတဲ့ မိန်းကလေးတယောက်ကို သင်ချစ်မိချင်မှ ချစ်မိမယ်။ ဒါပေမဲ့ သင့်အချစ်ကြောင့် မိန်းကလေးဟာ လှပသွားတတ်တယ်။

• အချစ်က ထာဝရပါ။ သွင်ပြင်လက္ခဏာ ပြောင်းရင်ပြောင်းသွားမယ်။ အနှစ်သာရကတော့ ဘယ်တော့မှ မပြောင်းလဲဘူး။

• အချစ်ဆိုတာ နေ့ရက်တွေကို ရေတွက်ဖြတ်ကျော်တာ မဟုတ်ဘူး။ နေ့ရက်တိုင်းကို 

•  အချစ်ဆိုတာ ရက်ထည်တခုဖြစ်တယ်။ စိတ်ကူးနဲ့တန်ဆာဆင်ပြီး သဘာဝတရားအတိုင်း ရက်လုပ်တယ်။

• ချစ်နေချိန်အတွင်းမှာ မိုက်မဲတဲ့ အပြုအမူကလည်း ချစ်စရာကောင်းနေတတ်တယ်။

• အချစ်တောင်းဆိုတဲ့ တခုတည်းသောလက်ဆောင်က အချစ်ပဲဖြစ်တယ်။

• တကြိမ်တခါ စစ်စစ်မှန်မှန်ချစ်ခဲ့တဲ့ နှလုံးသားက ဘယ်တော့မှ မမေ့တတ်တော့ဘူး။

•  အချစ်ရဲ့အနွေးဓာတ်က မီးအပုံတစ်ထောင်ထက်တောင် ပိုပါသတဲ့။

•  အချစ်ကို ချစ်မိဖို့ခက်တယ်။ ဒါပေမဲ့ ချစ်မိပြီဆိုရင် မေ့ဖို့ ပိုခက်တယ်။

• အချစ်အကြောင်းပြောနေချိန်မှာ အမုန်းတွေ ကြားဖြတ်ပြောရင် ဒါအချစ်မဟုတ်တော့ဘူး။

• အချစ်အကြောင်းပဲ ပြောချင်တဲ့....

နိုင်းနိုင်းစနေ (ဘာသာပြန်သည်)

သင့်ကို နားလည်မှု ပေးနိုင်သူတယောက်က အချင်းချင်း စိတ်လက်ချမ်းသာစေတဲ့ အချစ်ကို သယ်ဆောင်ပေးလာနိုင်သတဲ့။

သင့်ကို နားလည်မှု မပေးနိုင်သူတယောက်က နောက်ဆုံးမှာ သင့်ကို ဆင်ခြေတွေးတော
စရာ တခုပေးပါသတဲ့။ အဲဒီတွေးတောစရာက "လူ့ဘဝမှာ "နားလည်မှုရှိတာ"ဟာ 
"ချစ်တာ"ထက် ပိုအရေးပါတယ်" ဆိုတာပဲဖြစ်တယ်။

"သင့်ကို နားလည်တဲ့သူ ချစ်ပါစေ"ဆိုတဲ့ သီချင်းဟောင်းတစ်ပုဒ်မှာ သီချင်းစာသား
တခုက... "ချစ်ကြိုက်တယ်ဆိုတာ တဘက်သားရဲ့ နေထိုင်မှုထဲဝင်ရုံတင်မဟုတ်ဘူး..
အချင်းချင်းရဲ့ဘဝထဲ ပိုဝင်နိုင်ရမယ်"လို့ ဆိုထားပါတယ်။ "အချစ်"ရဲ့ အမြင့်ဆုံးအဆင့်က 
"နားလည်မှု"ဖြစ်တယ်။

"နားလည်တာလား! ချစ်တာလား!"ဆိုတာကို လူတွေက ရွေးချယ်မှုပုစ္ဆာအဖြစ် သဘောထား
ပြီး လူအများက "ချစ်တယ်"ဆိုတာကို ရွေးချယ်တတ်ကြတယ်။ နားလည်တာထက် ချစ်ရတာ
ဟာ လူကို ပိုကြည်နူးစေတယ်လို့ သူတို့ထင်ကြလို့ဖြစ်တယ်။

တကယ်တမ်းတော့ ဒီလိုမဟုတ်ခဲ့ပါဘူး...
မကြာခဏမြင်တွေ့နေရတဲ့ မပျော်ရွှင်တဲ့ ချစ်သူရည်းစားတွေ၊ လမ်းခွဲပြတ်စဲသွားကြတဲ့ ချစ်သူရည်းစားတွေဟာ အချင်းချင်း မချစ်ကြလို့မဟုတ်ဘူး။ အချင်းချင်း နားလည်မှု မပေးနိုင်ကြလို့ဖြစ်တယ်။ လူ့လောကထဲမှာ အချင်းချင်းနာကျင်အောင် ညှင်းပန်းနှိပ်စက် 
နေကြတဲ့ ယောက်ျားမိန်းမ၊ ချစ်သူစုံတွဲတွေဟာ မချစ်ကြလို့မဟုတ်ဘူး။ နားလည်မှု 
မရှိကြလို့ဖြစ်တယ်။

ချစ်သူဖြစ်ချိန်မှာ မိန်းကလေးတွေက ယောက်ျားလေးတွေကို နားလည်မှုပေးနိုင်တယ်လို့ 
သူတို့ ကိုယ်သူတို့ ထင်ခဲ့ကြတယ်။ အသဲကွဲ လမ်းခွဲချိန်ရောက်မှ အရင်ကနားလည်ခဲ့တဲ့ "နားလည်မှုတွေ"ဟာ "နားလည်မှု အလွဲ"တွေဆိုတာကို သူတို့သိကြရတယ်။

မိန်းကလေးတွေက နားလည်မှုမရှိဘူးလို့ ယောက်ျားလေးတွေက ထင်ကြတယ်။
မိန်းကလေးတွေက သူတို့ကိုယ်သူတို့ နားလည်မှုရှိတယ်လို့ ထင်ကြတယ်။

ယောက်ျားလေးတွေရဲ့စိတ်ကို မိန်းကလေးတွေ နားမလည်ကြဘူးလို့ ယောက်ျားလေး
တွေက ထင်ကြတယ်။ဒါဟာ မိန်းကလေးတွေရဲ့စိတ်ဒုက္ခကို ယောက်ျားလေးတွေ နားမလည်
လို့လို့ မိန်းကလေးတွေက ထင်ကြတယ်။

ဒါကြောင့် နှစ်ယောက်ကမ္ဘာမှာ နားလည်မှုရှိဖို့က ချစ်ဖို့ထက် ပိုလုပ်နိုင်ဖို့ ခက်ခဲခဲ့တယ်။
သင့်ကို နားလည်မှုပေးနိုင်သူတစ်ယောက်က သင်လိုချင်တဲ့ပုံစံနဲ့ သင့်ကိုချစ်တယ်။
သင့်ကို နားလည်မှုမပေးနိုင်သူတစ်ယောက်က သူလိုချင်တဲ့ပုံစံနဲ့ သင့်ကိုချစ်တယ်။

သင့်ကို နားလည်မှု ပေးနိုင်သူတယောက်က တဝက်လုပ်ပြီး ဆတိုးခံစားတယ်၊ ချစ်ရတာလည်း သက်တောင့်သက်သာရှိပြီး စိတ်ချမ်းမြေ့စေတယ်၊ သင့်ကိုလည်း ပျော်ရွှင်မှုတွေ ခံစားစေတယ်။

သင့်ကို နားလည်မှု မပေးနိုင်သူတယောက်က ဆတိုးလုပ်ပြီး တဝက်ပဲခံစားတယ်။ချစ်ရတာလည်း စိတ်ပင်ပန်း၊ လူပင်ပန်းစေတယ်၊ သင့်ကိုလည်း ပျော်ရွှင်မှုမပေးနိုင်ဘူး။

သင့်ကို နားလည်မှု ပေးနိုင်တဲ့သူ သင့်ကိုချစ်ပါစေ...
ချစ်တယ်ဆိုတိုင်း နားလည်မှုပေးနိုင်သူ မဟုတ်ပါဘူး။
အချစ်ကို အညံ့ခံ၊ အရှုံးပေးလိုက်ရတဲ့ လူတွေအများကြီးပါ။ ဒါပေမဲ့ အဲဒီလိုအညံ့ခံပြီးနောက် 
နောက်ဆုံးမှာ သူတို့ နားလည် သဘောပေါက်လိုက်တာက "နားလည်မှု မပေးနိုင်သူ 
တယောက်ရဲ့အချစ်ဟာ အချစ်နက်လေ နာကျင်ညှင်းပန်းမှုများလေ" ဆိုတာပဲဖြစ်တယ်။

မူရင်းလင့် --- http://www.duwenzhang.com/wenzhang/aiqingwenzhang/ganwu/20110822/197585.html

နိုင်းနိုင်းစနေ ဘာသာပြန်သည်။

ဟိုးရှေးရှေးတုန်းက ဘုရင်တစ်ပါးမှာ သမီးတော် (၇)ယောက်ရှိတယ်။ သမီးတော်တွေဟာ 
ချောမော လှပကြပြီး ရှည်လျားနက်မှောင်တဲ့ ဆံပင်ကိုယ်စီ ပိုင်ဆိုင်ထားကြတယ်။ ဒါကြောင့် 
ဘုရင်က သမီးတော်တိုင်းကို လှပတဲ့ ဆံညှပ် အခု(၁ဝဝ)ဆီ လက်ဆောင်ပေးခဲ့တယ်။

