“ သစ္စာအိမ် ”

ငါဟာ ချွတ်ယွင်းချက်အပြည့်နဲ့ လူတစ်ယောက်ပါ။
ငါ့ကိုငါ အနှစ်ချုပ်ကြည့်တော့
ငါ့မှာ မပြည့်ဝတဲ့ စရိုက်လက္ခဏာရှိတယ်။
အထီးကျန်ဆန်တဲ့ လူ့ဘဝရှိတယ်။

စရိုက်လက္ခဏာက မွေးရာပါ ပြောင်းလဲချင်တိုင်း ပြောင်းလဲလို့ မရနိုင်ဘူး
ဆိုပေမယ့်......
ကိုယ့်ကိုယ်ကို မကြာခဏ အနှစ်ချုပ်ကြည့်မယ်
ကိုယ့်ကိုယ်ကို မကြာခဏ ဝေဖန်ပိုင်းခြားမယ်
ကိုယ့်ကိုယ်ကို မကြာခဏ ဆန်းစစ်မယ်
ကိုယ့်ကိုယ်ကို မကြာခဏ သတိပေးမယ်
ကိုယ့်ကိုယ်ကို မကြာခဏ လှုံ့ဆော်မယ်..... ဒါတွေကို ငါလုပ်လို့ရတယ်။
ဒီလိုမှမဟုတ်ရင်....
အထီးကျန်တဲ့ဘဝကို ငါပိုင်ရုံမက ရှုံးနိမ့်တဲ့ဘဝကိုလည်း ငါပိုင်ရလိမ့်မယ်။

တစ်ခုကောင်းတာက....
သင်ယူလေ့လာရတာကို ငါနှစ်သက်တယ်
စဉ်းစားတွေးတာရတာကို ငါနှစ်သက်တယ်
လူကောင်းတစ်ယောက်ဖြစ်ဖို့ ငါကြိုးစားတယ်
ဒါတွေက ငါ့ဘဝရဲ့မပြည့်စုံခြင်းတွေကို ဖာထေးပေးတယ်။

(၂)
လူ့ဘဝမှာ....
အကြီးမားဆုံးရန်သူက ကိုယ်ကိုယ်တိုင်ဖြစ်တယ်။
အကြီးမားဆုံးကျရှုံးခြင်းက ကိုယ့်ကိုယ်ကို အထင်ကြီးတာဖြစ်တယ်။
အကြီးမားဆုံးမသိခြင်းက လိမ်ညာတာဖြစ်တယ်။
အကြီမားဆုံးကြေကွဲမှုက မနာလိုတာဖြစ်တယ်။
အကြီးမားဆုံး အမှားက ကိုယ့်ကိုယ်ကို စွန့်ပယ်တာဖြစ်တယ်။
အကြီးမားဆုံးလေးစားမှုက ဘာသာတရားကိုင်းရှိုင်းတာဖြစ်တယ်။
အကြီးမားဆုံးဆုံးရှုံးမှုက မျှော်လင့်ချက်မဲ့တာဖြစ်တယ်။
အကြီးမားဆုံးစည်းစိမ်က ကိုယ်စိတ်နှလုံးကျန်းမာတာဖြစ်တယ်။
အကြီးမားဆုံးအကြွေးက ချစ်ကြွေး၊ ရန်ကြွေးတွေဖြစ်တယ်။
အကြီးမားဆုံးလက်ဆောင်က ခွင့်လွှတ်ခြင်းဖြစ်တယ်။
အကြီးမားဆုံးချွတ်ယွင်းချက်က ဆင်ခြင်တုံတရားမဲ့တာဖြစ်တယ်။
အကြီးမားဆုံးကျေနပ်အားရစရာက ပေးဆပ်ခြင်းဖြစ်တယ်။
အကြီးမားဆုံးအပြစ်က လူလူချင်းအနိုင်ကျင့်တာဖြစ်တယ်။
သနားစရာအကောင်းဆုံးက ကိုယ့်ကိုယ်ကိုသိမ်ငယ်၊ အားငယ်တာဖြစ်တယ်။

