“ သစ္စာအိမ် ”

လမ်းအတူလျှောက်မှာ ၊ ပန်းအတူကောက်ခါ ၊
အနမ်းထူထူ ရောက်ခဲ့တာလေးတွေ …
နှလုံးဘဝင်မှာ ၊ မမုန်းချင်စရာ ၊
အပြုံးလွင်လွင် သာသာလေးတွေ ….
အပူမပွားပဲ၊ လူကြားထဲမှာ …
အတူသွားခဲ့တာလေးတွေ ..
လမ်းဘေးမှာ၊ အနမ်းပေးကာ
ပန်းလေးတွေကို ဆင်ပေးခဲ့တာလေးတွေ …
အကြင်နာအစုံ ၊ သခင်သာယုံပြီး၊
ရင်မှာခုန်ခဲ့တာလေးတွေ ….
တချက်အကွေ့မှာ ၊ မပျက်တွေ့လာတဲ့
တသက် မမေ့စရာလေးတွေ …။
သမုဒယလေးနဲ့ ၊ အနုအလှတေးဖွဲ့ပြီး၊
ယုယ ထွေးပွေ့ခဲ့တာလေးတွေ ….
မနောပျိုနု ၊ သဘော အကို ဟု ၊
ကျောကို ထုလိုက်တာလေးတွေ….
အပြေးသူလယ်ဖို့ ၊ ဈေးအတူဝယ်လို့
ဘေးမှာ အူလယ်လယ်နဲ့ မသွားတတ်ခဲ့တာလေးတွေ …
အခန်းလှမ်းဝင်ခိုက် ၊ အနမ်းပန်းတင်လိုက်တော့
အရမ်းကြမ်း ရှင်မိုက်တာပဲလို့ ပြောတာလေးတွေ…
တူနှစ်ကိုယ်အသဲမှာ ၊ အပူမပိုကြပဲ
အမူပိုချွဲခဲ့တာလေးတွေ…
အမှန်ပြောရင် မမှားနိုင်တဲ့ ၊
သံယောဇဉ်တရားစိုင်ဖွဲ့လို့
ကံသဘောအသွင် မထားနိုင်ခဲ့တာလေးတွေ…
လွမ်းရေးတရာမကမို့ ပန်ပေးတာက
စတင်ခဲ့တဲ့ အဖြစ်လေးတွေ….

တွေ့ကြုံခံစားခဲ့ရတဲ့ အတိတ်ရိုင်းလေပွေ
ရင်မှာမွှေနှောက် ရောက်ယက်ခတ်ခဲ့ရတဲ့ အဖြစ်လေးတွေကို
အချစ်လေးများလို့ ဆိုနိုင်မလားလေ…။

ပန်းပေးလဲ မလိုချင်ဘူး
လွမ်းတေးလဲ မဆိုချင်ဘူး
အနမ်းပေးလဲ မငြိုငြင်ဘူး
လမ်းခွဲပြေးလဲ မငိုချင်တော့ပါဘူးလေ။
မမြင်မတွေ့ ၊ သခင်မေ့ပေမယ့် ၊
အရင်နေ့တွေကို ၊ သတိရနေဆဲပါ။

ကံကြမ္မာ ရဟတ်က အဖန်တရာဆက်လို့
ပြန်ကာထပ်တွေ့ရင်လဲ တသက်မမေ့စရာ
အကြင်နာအနမ်းကို မမြင်စရာ ပန်းအဖြစ်
ရင်နင့်နင့်နဲ့ သခင်ပစ်လိုက်ပါ့မယ်။

ဘဝတကွေ့မှာ ခဏတွေ့ကြပြီး
တဘဝမမေ့စရာ အပြုံးလေးတွေကို
နှလုံးသွေးနဲ့ရင်း အတင်းကြိတ်မှတ်ခံစားပြီး
အတိတ်ကအသံများကို စိတ်ကပြန်ကြားနေပေမဲ့
ခံစားမှုကင်းဆိတ် အတင်းပိတ်ထားတဲ့
နှလုံးသား တံခါးကို ခေါက်နိုင်မယ့်သူရှားသွားပြီ်တဲ့လေ…။

နွေနှင်းမိုး