တစ်နေ့မနက်မှာ ပထမသမီးတော်ဟာ အိပ်ရာကထပြီး ခါတိုင်းလိုပဲ ဆံပင်တွေကို ဖြီးသင်
နေခဲ့တယ်။ အဲဒီလို ဖြီးသင်နေတုန်း သူ့ရဲ့ဆံညှပ်တစ်ချောင်း ပျောက်နေတာကို သူ သတိ
ထားမိလိုက်တယ်။ ဒါနဲ့ ဒုတိယသမီးတော်ဆီကနေ ဆံညှပ်တစ်ချောင်း သူတိတ်တိတ်လေး
ခိုးယူလိုက်တယ်။

ဒုတိယသမီးတော်ကလည်း သူ့ဆံညှပ်တစ်ချောင်း ပျောက်နေတာကို သတိထားမိတော့ တတိယသမီးတော်ရဲ့ ဆံညှပ်တစ်ချောင်းကို ခိုးယူလိုက်တယ်။ တတိယသမီးတော်ကလည်း သူ့ဆံညှပ်တစ်ချောင်းပျောက်နေတာကို သတိထားမိတော့ စတုတ္ထသမီးတော်ရဲ့ဆံညှပ်တစ်
ချောင်းကို ခိုးယူလိုက်တယ်။ စတုတ္ထသမီးတော်က ပဉ္စမသမီးတော်ရဲ့ဆံညှပ်ကိုခိုးယူတယ်။ ပဉ္စမသမီးတော်က ဆဋ္ဌမသမီးတော်ရဲ့ဆံညှပ်ကို ခိုးယူတယ်။ ဆဋ္ဌမသမီးတော်က သတ္တမ သမီးတော်ရဲ့ဆံညှပ်ကို ခိုးယူတယ်။  
အဲဒီလိုနဲ့ သမီးတော်အငယ်ဆုံးရဲ့ဆံညှပ်က ၉၉ခုပဲရှိတော့တယ်။

နောက်တနေ့မှာ အိမ်နီးချင်းနိုင်ငံက မင်းသားတပါးဟာ ဘုရင်ကြီးဆီ ရုတ်တရက် အလည် ရောက်လာခဲ့တယ်။ မင်းသားက"မနေ့က ကျွန်တော်မျိုး မွေးထားတဲ့ ခိုတကောင်ဟာ ဆံညှပ်
တခုကို ကိုက်ချီလာခဲ့တယ်။ အရှင်မင်းကြီးရဲ့ သမီးတော်တွေရဲ့ဆံညှပ်ဖြစ်မယ်ထင်လို့ ကျွန်တော်မျိုးလာရောက်ရခြင်းဖြစ်ပါတယ်။ ဘယ်သမီးတော်ရဲ့ ဆံညှပ်ပျောက်သွားသလဲ 
ဘုရား"လို့ ဘုရင်ကြီးကို လျှောက်တင်တယ်။

သမီးတော်တွေက မင်းသားရဲ့စကားကိုကြားတော့ သူပျောက်ပါတယ်၊ ငါပျောက်ပါတယ်လို့ ပြောချင်ပေမယ့် သူတို့ဆီမှာက ဆံညှပ်အခုတစ်ရာဆီ ရှိနေတော့ မပြောနိုင်ခဲ့ကြဘူး။ အဲဒီမှာ သမီးတော်လေးက "သမီးတော်ရဲ့ ဆံညှပ်တစ်ချောင်း ပျောက်သွားပါတယ်"လို့ ပြောလိုက်တယ်။ စကားပြောပြောပြီးချင်း ဆံညှပ်တစ်ချောင်းလျော့နေတဲ့ သမီးတော်ရဲ့ဆံနွယ်တွေဟာ ဖြည်လျော ကျလာခဲ့တယ်။ ဆံနွယ်တွေနဲ့ လှပနေတဲ့ သမီးတော်ရဲ့အလှကို မင်းသားရင်သပ်ရှုမောသွားခဲ့ပါတယ်။ နောက်ဆုံးတော့ ပုံပြင်ရဲ့အဆုံးက မင်းသားနဲ့မင်းသမီး ပျော်ပျော်ရွှင်ရွှင် ညားကြလေသတည်းပေါ့.....

ဆံညှပ်အခုတစ်ရာဟာ လုံးဝပြီးပြည့်စုံတဲ့ လူ့ဘဝလို့ဆိုရင် ဆံညှပ်တစ်ခုလျော့နေတဲ့ ဘဝက မပြီးပြည့်စုံတဲ့ဘဝလို့ ဆိုရပါမယ်။ မပြီးပြည့်စုံတဲ့ဘဝဟာ နောင်တစ်ချိန်မှာ ပြောင်းလဲခွင့်ရှိတဲ့ အခွင့်အရေးကို ရပါလိမ့်မယ်။ အဆုံးမရှိတဲ့ ပြောင်းလဲခွင့်နဲ့ ကြုံနိုင်ပါတယ်။ ချွတ်ယွင်းချက်ရှိတာနဲ့ စိတ်ညစ်မှိုင်တွေနေတော့မလား? လူ့ဘဝရဲ့ မပြည့်စုံခြင်းကို ဘယ်လိုရင်ဆိုင်မလဲ?

မျက်ကွယ်ပြုတယ်ဆိုတိုင်း ပြီးဆုံးသွားမှာမဟုတ်ဘူး။
ရင်ဆိုင်ရတယ်ဆိုတိုင်း ခက်ခဲတာမဟုတ်ဘူး။
အထီးကျန်တယ်ဆိုတိုင်း မပျော်ရွှင်တာမဟုတ်ဘူး။
ရယူပိုင်ဆိုင်ပြီဆိုတိုင်း ထာဝရတည်မြဲတာမဟုတ်ဘူး။
ရှုံးဆုံးပြီဆိုတိုင်း နောက်တစ်ဖန် မပိုင်ရတော့တာ မဟုတ်ဘူး။
လှည့်ထွက်ခဲ့တယ်ဆိုတိုင်း စိတ်ဓာတ်ပျော့လို့ မဟုတ်ဘူး။
ရွေးချယ်စရာလမ်းမရှိတော့ဘူးလို့ အလျင်စလို မပြောလိုက်ပါနဲ့။
လောကမှာ အမှားနဲ့အမှန်ပဲရှိတယ်လို့ မထင်လိုက်ပါနဲ့။
ကိစ္စတော်တော်များများရဲ့အဖြေဟာ တစ်ခုတည်းရှိတာ မဟုတ်ပါဘူး။
ကျွန်တော်တို့မှာ လျှောက်ဖို့လမ်းတွေ အမြဲရှိနေပါသေးတယ်။
လက်လွတ်တတ်ဖို့ သိနားလည်သူဟာ ပေါ့ပါးတယ်။
မေ့တတ်ဖို့ သိနားလည်သူဟာ လွတ်လပ်တယ်။
စိတ်ညစ်ဖို့ သင်ဆင်ခြင်ပေးနိုင်ရင် ပျော်ရွှင်ဖို့ကိုလည်း သင်ဆင်ခြင်ရှာနိုင်ပါတယ်။

မူရင်း-- http://www.haowenzhangwang.com/jingdianwenzhang/1592.html

နိုင်းနိုင်းစနေ ဘာသာပြန်သည်။

                                               တပိုင်းကြောင် ကျက်စာရရုံနဲ့..

“ဗိုလ်ကုန်းဆရာတော်ရေ .. တပည့်တော်နဲ့ တကွ သတ္တဝါတွေဟာ ကိုယ့်အသိလေးကို တယ်ပြီး ထင်တတ်ကြတယ်။ ကိုယ့်အမှား သိတဲ့နေ့ဟာ တိုးတက်ကြီးပွားဖို့ စတဲ့နေ့ပဲ”

“စာချဘုန်းကြီး ဘဝတုန်းက အနက်အဓိပ္ပာယ် သိနေတဲ့ နမောတဿ ဟာ သစ်ပင်အောက် ရောက်တဲ့အခါမှာ ရယ်စရာဖြစ်နေတယ်။ ဟိုတုန်းက အနက်ထင်ကြတာက အလုပ်ဖြစ်အောင် ထင်တာမဟုတ်ဘူး၊ ဟောပြောပို့ချလို့ ရရုံလေးပဲ၊ ဆားဟာ ငန်တဲ့အရာလို့ ပြောလို့ ရရုံပဲ။ ပူငန်၊
အေးငန်၊ ချိုငန်၊ ခါးငန်၊ ပေါ့ငန်၊ လေးငန် ဆိုတာတွေ ဘာမှ မသိဘူး”(လယ်တီဆရာတော်)

လောကကြီးမှာ ယောက်ျားနဲ့မိန်းမဆိုတဲ့ လူနှစ်မျိုးနှစ်စားပဲရှိတယ်။ လိင်မတူတဲ့ ဒီလူနှစ်မျိုး
နှစ်စားက အချင်းချင်းဆွဲငင်တတ်ကြသလို ချစ်ရည်လူးတဲ့ စကားတွေကိုလည်း ပြောဆို
တတ်ကြတယ်။ ယောက်ျားရဲ့အခြားတစ်ခြမ်းက မိန်းမလို့ဆိုရင် မိန်းမရဲ့အခြားတစ်ခြမ်း
ဟာလည်း ယောက်ျားပဲဖြစ်ပါတယ်။ ယောက်ျားမရှိတဲ့မိန်းမ၊ မိန်းမမရှိတဲ့ ယောက်ျားတွေဟာ
အခြမ်း မပြည့်စုံ သူတွေဖြစ်တယ်။ စက်ဝန်းတစ်ခုအဖြစ် အခြမ်းနှစ်ခုပေါင်းစပ်ပြီး ရှေ့ကို
ပျော်ပျော်ရွှင်ရွှင်နဲ့ ဆက်လှိမ့်နိုင်ဖို့ မောင်နှံနှစ်ဦးရဲ့ ပေါင်းသင်းခြင်းအနုပညာကို သင်ယူ တတ်မြောက်ထားဖို့ လိုပါလိမ့်မယ်။