(၃)
စိတ်ပညာရှင်တွေအကြံပြုတဲ့ သင့်ကိုပျော်ရွှင်စေနိုင်တဲ့အရာများ
(၁) နေ့တိုင်း ဓာတ်ပုံရိုက်ပါ
(၂) ပျော်စရာရုပ်ရှင်ကားတွေကို ကြည့်ပါ
(၃) ရုံးပိတ်ရက်မနက်ပိုင်း အိပ်ရာထဲမှာ အကြာကြီးနှပ်နေပါ
(၄) သူငယ်ချင်းတွေကို ကတ်ပို့ပါ
(၅) ရေကမ်းစပ်မှာ လမ်းလျှောက်ပါ
(၆) စားကောင်းသောက်ကောင်းတွေ တစ်ခါတလေစားပါ။
(၇) ပတ်တိုင်း တစ်ခါလောက် လေ့ကျင့်ခန်းလုပ်ပါ
(၈) ကားမောင်းရင်း သီချင်းအော်ဆိုပါ
(၉) ကော်ဖီသောက်ရင်း စာအုပ်ဖတ်ပါ
(၁ဝ) ဖုန်းပြောရင်း ဟိုဟိုဒီဒီ လျှောက်ရေးခြစ်ပါ
(၁၁) ရေချိုးရင်း သီချင်းဆိုပါ...

(၄)
တကယ်လို့သင်ဟာ အမည်မရှိတဲ့ ချောင်းလေးတစ်ချောင်းဆိုရင်
ပင်လယ်လို မကျယ်ပြောခဲ့လည်း
မြစ်ကြီးလို တသွင်သွင် မစီးဆင်းခဲ့လည်း
မြစ်တွေဖြစ်ဖို့ သင်ပေါင်းစုစီးဝင်နိုင်ခဲ့တယ်။

တောင်ကမူအကွေ့အကောက်တွေကို သင်ဖြတ်သန်း
ရှေ့ကို ရဲရဲချီခဲ့တယ်။
ဆူးညောင့်ခလုတ်တွေကို သင်ဖြတ်ကျော်
မနားမနေ စီးဆင်းခဲ့တယ်။
နောက်ပြန်မစီးဘဲ ဘဝရဲ့အဓိပ္ပာယ်ကို သင်ဖော်ဆောင်ခဲ့တယ်။

လူ့ဘဝခရီးလမ်းက အမြဲ မဖြောင့်တန်းနိုင်ပါဘူး။
ကျရှုံးခြင်းနဲ့ရင်ဆိုင်ရချိန် သင်တွေဝေတွန့်ဆုတ်ခဲ့ရင်
အယုံအကြည်မဲ့ချိန် မကျေမနပ် သင်ညည်းတွားခဲ့ရင်
အခွင့်အရေးကို လက်လွတ်လိုက်ရလို့ သင့်ကိုယ်သင် မျှော်လင့်ချက်မဲ့ခဲ့ရင်
"ငါ့ရဲ့ ကိုယ့်ကိုယ်ကိုယုံကြည်စိတ်တွေ ဘယ်ရောက်သွားပြီလဲ?" လို့ သင်
တွေးဆခဲ့ဖူးသလား?

(၅)
အလုပ်မှာ စိတ်ရှုပ်စရာကြုံတာနဲ့
ခက်လိုက်တာဆိုပြီး သင်တွန့်ဆုတ်တယ်။

ဘဝမှာ အခက်အခဲကြုံတာနဲ့
ပင်ပန်းလိုက်တာဆိုပြီး သင်ညည်းတွားတယ်။

ကံကြမ္မာကို ငြိုးမယ်ဖွဲ့လိုက်
နေ့ရက်တိုင်းကို သက်ပြင်းချလိုက်
တခြားသူရဲ့ အောင်မြင်မှုကို အားကျလိုက်နဲ့
ကိုယ်လျှောက်တဲ့လမ်းကို အဆိုးမြင်ပစ်လိုက်တယ်။

အလုပ်မှာ အဆင်မပြေရင်
ဖြည်းဖြည်းမှန်မှန် သင်ယူလို့ရတယ်
အတွေ့အကြုံဆိုတာ စုပုံ စုဆောင်းဖို့လိုလို့ပါ။