ဇနီးမောင်နှံအတွက် အမှာစကား၊ မင်္ဂလာစကားတွေ အများကြီးရှိပေမယ့် အဲဒီစကားတွေရဲ့ အခြေခံသဘောတရားက “(၁) တစ်ဘက်လူရဲ့ တန်ဖိုးထားနှစ်သက်ခံရသူဖြစ်အောင် ကြိုး
စားပါ။ (၂) တစ်ဘက်လူကို တန်ဖိုးထားနှစ်သက်တတ်သူဖြစ်အောင် ကြိုးစားပါ”ဆိုတဲ့ 
အချက်နှစ်ချက်ကို ဆိုလိုခြင်းဖြစ်ပါတယ်။

အချစ်ရဲ့တကယ့်အနှစ်သာရက အချင်းချင်း နှစ်သက်တာကို ရှာဖွေတွေ့ရှိခြင်းပဲဖြစ်တယ်။ 
တန်ဖိုးထား နှစ်သက်တာကို “ပန်း”လို့တင်စားရင် အချစ်က “အသီး”ပဲဖြစ်မယ်ထင်ပါတယ်။ ကိုယ်ချစ်တဲ့လူကို ချစ်ကြောင်း အရှက်အဝံ့မရှိ ထုတ်ဖော်ပြောပါ။ ချီးမွမ်း၊ ချီးကျူးစကား 
ပြောဖို့ ကပ်စီးမနဲပါနဲ့။ သင့်တော်တဲ့နေရာ၊ ဆီလျော်တဲ့အမူအရာနဲ့ ကိုယ်ချစ်တဲ့လူကို 
ပြောတဲ့ “နင့်ကို ငါချစ်တယ်”ဆိုတဲ့ စကားတစ်ခွန်းဟာ တပ်တစ်တပ်ထက် အင်အားကြီး
ပါတယ်။ တန်ဖိုးထားနှစ်သက်တယ်ဆိုတာက တစ်ဘက်သားကို အသိအမှတ်ပြုခြင်း၊ 
 အတည်ပြုခြင်းနဲ့ အားပေးဖေးမခြင်း စတာတွေကို ခံစားစေသလို ကျေနပ်အားရတဲ့
ခံစားချက်ကိုလည်း ဖြစ်စေပါတယ်။ နားလည်ခြင်းဆိုတဲ့အဓိပ္ပာယ်မှာအသိအမှတ်ပြုခြင်း၊ 
အတည်ပြုခြင်း၊ ချီးကျူးခြင်းနဲ့ တန်ဖိုးထားနှစ်သက်ခြင်းတွေ ပါပါတယ်။ နှစ်ဦးနှစ်ဖက်ရဲ့
ရင်ထဲမှာ တန်ဖိုးထားနှစ်သက်ခြင်းက လိုကိုလိုအပ်ပါတယ်။ ဒါဟာလည်း ဇနီးမောင်နှံ
နှစ်ဦးရဲ့ ပေါင်းသင်ခြင်းလျှို့ဝှက်ချက်ထဲက တစ်ခုဖြစ်ပါတယ်။


လူတိုင်းရင်ထဲက အနက်ရှိုင်းဆုံးတစ်နေရာမှာ ခံစားမှုတွေကို စုဆောင်းထားတဲ့ ဘဏ်လေး
တစ်ခုရှိပါတယ်။ တကယ်လို့ အဲဒီဘဏ်လေးထဲမှာ အချစ်နဲ့ရယ်မောစရာတွေကို အမြဲစုထား
ရင် ပျော်ရွှင်ခြင်း၊ ချမ်းမြေ့ခြင်းစတဲ့အရာတွေက တိုးတိုးလာသလို ပြုံးရယ်ခြင်း၊ နူးညံ့ခြင်း၊ 
အားပေးခြင်း၊ နှစ်သိမ့်ခြင်းစတဲ့ အတိုးအမြတ်တွေကိုလည်း ဖြစ်ထွန်းစေပါတယ်။ တစ်ခါ
တလေမှာ တကိုယ်ကောင်းဆန်မိ၊ မယုယမကြင်နာ ဖြစ်မိပြီး ဘဏ်ထဲဘာမှ မစုဆောင်းမိ
ရင်တောင် ဘဏ်က overdraw မဖြစ် သွားနိုင်ပါဘူး။ ကြည်နူးပျော်ရွှင်ခြင်းတွေ စုဆောင်း
ထားတာ နည်းရင်တော့ ငြင်းခုန်ရန်ဖြစ်တိုင်း ပြင်းထန်မှုတွေ ကြီးကျယ်စေတတ်ပါတယ်။

ယုံကြည်ခြင်းနဲ့ တန်ဖိုးထားနှစ်သက်ခြင်းကို အကြွေးစာရင်းထဲမှာပဲထားပြီး စုဆောင်းထား
တာကိုပဲ အမြဲထုတ်ထုတ်သုံးနေရင်လည်း နောက်ဆုံးမှာ ခံစားချက်ပြိုကွဲခြင်း၊ အိမ်ထောင်
ရေးအက်ကြောင်းထခြင်း စတဲ့ အပျက်အစီးထဲ ရောက်သွားနိုင်ပါတယ်။ လူ့ဘဝက ရှုပ် ထွေးပွေလီလွန်းပါတယ်။ တစ်ခါတလေမှာ ကျွန်မတို့ဟာ အထိန်းအချုပ်မဲ့ပြီး တစ်ဘက်လူ၊ ကိုယ့်အိမ်ထောင်ဖက်ကို ထိခိုက်နာကျင်အောင် လုပ်မိတတ်ပါတယ်။ ခံစားမှုဘဏ်အကောင့်
လေး overdraw မဖြစ်သွားစေတဲ့ အကောင်းဆုံးနည်းက ဘဏ်ထဲကို နာလိုဖွယ်စကား၊ ချစ်ခင်နှစ်သက်တဲ့ခံစားမှု၊ တန်ဖိုးထားမြတ်နိုးတဲ့ အပြုအမူတွေ အမြဲတမ်း စုဆောင်း
နေဖို့ပဲဖြစ်ပါတယ်။

လက်ဘနွန်စာရေးဆရာ (Kahlil Gibran)က “နှစ်ခုကို တစ်ခုဖြစ်အောင် ပေါင်းတဲ့အထဲမှာ နေရာလပ်လေးတစ်ခုတော့ ရှိဖို့လိုတယ်”လို့ ဆိုခဲ့ပါတယ်။ တယောကြိုးတွေဟာ အသံတသံ
ထဲမှာ တုန်ခါနေတယ်ဆိုပေမယ့် ကြိုးတိုင်းမှာ မတူတဲ့ အသံကိုယ်စီနဲ့ ကွဲပြားကြပါတယ်။
ဒါမှလည်း သာယာနာပျော်ဖွယ်ကောင်းတဲ့ အသံတွေကို တီးခတ်နိုင်မှာဖြစ်တယ်။ အိမ်
ထောင်ရေးဆိုတာ တစ်ဦးချင်းရဲ့လွတ်လပ်မှု၊ တစ်ဦးချင်းရဲ့ ဒီမိုကရေစီဖြစ်တယ်။ “နင်က
ငါ့ဟာပါ”လို့ သံသယ မလွန်ကဲပါနဲ့။ ဒါဟာ အချစ်အိမ်လေးကို လှောင်အိမ်အချုပ်ဖြစ်အောင် ဖန်တီးလိုက်တာနဲ့ အတူတူပါပဲ။ အချစ်ကို အဓွန့်ရှည်တည်တံစေချင်ရင် ဂရုတစိုက်နဲ့ ပြုစု ပျိုးထောင်ပေးရပါတယ်။ 
ဒါဟာ ကိုယ့်ကိုယ်ကို ပြောင်းလဲဖို့ ပြောနေတာမဟုတ်သလို တခြားသူကို ပြောင်းလဲနိုင်ဖို့ ကြိုးစားခိုင်းတာလည်း မဟုတ်ပါဘူး။ သင့်တော်တဲ့အခြေအနေတခု၊ နေရာတခုဖြစ်အောင် အချင်းချင်းထိန်းညှိဖို့၊ အတူတကွဆိုပေမယ့်လည်း ကိုယ်ပိုင်နေရာလေးရှိဖို့တော့ လိုအပ်
ပါတယ်။ အိမ်ထောင်ရေးဆိုတဲ့ မြေကြီးထဲမှာ ကိုယ်ပိုင်အပင်လေးနှစ်ပင် လွတ်လွတ်လပ်
လပ် ရှင်သန် ကြီးထွားစေခြင်းအားဖြင့် ပျော်ရွှင်တဲ့အသီးအပွင့်တွေကို ဝေဝေဆာဆာ
ဖူးပွင့်စေနိုင်ပါတယ်။

“သင့်ကို လူတွေ ဘယ်လို ဆက်ဆံစေချင်ရင် လူတွေကို သင်လည်းဘယ်လိုဆက်ဆံပါ”
ဆိုတဲ့ စကားအတိုင်း အိမ်ထောင်ရေးတည်မြဲဖို့ အဓိကအရေးပါတဲ့အချက်က အချင်းချင်း
လေးစား တတ်ဖို့ပဲဖြစ်ပါတယ်။ တစ်ဘက်သားကို လေးစားတတ်မှ တစ်ဘက်သားရဲ့
လေးစားမှုကို ရမှာဖြစ်တယ်။ တစ်ဘက်သားကို လေးစားတတ်ရုံတင်မက သူ့မိဘ၊ သူ့ညီ
အစ်ကိုမောင်နှမ၊ ဆွေမျိုးသားချင်းတွေကိုပါ လေးစားတတ်ရပါမယ်။ တကယ်လို့ တစ် ဘက်သားရဲ့မိသားစုကို မလေးစား၊ မထီမဲ့မြင်ပြုတယ်။ တချို့က တဘက်ရဲ့မိသားစုကို 
ကိုယ့်ပြိုင်ဖက်လို သဘောထားတယ်။ ဒါဟာ အင်မတန် ရုပ်ဆိုးအကြည်တန်တဲ့ တုံးအမှုပါ။ ဒီလိုလုပ်ခြင်းအားဖြင့် ကိုယ့်ကိုယ်ကို အထီးကျန်ကမ္ဘာထဲ တွန်းပို့နေသလို သင့်ရဲ့
အိမ်ထောင်ရေးကိုလည်း ပြိုကျပျက်ဆီးစေနိုင်ပါတယ်။

ငွေကြေးနဲ့အချစ်…. 
မိသားစုရဲ့အခြေခံမှာ ငွေကြေးနဲ့အချစ် တစ်ခုခုလစ်ဟနေလို့မဖြစ်ပါဘူး။ ပြောနေကျ စကား
အတိုင်း ပြောရရင် အချစ်ဆိုတာလိုအပ်သလို ပေါင်မုန့်ဆိုတာလည်း လိုအပ်ပါတယ်။ငွေ
ကြေးမရှိရင် အချစ်ကို သက်ရောက်တတ်တာကိုတော့ ဘယ်သူမှငြင်းဆန်လို့မရနိုင်ခဲ့ပါဘူး။
ဒါပေမဲ့ ငွေကြေးက ကောင်းကျိုးကိုလည်းဖြစ်စေသလို ဆိုးကျိုးကိုလည်း ဖြစ်စေပါတယ်။
မိသားစုဘဝမှာ ငွေကြေးကို အရမ်းအလေးထားလို့ မဖြစ်ပါဘူး။ “စီးပွားရေး စီမံကိန်း”ဆိုပြီး တစ်ဘက်သားကို ထိန်းချုပ်ခြယ်လှယ်တာမျိုး၊ တစ်ဘက်သားကို ငွေကြေးနဲ့ပတ်သက်တဲ့
လုပ်ပိုင်ခွင့် မပေးတာမျိုး ဖြစ်စေတတ်လို့ပါ။ သင့်ရဲ့ဒီလိုစီမံကိန်းကို မခံမရပ်နိုင်တဲ့တစ်နေ့
မှာ မိသားစုအိမ်ငယ်လေးထဲကနေ သူထွက်ပြေးသွားတတ်ပါတယ်။ ဒီလိုအချိန်ရောက်မှ
ငွေကြေးဆိုတာ ဒြပ်မဲ့၊ လူကမှ သက်ရှိ၊ လူသာလျှင် ချစ်ခြင်း အဆောက်အဦးကြီးရဲ့
ထုပ်တန်း ဆိုတာကို သင်သိလာမှာဖြစ်တယ်။


“ရှေးဘဝရဲ့အတိတ်ကံကြောင့် ဒီဘဝမှာလာတွေ့ကြတယ်”ဆိုတဲ့အတိုင်း အပြောကျယ်
တဲ့ လောကကြီးမှာ ကျွန်မတို့ဟာ ကျွန်မတို့ရဲ့အခြားတခြမ်းနဲ့ လာဆုံခဲ့ကြတယ်။ အတိတ်ကံ ဘယ်လောက်ကောင်းခဲ့သလဲ! ဒါကြောင့် ဒီကံကို ကျွန်မတို့တန်ဖိုးထားသင့်ပါတယ်။ ဖူးစာကံ
ကြောင့် လာဆုံကြတဲ့ ဒီအိမ်ထောင်ရေးကို တီဗီကြည့်သလိုမျိုး အချိန်မရွေး ဟိုချန်နယ်ချိန်း၊ 
ဒီချန်နယ်ချိန်း မလုပ်သင့်ပါဘူး။ ပထမအိမ်ထောင်ရေးမှာ တည်ကြည်လေးနက်မှုမရှိသူဟာ ဒုတိယအိမ်ထောင်ရေးကိုလည်း ကောင်းကောင်းလည်ပတ်စေနိုင်မှာ မဟုတ်ပါဘူး။ လူသား
တွေရဲ့ စဉ်းစားတွေးခေါ်မှု၊ အသိဉာဏ်ရှိမှုနဲ့ ပြောင်းလဲတတ်တဲ့ ခံစားချက်တွေက 
ယောက်ျားနဲ့မိန်းမရဲ့ ပေါင်းသင်းခြင်းတည်မြဲရေးကို သက်ရောက်စေတတ်ပါတယ်။
တကယ်လို့ ကယ်တင်လို့မရနိုင်တော့တဲ့ သေကွဲအိမ်ထောင်ရေးမဟုတ်ခဲ့ရင် အတတ်နိုင်ဆုံး
ကြိုးစား ကုသပါ။ လက်စတွဲပြီဆိုတာနဲ့ “ပျိုမျစ်တဲ့လက်ကနေ အိုမင်းတဲ့လက်ဖြစ်သည်အထိ”
တွဲပါ။ စကားတစ်ခွန်းကြောင့်၊ အခက်အခဲလေးတစ်ခုကြောင့်နဲ့ လက်တွဲမဖြုတ်လိုက်ပါနဲ့။


လူအများက “အချစ်ခံ”ရတာကို နှစ်သက်တတ်ကြပြီး “ချစ်ဖို့”ကိုတော့ မေ့နေတတ်
ကြတယ်။ ကိုယ့်ကိုယ်ကို ဘယ်လိုချစ်ဖို့ကောင်းအောင် နေမလဲဆိုတာကိုပဲသိကြပြီး
တစ်ဘက်သားကို ဘယ်လိုချစ်မယ်၊ ဘယ်လိုဂရုစိုက်မယ်ဆိုတဲ့ ခြေလှမ်းကိုတော့ စ
မလှမ်းချင်ခဲ့ကြဘူး။ တကယ့်အချစ်က အရာရာအားလုံးကို “ပေးဆပ်”တာပါ၊ “ရယူ”တာ
မဟုတ်ပါဘူး။ ကိုယ့်ရဲ့ခွန်အားနဲ့ သူ့ရဲ့ခွန်အားကို တက်ကြွစေတာပါ။ ပေးဆပ်ခြင်းက
ရယူခြင်းထက် လူကိုပိုပျော်ရွှင်စေပါတယ်။ ပေးဆပ်လိုက်ရလို့ ဆုံးရှုံးချို့ငဲ့သွားတာ
မဟုတ်ပါဘူး။ ပေးဆပ်လိုက်ရလို့ ဘဝကဖြစ်တည်သွားတာပါ။ အချစ်ဆိုတာ ဖြူစင်
သန့်ရှင်းတဲ့အရာပါ။ အချစ်ထဲမှာ တောင့်တမှုတွေ၊ အကျိုးအမြတ်တွေ ရောစပ် မနေ
သင့်ပါဘူး။ အချစ်ဆိုတာ မျှဝေခြင်းပါ၊ တစ်ဘက်သတ်မဟုတ်ပါဘူး။ အချစ်ဆိုတဲ့
အရာထဲမှာ ဂရုစိုက်ခြင်း၊ တာဝန်ယူခြင်း၊ လေးစားခြင်း စတဲ့အသိဉာဏ်တွေပါပါ
တယ်။ “သူ့ထဲမှာ ကိုယ်ရှိပြီး ကိုယ့်ထဲမှာ သူရှိ”တာဟာ အိမ်ထောင်ရေးရဲ့
အမြင့်ဆုံးအဆင့်ဖြစ်ပါတယ်။

ယောက်ျားလေးပဲဖြစ်ဖြစ်၊ မိန်းကလေးပဲဖြစ်ဖြစ် ကြင်နာတတ်သူနဲ့ အကြင်နာခံချင်
သူတွေဖြစ်ကြပါတယ်။ သင်တွေ့ဆုံခဲ့တဲ့သူက လူတွေကိုပဲ ကြင်နာတတ်ပြီး အကြင်နာ
မခံချင်တဲ့ ဖခင်လိုယောက်ျားမျိုး၊ မိခင်လို မိန်းမမျိုးလို့ မထင်လိုက်ပါနဲ့။ ဇနီးမောင်နှံ
ဆိုတာ တူတစ်စုံနဲ့ တူပါတယ်။ ဘဝထဲက ချဉ်၊ ငံ၊ စပ်၊ ခါးအရသာတွေကို အတူတကွ
ခံစားသင့်ပါတယ်။ သူ(သူမ)အလုပ်ပြန်ချိန် ရေအေးလေးတစ်ခွက်ကမ်းတာ၊ သူအိပ်
ပျော်ချိန် စောင်လေးခြုံပေးတာ… ဒါတွေဟာ မပြောပလောက်တဲ့ အပြုအမူဆိုပေမယ့်
အချစ်ကို အဓွန့်ရှည်စေတယ်၊ အကြင်နာတွေ နှလုံးသားထဲ တစိမ့်စိမ့်ဝင်စေတယ်၊
အိမ်ထောင်ရေးကို ထာဝရတည်မြဲစေပါတယ်။


ဝတ်စားဆင်ယင်မှုရဲ့ အမြင့်ဆုံးအဆင့်က ဆွဲဆောင်မှုရှိခြင်းဆိုရင် အချစ်ရဲ့အမြင့်ဆုံး
အဆင့်က ခွင့်လွှတ်ခြင်းပဲဖြစ်မယ် ထင်ပါတယ်။ အိမ်ထောင်ရေးကို မှန်မှန်ကန်ကန်
လည်ပတ်နိုင်ဖို့ဆိုတာ ဇနီးမောင်နှံနှစ်ဦးလုံး အချင်းချင်း လိုက်လျောညီထွေအောင်
နေတတ်ရုံမက အပေးအယူလည်း သင့်ဖို့ လိုပါတယ်။ အိမ်ဆိုတာ ချစ်ခြင်းမေတ္တာ
အကြောင်း ပြောဖို့နေရာလေးပါ။ အကျိုးအကြောင်းမသင့်တဲ့အရာတွေ ငြင်းခုန်တဲ့
နေရာမဟုတ်ပါဘူး။ ဒဿနပညာရှင်တစ်ဦးက “မင်္ဂလာမဆောင်ခင် မျက်လုံးနှစ်လုံး
ကို ကျယ်ကျယ်ဖွင့်ပါ။ မင်္ဂလာဆောင်ပြီးရင် မျက်လုံးတစ်လုံးကို မှိတ်ထားပါ”လို့
ဆိုခဲ့ပါတယ်။ လူတိုင်း ခြောက်ပစ်မကင်းနိုင်ပါဘူး။ ဒီလူကို ချစ်ကြိုက်ခဲ့တယ် ဆိုတာ
က သူ့မှာ သင့်ကိုဆွဲဆောင်နိုင်တဲ့အရာ ရှိခဲ့လို့ပဲ မဟုတ်ပါလား?