ဘဝမှာ မပျော်ရွှင်ရင်
မစိုးရိမ် မပူပန်ပါနဲ့
ဘဝဆိုတာ နဂိုကတည်းက ၁၂မျိုးအသုပ်စုံပါ။

တခြားသူတွေ ဒီကနေ့မှာ အောင်မြင်တယ်ဆိုတာ
သူတို့ဖြတ်သန်းခဲ့၊ ကြိုးစားခဲ့တဲ့ ရလဒ်ပါ။
ဒီကနေ့ကို သင်စိတ်တိုင်းမကျဘူး၊ မအောင်မြင်သေးဘူးဆိုပေမယ့်
သင့်မှာခွန်အားရှိပါသေးတယ်၊ သင့်မှာအရွယ်ရှိပါသေးတယ်
လှပတဲ့အနာဂတ်ကို သင်ပိုင်ဆိုင်ရဦးမှာပါ။

(၆)
တကယ်လို့ တွေတွေဝေဝေဖြစ်ပြီးစိတ်ရှုပ်ခဲ့ရင် သဘောက
သင့်မှာ တိုးတက်ချင်တဲ့စိတ်ရှိသေးလို့ပါ။

တကယ်လို့ ဆုံးရှုံးမှုအတွက် သင်ဝမ်းနည်းခဲ့ရင် သဘောက 
သင့်မှာ အောင်မြင်လိုစိတ်ရှိသေးလို့ပါ။

တကယ်လို့ လုပ်ခဲ့တဲ့အမှားအတွက် နောင်တရခဲ့ရင် သဘောက 
တန်ဖိုးထားတတ်ဖို့ သင်နားလည်ခဲ့လို့ပါ။

တကယ်လို့ နာကျင်မှုအတွက် မျက်ရည်ကျခဲ့ရင် သဘောက
ပျော်ပျော်ရွှင်ရွှင်နဲ့ သင်ရှင်သန်ချင်လို့ပါ။

လောကမှာ အသက်ရှင်နေတဲ့လူတိုင်း
အရာရာ အဆင်ပြေချောမွတ်တယ်ဆိုတာ မရှိပါဘူး
အဓိက,က သင်ဘယ်လို ရင်ဆိုင်မလဲဆိုတာပဲဖြစ်တယ်။
အခက်အခဲ၊ ဆင်းရဲဒုက္ခတွေကို သင် ကျော်ဖြတ်နိုင်ပြီဆိုရင်
ဘဝကို အသစ်တဖန် သင်ပြန်လည်ရေးသားနိုင်ပြီဖြစ်တယ်။

အတိတ်ကိုသွားပြီး အရာရာအသစ်ကစဖို့ ဘယ်သူမှမတတ်နိုင်ခဲ့ဘူး
ဒါပေမယ့် ဒီကနေ့ကစပြီး အရာရာအသစ်ဖြစ်ဖို့ လူတိုင်းတတ်နိုင်ကြတယ်
အဆုံးသတ်မတူတဲ့ စာတစ်ပုဒ်ကို လူတိုင်းရေးနိုင်ကြပါတယ်။

(၇)
လူတစ်ယောက်ရဲ့ဖြစ်ထွန်းမှု/ အောင်မြင်မှုကို
ငွေကြေးနဲ့ တိုင်းတာလို့မရပါဘူး
လူဘယ်နှယောက်အပေါ် သင်ကောင်းကောင်းမွန်မွန် ဆက်ဆံခဲ့သလဲ
လူဘယ်နှယောက်က သင့်ကို အမှတ်ရ၊ လွမ်းဆွတ်နေမလဲဆိုတဲ့အပေါ်မှာ 
မှုတည်ပါတယ်။

စီးပွားရေးသမားရဲ့ စာရင်းဇယားက
ဝင်ငွေထဲက ထွက်ငွေကိုနှုတ်
ရလာတဲ့အမြတ်က အောင်မြင်(ဖြစ်ထွန်း)မှုဖြစ်တယ်။

လူ့ဘဝရဲ့ စာရင်းဇယားက
ကိုယ့်ကို လူတွေချစ်တာနဲ့ ကိုယ်က လူတွေကိုချစ်တာပေါင်း
ရလာတဲ့အကျိုးက အောင်မြင်(ဖြစ်ထွန်း)မှုဖြစ်တယ်။