တကယ်လို့ လူတစ်ယောက်ကို သင်နှစ်နှစ်ကာကာ ချစ်တယ်ဆိုရင် သူ့ရဲ့အရာရာကို ခွင့်လွှတ်နားလည်နိုင်ဖို့ ကြိုးစားပါ။ တကယ်လို့ လူတစ်ယောက်ကို သင်ခွင့်လွှတ်နား
လည်တယ်ဆိုရင် သူ့ကို သင်အရမ်းချစ်လို့ပါပဲ။ ခွင့်လွှတ်ခြင်းက အချင်းချင်းဆက်ဆံပြော
ဆိုမှုကို ချောမောပြေပြစ်စေနိုင်သလို သင့်ကိုလည်း စိတ်ချမ်းသာပြောရွှင်မှုတွေ
ပေးနိုင်ပါတယ်။


ဇနီးမောင်နှံကြားမှာ အချင်းချင်း “နားလည်”တတ်ရပါတယ်။ “နားလည်ခြင်း”ဆိုတာ
အရှုံးနဲ့ သင်ရင်ဆိုင်ရချိန် သင့်ကိုလေးစားမှု ပျက်စေတဲ့စကား မပြောသူ၊ သင်စိတ်လိုက်
မာန်ပါလုပ်ချိန် သင့်ကို လေသံချိုချိုနဲ့ ရှင်းပြဖြေရှင်းချက်ပေးသူ၊ သင်စိတ်ဆင်းရဲချိန်
သင့်ကိုဝန်မပိုစေသူ၊ သင်ပြုံးရင် သူအရင်ရယ်သူ၊ သင်စိတ်ညစ်ရင် သူအရင်စိတ်ပူ
တတ်သူ၊ သူပျော်တာတွေ သင့်ကိုပြောပြတတ်သူ၊ သူစိတ်ညစ်တာတွေ သင့်ကို မသိ
စေချင်သူ၊ မိုင်ပေါင်းထောင်သောင်း ဝေးလည်း သင့်ကို ယုံကြည်စိတ်ချသူ… နားလည်
တတ်ဖို့ ဂရုစိုက်ကြင်နာခြင်းတွေလိုအပ်သလို ချစ်ခြင်းတွေလည်း လိုအပ်ပါတယ်။

ချစ်ခင်တတ်ကြပါစေ...

• တစ်နေ့မှာ ပလေတိုက ဆရာဖြစ်သူ ဆိုကရေတီးကို "အချစ်ဆိုတာ ဘာလဲ"လို့ မေးသတဲ့။

ဆိုကရေတီးက ပလေတိုကို ဂျုံခင်းထဲ နောက်ပြန်မလှည့်တမ်း တစ်ခေါက်သွားစေပြီး
သွားရာလမ်းတစ်လျှောက်မှာ "အကောင်းဆုံး၊ အကြီးဆုံး ဂျုံနှံ တစ်ခု"ကိုခူးစေခဲ့တယ်။
ဆရာခိုင်းတာ အရမ်းလွယ်တယ်ထင်တဲ့ ပလေတို က ကိုယ့်ကိုယ် ယုံကြည်မှု အပြည့်နဲ့
ဂျုံခင်းထဲ ၀င်ခဲ့တယ်။
နေ့တစ်ဝက်ကုန်တဲ့အထိ သူဟာ ဂျုံခင်းထဲမှာပဲ ရှိနေခဲ့ပြီး နောက်ဆုံးမှာ လက်ဗလာနဲ့ ခေါင်းငိုက်စိုက် ပြန်လာခဲ့ရတယ်။
ဆိုကရေတီးရှေ့ရောက်တော့ "အကောင်းဆုံးလို့ ထင်တဲ့ ဂျုံနှံကိုကျွန်တော် တွေ့ခဲ့ပါတယ်။
ဒါပေမဲ့ တစ်နှံပဲ ခူးရမယ်ဆိုတော့ အကောင်းဆုံးမှ ဟုတ်ပါ့မလားလို့ ထင်ပြီးမခူးခဲ့ဘူး။
ဒီထက်ကောင်းတဲ့ အနှံ ရှိဦးမယ်ဆိုတဲ့ အတွေးနဲ့ ယာခင်းအဆုံးထိ ကျွန်တော် ရောက်ခဲ့မှ
လက်ထဲမှာ ဘာမှ မပါခဲ့မှန်း သတိထားမိတော့တယ်" လို့ ပြောတော့
ဆိုကရေတီးက "အဲဒါ..အချစ်" လို့ ပြောပြခဲ့တယ်။

• တစ်နေ့မှာ ပလေတိုက ဆရာ ဆိုကရေတီး ကို "လက်ထပ်ခြင်းဆိုတာ ဘာလဲ"လို့
• မေးပြန်သတဲ့။
• ဆိုကရေတီးက ပလေတိုကို ထင်းရူးတောထဲ နောက်ပြန်မလှည့်တမ်း တစ်ခေါက်သွားစေပြီး

သွားရာ လမ်းတစ်လျှောက်မှာ ခရစ်စမတ်အတွက် အသုံးပြုဖို့ အကောင်းဆုံး ထင်းရူးပင်
တစ်ပင်ကို ယူစေခဲ့တယ်။
သင်္ခန်းစာ တစ်ခါ ရခဲ့ဖူးတဲ့ ပလေတို က ဒီတစ်ကြိမ်မှာ အမှားအယွင်းမရှိအောင် ယုံကြည်မှု
အပြည့်နဲ့ ထင်းရူးတောထဲ ၀င်ခဲ့တယ်။
နေ့တစ်ဝက်ရောက်တော့ အရွက်ကျိုးတို့ ကျဲတဲနဲ့၊ ပင်စည်ဖြောင့်တယ်လို့ ပြောနိုင်တဲ့
ထင်းရူးပင် တစ်ပင်ကို နွမ်းနယ်တဲ့ ခန္ဓာကိုယ်နဲ့ သူထမ်းပြီး ပြန်လာခဲ့တယ်။
"ဒါက အကောင်းဆုံး ထင်းရူးပင်လား" လို့ ဆိုကရေတီးက မေးတော့
"တစ်ပင်ပဲ ယူရမယ်ဆိုလို့ အကောင်းဆုံးကို တွေ့လိုတွေ့ငြား လိုက်ရှာရင်း မဆိုးဘူးလို့
ထင်တဲ့ အပင်ကိုတွေ့တော့ ကျွန်တော့်မှာ အချိန်ရော၊ အင်အားပါ ကုန်ခမ်းနေတာကို
သတိပြုလိုက်မိတယ်။
ဒါကြောင့် အကောင်းဆုံးလား ဘာလားဆိုတာ ဂရုမစိုက်တော့ဘဲ ယူပြန်လာခဲ့တာပါ"
လို့ပြောတော့ ဆိုကရေတီး က "အဲဒါ လက်ထပ်ခြင်း" လို့ ပြောပြခဲ့တယ်။

• တစ်နေ့မှာ ပလေတိုက ဆရာ ဆိုကရေတီးကို "တိတ်တိတ်ပုန်း''ဆိုတာ ဘာလဲလို့
• မေးပြန်သတဲ့။

ဒီတစ်ခါ ဆိုကရေတီးက ပလေတိုကို တောထဲတစ်ခေါက် လမ်းလျှောက်စေခဲ့တယ်။
ဒီတစ်ကြိမ်မှာ ခေါက်တုန့်ခေါက်ပြန်လျှောက်လို့ရပြီး သွားရာ လမ်းတစ်လျှောက်မှာ
"အလှဆုံး ပန်းတစ်ပွင့် ” ကို ယူခိုင်းစေခဲ့တယ်။
ဒီတစ်ခါလည်း ပလေတိုက ယုံကြည်မှုအပြည့်နဲ့ ထွက်ခဲ့ပြန်တယ်။ (၂)နာရီ နီးပါးကြာတော့ စိတ်မသက်မသာနဲ့ အရောင်စုံပြီး အနည်းငယ် ညှိုးနွမ်းနေတဲ့ ပန်းတစ်ပွင့်ကို ယူဆောင်ခဲ့တယ်။
"ဒါက အလှဆုံး ပန်းလား" လို့ ဆိုကရေတီးက မေးတော့
"၂ နာရီ နီးပါး ကျွန်တော် လိုက်ရှာတော့ အလှဆုံးလို့ ထင်ရတဲ့ ဒီပန်းကို ကျွန်တော် တွေ့ပြီး
ခူးလာခဲ့တယ်။ အပြန်လမ်းမှာ ပန်းက တဖြေးဖြေး ညှိုးနွမ်းသွားခဲ့တယ်" လို့ ပြောတော့
ဆိုကရေတီး က "အဲဒါ တိတ်တိတ်ပုန်း" လို့ ဆိုတယ်။

•  တစ်နေ့မှာ ပလေတိုက ဆိုကရေတီးကို “ဘ၀ဆိုတာ ဘာလဲ” လို့ မေးပြန်သတဲ့။

ဆိုကရေတီးက အထက်ကအတိုင်း ပလေတိုကို တောထဲတစ်ခေါက် လမ်းလျှောက်စေခဲ့တယ်။
ဒီတစ်ကြိမ်မှာလဲ ခေါက်တုန့်ခေါက်ပြန် လျှောက်လို့ရပြီး သွားရာ လမ်းတစ်လျှောက်မှာ
"အလှဆုံး ပန်းတစ်ပွင့် "ကို ယူခိုင်းစေခဲ့တယ်။
သင်္ခန်းစာရထားဖူးတော့ ပလေတိုက သတိရှိရှိနဲ့ ထွက်ခဲ့ပြန်တယ်။
သုံးရက် သုံးည လွန်မြောက်တဲ့အထိ ပလေတို ပြန်မလာလို့ ဆိုကရေတီးက လိုက်ရှာတော့
တောအုပ်တစ်နေရာမှာ ပလေတို တဲထိုးပြီး နေနေတာကို တွေ့လိုက်တယ်။
"အလှဆုံးပန်းကို ရှာတွေ့ပြီလား" လို့ မေးတော့
ပလေတိုက ပန်းတစ်ပွင့်ကို ထိုးပြပြီး
"ဒီတစ်ပွင့်ကို အလှဆုံးလို့ ဆိုနိုင်မလား" လို့ မေးတယ်။
"ဒါဆို ဘာလို့ ခူးမပြန်လာတာလဲ"
"ကျွန်တော် ခူးလိုက်ရင် ပန်းက နွမ်းသွားတော့မယ်။
ကျွန်တော် မခူးရင်လဲ သူ နွမ်းသွားမယ်ဆိုတာ သိပါတယ်။
ဒါကြောင့် လှလှပပ ဖူးပွင့်နေတာကို ကြည့်ပြီး
သူညှိုးနွမ်းသွားမှ နောက်တစ်ပွင့်ကို ကျွန်တော်ထပ်ရှာတော့မယ်။
ဒါ ကျွန်တော် တွေ့ခဲ့တဲ့ ပန်းထဲက အလှဆုံး ဒုတိယပန်းတစ်ပွင့်ပါပဲ"

"အင်း.. ဘ၀ ရဲ့ အဓိပ္ပါယ်ကို မင်းနားလည်ခဲ့ပြီပဲ" လို့ ဆိုကရေတီး က
ပလေတိုကို ပြောခဲ့တယ်။

တတ်ကြဘူး။  ကျွန်မ ဖတ်ဖူးတဲ့ တစ်ခြားလူပြောတဲ့ နားဝင်ချိုတဲ့ စကားတွေကို 
မျှဝေလိုက်ပါတယ်။


သမီးနဲ့အတူ အိမ်ဘေးက ကလေးတွေ ခြံထဲမှာ ဆော့ကစားနေကြတယ်။ ကလေးတွေက 
စိုက်ထားတဲ့ နှင်းဆီပန်းတွေကို ခူးခြွေနေတာကို အိမ်ရှင်ယောက်ျားက တွေ့တော့ “ဒီမျောက်
လောင်းတွေ နှင်းဆီပင်ကို ဖျက်ဆီးနေကြတယ်..ငါ သွားဆုံးမလိုက်ဦးမယ်”လို့ ဒေါနဲ့ မောနဲ့
ပြောတော့ အိမ်ရှင်မက“ရှင် အသာနေစမ်းပါ ...ကျွန်မသွားမယ်” ဆိုပြီး ခြံထဲ ဆင်းသွားတယ်။
ကလေးတွေ အနားရောက်တော့ လေသံနိမ့်ပြီး “သားတို့ သမီးတို့ ဒီနှင်းဆီပင်မှာ အဆူးတွေရှိတယ်.. အခုနတင်ပဲ အပင်ကို ပိုးသတ်ဆေး ဖြန်းထားတယ်။ ဆူးစူးမိပြီး ပိုးသတ် ဆေးတွေ အနာထဲဝင်ရင် အဆိပ်ဖြစ်တတ်တယ်... အန်တီက စိတ်ပူလို့ပြောတာ... တစ်ခြားနေရာ သွားဆော့ကြနော်” လို့ပြောလိုက်တယ်။


တည်းခိုခန်းတစ်ခုမှာ ဧည့်သည်တွေအတွက် ရေချိုးခန်းမှာထားတဲ့ ပုဝါတွေ အမြဲပျောက်တော့
သူဌေးက စိတ်တိုပြီး “တည်းခိုခန်းပုဝါ ခိုးသူအား တရားဥပဒေအရ အရေးယူမည်” လို့ သတိပေးစာ
ရေးပြီး အိပ်ခန်းတိုင်း လိုက်ကပ်ခဲ့တယ်။ နောက်တရက်မှာ သူဌေးက အဲဒီစာကို“ဥပဒေနှင့် ငြိစွန်းနိုင်
ပါသဖြင့် တည်းခိုခန်း ပုဝါအား မခိုးပါနှင့်” လို့ ပြောင်းရေးလိုက်တယ်။ နောက်တစ်ရက်နေပြီးတော့ သူဌေးက အဲဒီစာကို တဖန် “အကယ်၍ ပုဝါအား သင်ကြိုက်နှစ်သက်ခဲ့သော် ကောင်တာတွင် အသစ် ၀ယ်ယူနိုင်သည်။ ပုဝါဟောင်းကို ယူပြီး အသစ်တန်ဖိုး ပေးနေရမှာ စိုးသောကြောင့်ဖြစ်သည်”လို့ ပြောင်းရေးလိုက်ပြန်တယ်။

လူမမာ အမယ်အိုတစ်ဦး ဘယ်လိုပဲ ဆေးတိုက်တိုက် မသောက်ဘဲ ခေါင်းမာနေ ခဲ့တယ်။ ညအချိန် ချောင်းတွေ မပြတ်ဆိုးတော့ သားဖြစ်သူက “ချောင်းတွေ ဒီလောက်ဆိုးနေတာ ဆေးတိုက်တော့လည်း မသောက်ဘူး... အမေကို ငါသွားပြောမယ်” ဆိုတော့ ချွေးမဖြစ်သူက “နေဦး...အမေ ဆေးသောက် လာအောင် နောက်တစ်နည်း ပြောကြည့်မယ်” ဆိုပြီး အကြံထုတ်တော့တယ်။ နောက်နေ့မနက် ရောက်တော့ သားက အမေ့ကို“ သားအမိ ဆိုတာ စိတ်ချင်း ဆက်နေကြတယ်.. ညည အသံတိုးတိုးလေးနဲ့ အမေချောင်းဆိုးနေတာတောင် သားကြားတယ်... သားခံစားရတယ်.. အမေ အိပ်ရာ မ၀င်ခင် ဆေးအမြဲသောက်ပါနော်” လို့ပြောမှ အမယ်အိုက ဆေးသောက်တော့တယ်။

မိန်းမဖြစ်သူက ပြုတင်းပေါက်ဖွင့်ထားတော့ လေစိမ်းတွေက ၀င်လာတယ်။ ယောက်ျားက “ မအေးဘူး လား.. ဘာဖြစ်လို့ ပြုတင်းပေါက် မပိတ်တာလဲ” လို့ပြောမယ့်အစား “ မိန်းမရေ..နင်ချမ်းမှာစိုးလို့ ငါပြုတင်းပေါက် ပိတ်လိုက်ပြီနော်”လို့ ပြောလိုက်သတဲ့။

လူတစ်ယောက်က သူ့မိတ်ဆွေကို ပိုက်ဆံတစ်ထပ် လှမ်းပေးလိုက်ပြီး “ ပိုက်ဆံတွေ ရေကြည့်ဦးနော်... အိမ်ပြန်ရောက်လို့ နည်းနေရင် ငါ့အဆိုးမဆိုနဲ့” လို့ ပြောမယ့်အစား “ ပိုက်ဆံတွေ ရေကြည့်ဦးနော်... ငါဦးနှောက်က သိပ်ကောင်းတာ မဟုတ်ဘူး.... လျော့ပေးမိမှာစိုးလို့” လို့ ပြောသတဲ့။

တူညီတဲ့ အဖြစ်အပျက်တစ်ခုကို မတူညီတဲ့ ရှုထောင့်ကကြည့်မိပြီး မတူညီတဲ့ ခံစားမှုနဲ့ မတူညီတဲ့ စကားတွေ ပြောထွက်တတ်တယ်။ တစ်ဖက်သားကို ထိခိုက်စေတဲ့ စကားပြောမိတာဟာ ကိစ္စတစ်ခုကို ရှုထောင့်ပြောင်းပြီး နောက်ကို တစ်လှမ်းဆုတ်ပြီး မတွေး၊ မကြည့်ခြင်း ကြောင့်ဖြစ်တယ်။