(၈)
ကြံ့ခိုင်သန်မာဖူးမှ ဒီလောက,က ပျော့ညံ့သူအလိုမရှိဆိုတာကို သိတယ်။
လဲကျဖူးမှ လဲကျခဲ့တဲ့နေရာကပြန်ထ ရှေ့ဆက်လျှောက်ရမယ်ဆိုတာကို သိတယ်။
ငိုကြွေးဖူးမှ ကိုယ့်နှလုံးသားလဲနာကျင်တတ်တယ်.. နာကျင်ရင် 
မျက်ရည်ကျတတ်တယ် ဆိုတာကိုသိတယ်။
ဒဏ်ရာရဖူးမှ ကိုယ်ဘယ်လောက်ခံနိုင်ရည်ရှိရှိ တကယ်တော့ အားနည်းချက်လဲ 
ရှိတယ်ဆိုတာကိုသိတယ်။
ချစ်ခဲ့ဖူးမှ အချစ်ဆိုတာ ရယူ၊ မေ့ပျောက်ရခက်သလို ဝမ်းနည်း၊ ပျော်ရွှင်မှုတွေလဲ
ပေးတယ် ဆိုတာကိုသိတယ်။

(၉)
အလုပ်လုပ်ချိန်မှာ အစဉ်လိုက်သိသင့်သောအရာ ၁ဝခု

(၁) အလုပ်အကိုင်
အရင်တန်ဖိုးထား၊ အသိအမှတ်ပြုပါ။ ပြီးမှ ရာထူးတိုးအောင်လုပ်ပါ။

(၂) ပြောဆိုဆက်ဆံရေး
တူညီမှုအရင်ရယူပါ။ ပြီးမှ ကွဲလွဲတာကို ဆွေးနွေးပါ။

(၃) အကောင်အထည်ဖော်မှု
ဖြစ်မြောက်အောင်အရင်လုပ်ပါ။ ပြီးမှ အကောင်းဆုံးဖြစ်အောင်ကြိုးပမ်းပါ။

(၄) သင်ယူမှု
အရင်ဆုံးမှတ်သားပါ။ ပြီးမှ မှတ်ဉာဏ်ထဲထည့်ပါ။

(၅) ပြုလုပ်ဖန်ဆင်းမှု
အရင်ဆုံး အတုယူပါ။ ပြီးမှ ဆန်းသစ်တီထွင်ပါ။

(၆) စီးပွားရေးလုပ်ငန်း
အရင်ဆုံးဖြစ်ထွန်းအောင်ပျိုးထောင်ပါ။ ပြီးမှ အောင်မြင်မှုကိုရယူပါ။

(၇) ဖွံ့ဖြိုးတိုးတက်မှု
အရင်ဆုံး မတ်မတ်ရပ်နိုင်အောင်လုပ်ပါ။ ပြီးမှ မြင့်မားအောင်လုပ်ပါ။

(၈) လူလူချင်းဆက်ဆံရေး
လဲလှယ်ပြောဆိုပါ။ ပြီးမှ စိတ်အချင်းချင်း ဖလှယ်ပါ။

(၉) ကိုယ့်ကိုယ်ကို ကောင်းအောင်အရင်လုပ်ပါ။ ပြီးမှ တခြားလူကို တောင်းဆိုပါ။

(၁ဝ) စိတ်ခံစားချက်ကို အရင်ဖြေရှင်းပါ။ ပြီးမှ ကိစ္စရပ်ကို ဖြေရှင်းပါ။

Li Ka-shing (1928- 7- 29 -- ) http://en.wikipedia.org/wiki/Li_Ka-shing

နိုင်းနိုင်းစနေ

(၁)
အသက်ရှင်နေသူတချို့က ကိုယ်ဘာလိုချင်မှန်း မသိကြဘူး။ သူတစ်ပါးကို 
မျက်စိစုံမှိတ်အားကျတယ်၊ မျက်စိစုံမှိတ် လိုချင်တောင့်တတယ်။ ပျော်ရွှင်ခြင်းကို 
ကိုယ့်အနားကနေ ပုခုံးချင်းတိုက်ဖြတ်ကျော်စေကြတယ်။

တကယ်တော့ ဘယ်လိုအခြေအနေမှာပဲ ရှင်သန်ရှင်သန်...ဖြောင့်မှန်တဲ့ စိတ်နှလုံး
တစုံရှိမယ်။ ရောင့်ရဲ့တင့်တိမ်တတ်မယ်၊ ကျေးဇူးသိတတ်မယ်ဆိုရင် ဘဝကပျော်ရွှင်ပါတယ်။