နိုင်းနိုင်းစနေ ဘာသာပြန်သည်။
original post from : http://www.youthwant.com.tw

ပန်းတိုင်း ပွင့်လို့
ပွင့်သော ပန်းတိုင်းလည်း လန်းကြပါစေ...
လန်းသော ပန်းတိုင်းလည်း မွှေးပျံ့နိုင်ကြပါစေ...
မွှေးပျံ့သင်းသော ပန်းကလေးများ
မငြိုးနွမ်းစေချင်တာက ရင်ထဲက ဆန္ဒအမှန်ပါ...
ဘဝဆိုတဲ့ ခရီးကြမ်းကြီးထဲမှာ
လျှောက်လှမ်းနေကြရင်း
လှေလှော်ရင်း တက်ကျိုး...
ရွက်လွှင့်ရင်း ရွက်တိုင်ကျိုး...
တောင်တက်ရင်း ဖိနပ်ပြတ်..
ပျံသန်းရင်း အတောင်ကျိုး...
ကြုံကြရမယ့် အဖြစ်မျိုးတွေကို
မမြင်ချင် မကြားချင်တာ ဆန္ဒတခုရယ်ပါ...
ပန်းကလေးရေ...
လောကအလယ်မှာ ထယ်ဝါစွာ ဝင့်ကြွားလို့
ငွါးငွါးစွင့်စွင့် ဆန်းတင့်လို့
လန်းပွင့်နေတာကိုပဲ မြင်ချင်နေမိတယ်...
ပန်းကလေး လန်းဆန်းလာဖို့အတွက်
ဘယ်လိုပင် ပြုစုယုယ ပြိုးထောင်မှုတွေနဲ့
ပေးဆပ်နေရပါစေ... မငြူစူပါဘူး...
ကိုယ်ပျိုးလိုက်တဲ့ ပန်းလေးကို
ကိုယ်တိုင် ဆွတ်ခူး ပန်ဆင်ဖို့ ရည်ရွယ်ရင်းလဲ
အလျဉ်း မရှိခဲ့ဘူးလေ...
ပန်းလေး လန်းဆန်း ရွှင်မြူး မွှေးပျံ့နေတာကို
တစိမ့်စိမ့်ကြည့်ပြီး ကြည်နူးနေချင်တဲ့ ဆန္ဒရယ်ပါ...
သဘာဝတရားကို မလွန်ဆန်နိုင်ပေမယ့်
အချိန်မတန်ပဲ ငြိုးနွမ်းသွားမှာကို
ဥယျာဉ်မှူးအနေနဲ့ မလိုလားတာ အမှန်ပါ...
လောကမုန်တိုင်း ကြမ္မာရိုင်းတွေရဲ့
တိုက်ခတ်လာမယ့် ဒဏ်အပေါင်းကို
အကြံကောင်းလေးတွေနဲ့ ...
ပန်းကလေး ကျော်လွှားနိုင်မယ်ဆိုရင်
ပန်းကလေးဘဝ သာယာလှပ လာမှာပါ...။
ပန်းကလေးရေ... ဘဝဆိုတဲ့ ခရီးကြမ်းကြီးကို
ကျော်ဖြတ်တဲ့ နေရာမှာ...
မုန်တိုင်းထန်ထန် လေထန်ထန်နဲ့
ရေဆန် လေဆန် မိုးပြင်းထန်ပြီး ...
တိုက်ခတ်ဒဏ်တွေ ပြည့်နှက်နေတဲ့
ကမ်းမမြင် လမ်းမမြင် ပင်လယ်ပြင်ကြီးကို
လှေငယ်တစင်းနဲ့ ...ဖြတ်သန်းရသလိုပဲလေ...
အဲဒီအချိန်မှာ တက်ရယ် ရွက်ရယ်
ခိုင်ခိုင်မာမာ မပြည့်စုံလာဘူးဆိုရင်
ပင်လယ်ကြောမှာ မျောလွင့်ပါပြီး
ဒုက္ခဖြစ်ဖို့ရေး အလွယ်လေးပေါ့....
ဒီလိုပဲလေ.... လောက ပင်လယ် သမုဒ်ကျယ်မှာ
ကျင်လည် လျှောက်လှမ်းတော့မယ်ဆိုရင်လဲ
ဥစ္စာနဲ့ ပညာ ဘဝမှာ တခုမှ မပြည့်စုံလာဘူးဆိုရင်...
အခက်အခဲ အကြပ်အတည်းများနဲ့...
နွေအလယ် ခရီးလမ်းကြမ်းကို
ပင်ပန်း မောဟိုက်စွာနဲ့ လျှောက်လှမ်းရသလို
ခက်ထန် ကြမ်းတမ်းလှတဲ့
လောက ခရီးရှည်ကြီးကို
ပင်ပန်းစွာ လျှောက်လှမ်းရလိမ့်မယ်လေ...
ပန်းကလေးရေ... ဘဝအတွက် ရည်မှန်းချက်နဲ့
ပြင်ဆင်ဖို့အရေး အစဉ်တွေးပြီး
နောင်ရေးတွက်တာ ဘဝရိက္ခာနဲ့
ပညာ ဓန ပြည့်စုံမှလျှင်...
ဘဝခရီး လိုတိုင်းပြီးမယ်...
အစစ ပြည့်ကြွယ် လောကအလယ်မှာ
ပြုံးပျော် ရွှင်လန်း တူညီမှန်းတဲ့
ခရီးလမ်းလဲ ဖြောင့်ဖြူးမယ်လေ...
လောကအလယ် သောက မကြွယ်ပဲ
ပြောသမျှရယ်ပြီး အပူမီး ကင်းဝေးပြီး
ငွါးငွါးစွင့်စွင့် မြင်တိုင်းတင့်တဲ့
ပန်ပွင့်လှလှလေး ဖြစ်ပါစေနော်...
ပန်းကလေး လန်းဆန်းစွာ ပွင့်လန်းနေတာကိုပဲ
ထာဝရ မြင်ချင်နေတယ်လေ....။
(နွေနှင်းမိုး)

လူတိုင်းမှာ ကိုယ်ပိုင် ရှင်သန်နည်းတွေရှိတယ်...
ကိုယ့်နာကျင်မှုကို ကိုယ်ပဲသိတယ်။ ကိုယ့်ဝမ်းနည်းကြေကွဲတာကို ကိုယ်ပဲသိတယ်။ ကိုယ်
ပျော်ရွှင်တာကို ကိုယ်ပဲခံစားသိနိုင်တယ်။ ကိုယ့်အကြည့်ထဲက ငရဲပြည်ဟာ တခြားသူ
အကြည့်မှာ ကောင်းကင်ဘုံ ဖြစ်ရင်လည်းဖြစ်မယ်။ ကိုယ့်အကြည့်ထဲက ကောင်းကင်ဘုံဟာ
တခြားသူ အကြည့်မှာ ငရဲပြည် ဖြစ်ရင်လည်းဖြစ်မယ်။ ဘဝဆိုတာ ဒီလိုပဲ ရယ်ရွှင်စရာ
ကောင်းခဲ့ပါတယ်။ လှပတဲ့ နွေဦးကာလတွေက သူတပါး အတွက်ပဲလားလို့ သံသယ မဖြစ်လိုက်ပါနဲ့။ အဓိက,က ကိုယ့်စိတ်သဘောထားကို ကိုယ်ထိန်းညှိ ပြုပြင်၊ ဘယ်သူနဲ့မှ
မပြိုင်မဆိုင်ဘဲ ပျော်ပျော်ရွှင်ရွှင်၊ ကောင်းကောင်းမွန်မွန် ရှင်သန်နေဖို့ပဲ
လိုခဲ့ပါတယ်။

လိုချင်တပ်မက်မှုရဲ့ ကျေးကျွန် မလုပ်ဘူး...
"ပိုးဖလံမျိုး မီးကိုတိုး"လို့ လူတွေက အမြဲဆိုကြတယ်။ "အစာကိုပဲမြင်ပြီး မျှားချိတ်ကိုမမြင်တဲ့
ငါး"လို့ လူတွေက အမြဲ ပျက်ရယ်ပြုတယ်။ "ကိုယ့်ကိုယ်ကို ထောင်ချောက်ဆင် နွံနစ်တဲ့လူ"လို့
လူတွေက အမြဲကဲ့ရဲ့စကားဆိုတယ်။ ဒါပေမဲ့ သေသေချာချာ စဉ်းစားကြည့်ရင် ကိုယ့်
ဘေးမှာလည်း ဒီလို လိုချင်တပ်မက်မှု နွံထဲ ရုန်းထွက်မရတဲ့ အဖြစ်တွေ အများကြီးရှိတာကို
တွေ့ရတယ်။ ဆင်ကို မြွေမျိုသလိုမျိုး လူတွေရဲ့စိတ်ဟာ ဘယ်တော့မှ ပြည့်ဝတယ်ဆိုတာ
မရှိခဲ့ပါဘူး။ မကောင်းတဲ့ လိုချင်တပ်မက်မှုထဲမှာ မနိုးကြားနိုင်သူ၊ စိတ်ရဲ့အလိုကို အမြဲလိုက်တဲ့
သူဟာ နောက်ဆုံးမှာ ကိုယ့် လွတ်လပ်မှုကိုတောင် လက်လွတ်ဆုံးရှုံးစေနိုင်ပါတယ်။

ပေါ့ပေါ့ပါးပါးရှင်သန်ပါ၊ ပျော်ပျော်ရွှင်ရွှင် ရှင်သန်ပါ...
တခြားလူနဲ့ မပြိုင်မဆိုင်ရင် ကိုယ့်ကိုယ်ကို ပေါ့ပါးလန်းဆန်းစေပါတယ်။ ဘဝရည်မှန်းချက်ကို
ခပ်မြင့်မြင့် မထားရင် ကိုယ့်ကိုယ်ကို ပျော်ရွှင်ချမ်းမြေ့စေပါတယ်။ ပြီးပြည့်စုံတာကို တမင်လိုက် မတောင့်တရင် နာကျင်ခြင်းကနေ ကိုယ့်ကိုယ်ဝေးစေပါတယ်။ ကိုယ့်ကိုယ်ကို
အရမ်းမတောင်းဆိုရင် ရှင်သန်ရတာ လွတ်လပ်ပါတယ်။ အပြစ်အနာအဆာတွေကို လိုက်ရှာ
မနေရင် ကိုယ့်ကိုယ်ကို ပေါ့ပါး လွယ်ကူစေပါတယ်။