ပျော်ရွှင်ခြင်းဆိုတာ သင့်မှာပိုင်ဆိုင်မှု ဘယ်လောက်များတယ်။ ရာထူးဂုဏ်အရှိန် ဘယ်လောက်ကြီးတယ်ဆိုတာနဲ့ တိုင်းတာ,တာမဟုတ်ပါဘူး။

လူတွေနဲ့ သင့်မြတ်အောင်ပေါင်းတယ်၊ မိသားစုအချင်းချင်း ချစ်ချစ်ခင်ခင်ရှိတယ်၊ ကျန်းမာတဲ့ခန္ဓာကိုယ်ရှိရင် လူကိုပျော်ရွှင်စေပါတယ်။

(၂)
ကမောက်ကမနိုင်တဲ့အဖြစ်တခုအပေါ် အကြာကြီးညှိမိမနေနဲ့.. ညှိတာကြာရင် 
စိတ်ရှုပ်မယ်၊နာကျင်မယ်၊ မုန်းမယ်၊ မောပန်းမယ်၊ အစာမကြေဖြစ်မယ်၊ေ
သာကရောက်မယ်၊ ကြေကွဲမယ်။

နောက်ဆုံးမှာ အဲဒီအဖြစ်ကို ငါတို့ဖြတ်မကျော်နိုင်တာမဟုတ်ဘဲ၊ ငါတို့ရဲ့
ခံစားချက်ကို ငါတို့ဖြတ်မကျော်နိုင်ဖြစ်တတ်တယ်။

ဘယ်လိုပဲ ကမောက်ကမနိုင်ပါစေ.... လှည့်ထွက်တတ်ရတယ်၊ ကျော်ဖြတ်တတ်
ရတယ်၊ လှပတဲ့ရှုခင်းဆီသွားရာလမ်းမှာ အမှတ်မထင် မြောင်းပုပ်တစ်ခုတွေ့လိုက်မိလို့  
အလှအပကို သွားရောက်ခံစားမယ့်စိတ်ကို ညစ်နွမ်းစေပြီး လှပတဲ့အရာတွေကို လက်
လွှတ်မလား! လှပတဲ့ ရှုခင်းဆီသွားမယ့် ကိုယ့်ရည်ရွယ်ချက်တွေ ပျောက်ဆုံးကုန်လိမ့်မယ်။

(၃)
ဒီကနေ့ဆိုတဲ့ နေ့ရက်တိုင်းဟာ
မနေ့ကဆိုတဲ့နေ့ရက်ရဲ့ အတိတ်ဖြစ်သွားလိမ့်မယ်
ဒီ ၁၄၄ဝ မိနစ်မှာ
လုပ်ချင်တာကို လုပ်ပါ
စားချင်တာကို စားပါ
တွေ့ချင်တဲ့လူကို တွေ့ပါ
ဦးနှောက်ခြောက် စိတ်ရှုပ်စရာတွေ ဖယ်ထားပါ
ပျော်ပျော်ရွှင်ရွှင် ဖြတ်သန်းပါ
ကြည်ကြည်နူးနူး မျှဝေပါ
ဒီကနေ့ကို အကောင်းဆုံးအတိတ်အဖြစ်ကျန်ခဲ့ပါစေ....

(၄)
တခြားလူတွေနဲ့ မနှိုင်းယှဉ်ပါဘူး။ ဒါပေမယ့် ကိုယ့်ကိုယ်ကိုကျော်လွန်နိုင်ဖို့
တောင်းဆိုပါတယ်။
ငိုမယ်ဆို အားရပါးရ ငိုလိုက်... ခံစားရသမျှ ပေါက်ကွဲထွက်စေ။
ရယ်မယ်ဆို လွတ်လွတ်လပ်လပ် ရယ်လိုက်..ကြီးပြင်းရင့်ကျက်တဲ့ လက္ခဏာ
အထင်းသားပေါ်စေ။
မျက်ရည်နဲ့ ဒီကနေ့ကို မုန်းနေမယ့်အစား ချွေးစက်နဲ့ ဒီကနေ့ကို ရုန်းကန်လိုက်ပါ။
မျက်ရည်တွေကုန်ခမ်းသွားတဲ့အခါ ကျန်ရှိနေခဲ့သင့်တာက "ကြံ့ခိုင်သန်မာခြင်း"
 ပဲဖြစ်တယ်။