ကိုယ့်ကိုယ်ကို နှစ်သက်တတ်မှ ဘဝကို ပွေ့ဖက်တတ်မယ်...
မမြင်မကန်းနဲ့ ကိုယ့်ကိုယ်ကိုအထင်ကြီးတာက အသိမဲ့ဝင့်ကြွားသူရဲ့ လူ့ဘဝဖြစ်တယ်။
စမ်းတဝါးဝါးနဲ့ ကိုယ့်ကိုယ်ကို လက်လွတ်ဆုံးရှုံးတာက အဆိုးမြင်သူရဲ့ လူ့ဘဝဖြစ်တယ်။
ကိုယ့်ကိုယ်ကို နားလည်နိုင်ဖို့က တခြားသူကို နားလည်နိုင်ဖို့ထက် ပိုခက်တယ်။ ကိုယ့်ကိုယ်ကို နှစ်သက်နိုင်ဖို့က တခြားသူကို နှစ်သက် နိုင်ဖို့ထက် ပိုခက်တယ်။ ကိုယ့်ကိုယ်ကိုလေးစားတဲ့ ကျန်းမာစိတ်ရှိမှ တွေ့ကြုံလာသမျှ အခက်အခဲတွေကို ကြံ့ကြံ့ခံ ရင်ဆိုင်နိုင်မယ်၊ မာယာများတဲ့ လောကဓံကြားမှာ ကိုယ့်ကိုယ်ကို မပျောက်ဆုံးစေဘူး၊ တစ်ခေါက် တစ်ခါ ကြုံရတဲ့ အခက်အခဲနဲ့ ကိုယ့်ကိုယ်ကို တန်ဖိုးမဖြတ်ဘူး၊ အမြဲတမ်း အကောင်းမြင်စိတ်၊ တည်ငြိမ်စိတ်နဲ့ ကိုယ့်ကိုယ်ကို တန်ဖိုးဖြတ်မယ်၊ ပျော်ရွှင်စိတ်၊ ခိုင်မာတဲ့စိတ်နဲ့ ကိုယ့်ကိုယ်ကို အသိအမှတ်ပြုနိုင်မှာ ဖြစ်တယ်။

ရိုးသားကြင်နာတဲ့ အကြည့်နဲ့ လောကကြီးကို ကြည့်ပါ....
ရေကြည်လွန်းရင် ငါးမရှိ၊ လူစေ့စပ်လွန်းရင် မိတ်ဆွေမရှိဆိုသလို ဘယ်လိုအခြေအနေမျိုးမှာ
ဖြစ်ဖြစ် တပါးသူရဲ့အားနည်းချက်ကို သည်းမခံနိုင်ရင် လူလူချင်းရန်သူတွေဖြစ်ကုန်လိမ့်မယ်။ ချစ်ချစ်ခင်ခင်နဲ့ ပေါင်းသင်းဆက်ဆံနိုင်ကြမှာ မဟုတ်တော့ဘူး။ အပြစ်ရှိတဲ့အကြည့်နဲ့ လောကကြီးကိုကြည့်ရင် နေရာတိုင်းမှာ အပြစ်အနာအဆာတွေကိုပဲ မြင်တယ်။ ရိုးသားကြင်နာတဲ့ အကြည့်နဲ့ လောကကြီးကို ကြည့်ရင် နေရာတိုင်းမှာ ချစ်ခင်စရာ၊ ကြည်နူးစရာတွေကိုပဲ မြင်တယ်။ ကြင်နာတဲ့အကြည့်နဲ့ကြည့်လေ လောကကြီးက ချစ်စရာကောင်းလေ၊ နှစ်သက်လေဖြစ်တယ်။
နိုင်းနိုင်းစနေ ဘာသာပြန်သည်။

အပြစ်ရှာ ညည်းတွားတတ်တဲ့ လူတွေဟာ စိတ်သဘောထားမကောင်းသူတွေ မဟုတ်ပေမယ့် 
လူတွေ အမြဲနှစ်သက်သူတော့ မဟုတ်ခဲ့ဘူး။ အလုပ်များနေတာက အရေးမကြီးဘူး။ အရေး
ကြီးတာက ဘာအတွက် အလုပ်များနေလဲ ဆိုတာပဲဖြစ်တယ်။ လူ့ဘဝရဲ့အကြီးမားဆုံး
အနှောင့်အယှက်နဲ့ ပြဿနာက ဦးတည်ချက်မရှိဘဲ အလုပ်များနေတာပဲ ဖြစ်တယ်။

သူငယ်ချင်းဆိုတာ အဖိုးတန်ရတနာပါ။ တစ်ခါတလေမှာ စကားလေးတစ်ခွန်းနဲ့တင် သင့်ကို 
နလန်ထ ပြောင်းလဲစေနိုင်ပါတယ်။

လူတစ်ယောက်နဲ့ ခင်မင်ဖို့ အခွင့်အရေးလိုတယ်။
လူတစ်ယောက်ကို နားလည်ဖို့ အသိဉာဏ်လိုတယ်။
ချစ်ချစ်ခင်ခင် ပေါင်းသင်းဖို့ ခွင့်လွှတ်နားလည်ခြင်းလိုတယ်။

ကောင်းတာကို ကောင်းတာနဲ့ တုန့်ပြန်တယ်။ မကောင်းတာကို မကောင်းတာနဲ့ တုန့်ပြန်
တယ်လို့ ကြားဖူးထားတယ်။ ဒါပေမဲ့ အသိဉာဏ်ရှိသူတွေက ကောင်းတာနဲ့ မကောင်းတာကို 
ဖာထေးတယ်။ အသိဉာဏ်မဲ့သူတွေက မကောင်းတာနဲ့ ကောင်းတာကို ချေဖျက်တယ်။

လူ့ဘဝမှာ ရက်သုံးရက်ပဲရှိတယ်။
မနေ့ကမှာ ရှင်သန်နေတာက လူကို တွေဝေမိန်းမောစေတယ်။
မနက်ဖြန်မှာ ရှင်သန်နေတာက လူကို စောင့်မျှော်စေတယ်။
ဒီနေ့မှာ ရှင်သန်နေတာကမှ လက်တွေ့ကျတယ်။

အခွင့်အရေးဆိုတာ သူခိုးတစ်ယောက်နဲ့ တူတယ်။ မသိမသာနဲ့ အသံတိတ်ရောက်လာတတ်ပြီး ထွက်သွားတဲ့အချိန် သင့်မှာ ဆုံးရှုံးနစ်နာမှုတွေ ကျန်ခဲ့တတ်တယ်။

Jesusက သောကြာနေ့မှာ လက်ဝါးကပ်တိုင်ပေါ်သံရိုက်ပြီး အဆုံးစီရင်ခံခဲ့ရတယ်။ အဲဒီနေ့
က တကမ္ဘာလုံး မျှော်လင့်ချက်မဲ့တဲ့နေ့ဖြစ်တယ်။ ဒါပေမဲ့ သုံးရက်အကြာမှာ ခရစ်တော်
ထမြောက်ပွဲနေ့ (Easterday) ဖြစ်ခဲ့တယ်။

ကြီးမြတ်သူက ပတ်ဝန်းကျင်ကို ပြောင်းလဲတယ်။
ထက်မြက်သူက ပတ်ဝန်းကျင်ကို အသုံးပြုတယ်။
သာမန်လူက ပတ်ဝန်းကျင်နဲ့ လိုက်လျောညီထွေနေတယ်။
လူဖျင်း လူညံ့က ပတ်ဝန်းကျင်ကို အပြစ်တင်တယ်။

တစ်ခါတလေမှာ ဆိတ်ဆိတ်နေခြင်း ဒါမှမဟုတ် အေးဆေး တည်ငြိမ်တဲ့အပြုအမူက စိတ်တို 
ဒေါသထွက်တာထက် ပိုအင်အားရှိတယ်။

ငြိမ်းချမ်းသိမ်မွေ့တဲ့ အပြောအဆိုနဲ့ အကျိုးအကြောင်းကို ဆင်ခြင်သုံးသပ်တာက အော်ကြီး
ဟစ်ကျယ်၊ ရိုင်းရိုင်းစိုင်းစိုင်း ပြောဆိုတာထက် တစ်ဘက်လူကို ပိုကြောက်လန့်စေတယ်။

ခွင့်လွှတ်ခြင်းနဲ့ နားလည်ခြင်းက...ထိခိုက်နာကျင်ခြင်းနဲ့ ဆဲရေးစော်ကားခြင်းထက် တဘက်
လူရဲ့ စိတ်ဝိညာဉ်ကို ပိုသိမ်းပိုက်နိုင်သလို  ဘေးကြည့်သူတွေကိုလည်း ကရုဏာဖြစ်စေတယ်။

ချစ်ခင်ခြင်း၊ ကြင်နာခြင်းနဲ့ ချီးမွမ်းခြင်းတွေက...အကြမ်းဖက်၊ ရိုင်းစိုင်းခြင်းထက် လူတွေရဲ့
စိတ်ဝိညာဉ်ကို ပိုတိုးတက် ကောင်းမွန်စေပါတယ်။
နိုင်းနိုင်းစနေ ဘာသာပြန်သည်။