(၅)
တခြားလူရဲ့အတွေးကို ငါတို့ထိန်းချုပ်လို့မရဘူး၊ တခြားလူရဲ့လုပ်ရပ်ကို ငါတို့ အတင်းအကျပ်စေခိုင်းလို့မရဘူး။ လုပ်နိုင်တာတစ်ခုက ကိုယ့်ကိစ္စ၊ ကိုယ့်တာဝန်ကို အကောင်းဆုံးဖြစ်အောင် အစွမ်းကုန် ကြိုးစားလုပ်တာဖြစ်တယ်။

ကိုယ့်ကိုယ်ကျင့်တရားနဲ့ကိုယ် ကိုယ့်လမ်းကိုယ်လျှောက် အကောင်းဆုံး
ရှင်သန်တာဖြစ်တယ်။

ကိုယ့်ကိုနစ်နာအောင်လုပ်တဲ့ လူရှိခဲ့ရင်တောင် အချိန်က ကိုယ့်ကိုနစ်နာ
စေမှာမဟုတ်ဘူး၊  
ဘဝက ကိုယ့်ကိုနစ်နာစေမှာမဟုတ်ဘူး။ တခြားသူကို ကောင်းကောင်းဆက်ဆံ
တာဟာ ကိုယ့်ကိုယ်ကို ကောင်းကောင်းဆက်ဆံတာပဲဖြစ်တယ်။

(၆)
တကယ်လို့ ရွေးချယ်စရာရှိရင် အကောင်းဆုံးကို ရွေးချယ်မယ်။ 
တကယ်လို့ ရွေးချယ်စရာမရှိဘူးဆိုရင် အကောင်းဆုံးဖြစ်အောင်ကြိုးစားမယ်။

(၇)
နာမည်ကြီးတိုင်း အသိပညာရှိသူမဟုတ်ဘူး
အမိန့်အာဏာတိုင်း အမှန်တရားမဟုတ်ဘူး
ငွေကြေးတိုင်း ပျော်ရွှင်မှုပေးနိုင်တာ မဟုတ်ဘူး
ကတိစကားတိုင်း ရိုးသားဖြောင့်မတ်တာမဟုတ်ဘူး
ဝေဖန်တိုင်း တိုက်ခိုက်တာမဟုတ်ဘူး
မျက်နှာချိုသွေးတိုင်း လေးစားတာမဟုတ်ဘူး
ခယတိုင်း သစ္စာရှိတာမဟုတ်ဘူး
နားဝင်ချိုစကားတိုင်း အချစ်မဟုတ်ဘူး
ပြုံးရယ်တဲ့မျက်နှာတိုင်း ခင်မင်ရင်းနှီးတာမဟုတ်ဘူး
စောင့်ဆိုင်းတယ်ဆိုတိုင်း ရူးရူးမူးမူးချစ်တာ မဟုတ်ဘူး။

(၈)
ငယ်ငယ်တုန်းက ခလုတ်တိုက်လဲကျတဲ့အခါ ဘေးဘီမှာ လူရှိမရှိ ကြည့်
တတ်တယ်။  လူရှိရင် ငိုတယ်။ လူမရှိရင် လဲနေရာက ထတယ်။

ကြီးလာတော့ စိတ်မပျော်ရွှင်တာနဲ့ကြုံတဲ့အခါ ဘေးဘီမှာ လူရှိမရှိ ကြည့်တတ်
ပြန်တယ်။ လူရှိရင် လဲနေရာက ထတယ်။ လူမရှိရင် ငိုလိုက်တယ်။

(၉)
လူတိုင်းလူတိုင်း အဆင်မပြေတာနဲ့ ကြုံရစမြဲပေါ့။အဆင်မပြေတာနဲ့ကြုံတဲ့အခါ 
လောကကြီးကို အပြစ်တင်တယ်၊ ကံတရားကို အပြစ်တင်တယ်၊ ကိုယ့်ကိုယ်ကို 
အပြစ်တင်တယ်

တကယ်တော့...အပြစ်တင်တိုင်း အခက်အခဲတွေက ပြေလည်သွားမှာမဟုတ်ဘူး။  
ဝမ်းနည်းကြေကွဲတိုင်း အခြေအနေကို လှည့်ပြောင်းမရဘူးဆိုတာ တခြားလူထက် ကိုယ်ကိုယ်တိုင်ပိုသိတယ်။

ဒါနဲ့များ...
လက်ဘေးက စိတ်ရှုပ်စရာတွေကိုချ ရှုပ်ထွေးတဲ့ စိတ်အစဉ်ကို တည်ငြိမ်စေပြီး  
အသစ်တဖန် အစက ပြန်စရင် သင်သတိထားမိမှာက ဘယ်လောက်ပဲ ထူထည်းတဲ့
သစ်ပင်အောက်မှာ သင်ရပ်နေနေ ခေါင်းမော့ကြည့်လိုက်တာနဲ့ မျှော်လင့်ချက်
အလင်းတန်းတချို့က သင့်အတွက် လင်းဖြာနေတယ်ဆိုတာဖြစ်တယ်။

(၁ဝ)
လူ ...
အများကြီးတွေးတောဖို့မလိုဘူး
ဖြူစင်လေ ကောင်းလေ

သူငယ်ချင်း...
အများကြီးရှိဖို့မလိုဘူး
စိတ်တူကိုယ်တူလေ ကောင်းလေ

အချစ်...
အရမ်းကြီး စွဲလမ်းဖို့မလိုဘူး
ရိုးရှင်းလေ ကောင်းလေ

မိသားစု...
သတ်မှတ်ချက်၊ စည်းကမ်းချက်တွေ အများကြီးမလိုဘူး
သင့်မြတ်ပျော်ရွှင်လေ ကောင်းလေ

ကိုယ့်ကိုယ်ကို...
တောင်းဆိုမှုတွေ အများကြီးမလိုဘူး
ပျော်ရွှင်ခြင်းတွေ တစ်နေ့နည်းနည်းစီ စုဆောင်းနိုင်ရင်ရပြီ။

(၁၁)
တခြားလူပိုင်ဆိုင်တဲ့အရာကို အားမကျနဲ့...ကြိုးစားရင် ကိုယ်လည်း 
သူ့လိုပိုင်ဆိုင်နိုင်ပါတယ်

ကိုယ်ပိုင်ဆိုင်တဲ့အရာကို မကြွားနဲ့..ပိုင်ဆိုင်နိုင်ဖို့ တခြားလူတွေကလည်း 
ကြိုးစားနေကြလို့ပါ

ဆင်းရဲနေ၊ ချမ်းသာနေစေ၊ ရာထူးမြင့်စေ၊ နိမ့်စေ၊ ဗဟုသုတနည်းစေ၊များစေ ၊  
စိတ်ချမ်းသာမှုပိုပြီး စိတ်ဆင်းရဲမှုတွေ လျော့နည်းပါစေ။

နေ့တိုင်း ပျော်ပျော်ရွှင်ရွှင် ရယ်မောပါ
မောပန်းပြီးဆို အိပ်စက်အနားယူပါ
နိုးလာပြီဆို ပြုံးပါ....
သာမန်ရိုးရှင်းခြင်းက ဘဝရဲ့အကောင်းဆုံးလက်ဆောင်ဖြစ်တယ်။

(၁၂)
မိန်းကလေးဆိုတာ မချောမလှလို့ရတယ်။ ဒါပေမဲ့ အကျင့်စရိုက်/စိတ်
သဘောထားပြုစုပျိုးထောင်မှု ကင်းမဲ့လို့မရဘူး။

အကျင့်စရိုက်ကောင်းတဲ့ မိန်းကလေးက အနုပညာထည်နဲ့တူတယ်။ 
လူဘယ်လောက်ပဲ ချောမောလှပစေ အကျင့်စရိုက်မကောင်းရင်
အပြစ်အနာအဆာရှိတဲ့ ပစ္စည်းနဲ့တူတယ်။

မိန်းကလေးတစ်ယောက်ရဲ့ ရုပ်ရည်အလှက အလွန်ဆုံးခံ အနှစ်(၂ဝ)ပေါ့။
အတွင်းစိတ်ရဲ့အလှက တစ်သက်လုံးခံသလို လူကိုလည်း တစ်သက်
ဆွဲဆောင်စေပါတယ်။

နိုင်းနိုင်းစနေ ဘာသာပြန်သည်။