“ သစ္စာအိမ် ”

အဖြစ်အပျက်တွေက
နှစ်သက်စရာရယ်လို့ မမြင်ခဲ့
သခင်မဲ့ အရိပ်အယောင်
အပိတ်အလှောင်တွေက နိမိတ်ဆောင်ခဲ့ပြီး
အတိတ်အရောင်တွေ ထင်ဟပ်မိတိုင်း
ရင်လှပ်အောင် ခံစားမိပြန်တယ်...။

စွန့်လွှတ်ခဲ့ရတဲ့ အရာရာတွေ
ပေးဆပ်ခဲ့ရတဲ့ တန်ဘိုးတွေ
နစ်နာစေခဲ့တဲ့ ဒဏ်ရာဒဏ်ချက်တွေကို
ပြန်ဆပ်နိုင်ဘို့အရေး
ဘယ်လိုတွေးတွေး
ရေးရေးလေးတောင် မမြင်မိပြန်ဘူး..။

စိတ်လွင်ပြင်မှာ
တရိပ်ရိပ် ထင်လာစေခဲ့တဲ့
လူရယ်လို့ မပီပြင်သေးတဲ့ ဘဝလေးတွေ၊
တူညီစွာ လက်တွဲလို့ အခက်အခဲတွေကို ကူညီပြီး
တူညီတဲ့ လမ်းပေါ်မှ လှမ်းခေါ်မယ့် အသံတွေ၊
စွန့်လိုက်ရတဲ့ တန်ဘိုးတွေရဲ့အဓိပ္ပါယ်မဲ့သွားတဲ့ ပုံရိပ်တွေ
အစွန့်ခံတွေရဲ့ သံစဉ်မဲ့ ရှိုက်သံတွေ
မမြင်နိုင်တဲ့ လမ်းကြောင်းကနေ
တမ်းတနေမယ့် လူသားတွေ
အရာအားလုံးဟာ  စိတ်အစဉ်မှာ
အရိပ်အသွင် ထင်မြင်နေဆဲ... ။

ကြိတ်မှိတ်ခံစား အတွေးများလဲ ယောင်လည်
အကောင်အထည်ဆိုတာလဲ မပီပြင်
နှင်ခဲ့တဲ့ ခရီးလမ်းကလဲ ဝိုးတဝါးမို့
ဆိုးဝါးတဲ့ ဒဏ်ရာကို ပြန်ကာဆန်းစစ်
အတွေးသစ်နဲ့ ကျေနပ်မိသော်လဲ
ကြေပျက်သွားခဲ့တဲ့ အရာအားလုံးဟာ
သင်ပုန်းချေလို့ ဖြစ်နိုင်ပါ့မလားလေ...။

ဟုတ်ကဲ့ခင်ဗျ လုပ်ခဲ့သမျှ အားလုံးဟာ
သိကြားလုံးလို မချိုမြိန်ခဲ့ပါဘူး။
မတရားမှုကို တရားရှုမနေနိုင်ခဲ့လို့
သေနိုင်တဲ့ ခရီးကြမ်းကို လှမ်းထွက်ခဲ့တာပါ။
မှန်းချက်နဲ့တော့ မကာမိပါဘူး။
ပေးဆပ်မှုအနန္တ ပြန်မရမယ့် အရင်းအနှီး
အချည်းနှီးတော့ မဖြစ်တန်ကောင်းပါဘူး။

လူမမယ် သနားဖွယ်လေးတွေကြောင့်လဲ
အများအလယ်မှာ တရားတယ်လို့ မယူဆမိခဲ့ဘူး..။
သရုပ်သကန်ကို အလုပ်အမှန်လို့ ထင်မှတ်ခဲ့ရင်တောင်
အသွင်သဏ္ဍာန်ကို အမြင်မှန်လို့ ယူဆခဲ့ရင်တောင်
အပူတစက လွင့်ပြယ်နိုင်စွမ်း ရှိနိုင်မယ် မထင်ဘူးလေ..။
စိတ်အတွေးထဲမှာ တဆိတ်ကလေးပဲ ဖြစ်ဖြစ်
အရိပ်လေးတွေက ခိုနားနေဆဲပါ...။
                                       (နွေနှင်းမိုး)

ပြန်လည်တွေးတိုင်း
အတိတ်ရိုင်းတွေ၊ စိတ်တွေလေအောင်
လုပ်ဆောင်နေဆဲ၊ ရင်ခွင်ထဲမှာ
နာကျင်ခံစား၊ အဖြစ်အပျက်များကြောင့်
တောင့်တမျှော်လင့်၊ စောင့်စားခွင့်ချော်
လေပေါ်ကွယ်ပျောက်၊ ရောက်ရာဘဝ
ရွက်ကျလေလား၊ ငါလျှောက်သွားခဲ့။

အစွမ်းအစလဲ နွမ်းလျဆဲပဲလား?
အသိဉာဏ်လဲ မရှိပြန်ဘူးလား?
အတွေးအအိမ်လဲ မှေးမှိန်နေဆဲလား?
ရည်မှန်းချက်လဲ  အတည် လှမ်းခက်နေလား?
ယောင်လည်လည်နဲ့ အကောင်အထည်ဖော်ဖို့ ခက်နေလား?
အများအလယ်မှာ အားငယ်နေသလား?

ဘယ်ဆီ ဘယ်ဝယ်၊ ရည်ရွယ်မှန်းဆ
ငါ လျှောက်မယ့်လမ်း၊ လမ်းစလဲပျောက်
လျှောက်ရမယ့် ခရီး၊ နီးသလား ဝေးသလား
ဝေဝါးဝါးပဲလား?

အစွမ်းအစလဲ မနွမ်းလျခင်
ပန်းသမျှဟာ လမ်းစပါ ပျောက်ရမှာလား
ဝိုးတဝါး စိတ်ထင် အတိတ်လွင်ပြင်နန်းကို
ဖြတ်သန်းရန် အားသစ်မွေးနိုင်ဖို့
တွေးမှိုင်ကာ မနေသင့်ပါဘူး
လေ့လွင်ကာ အချိန်ကုန်မယ့်အစား
မမှိတ်မသုန် အား အသစ်တင်လို့
စနစ်ထွင်ကာ တဆစ်ချိုး ဘဝမှာ
အဖြစ်ဆိုးက လွတ်လမ်းရှာပြီး
သင်မှန်းလာတဲ့ လမ်းစဉ်ကို
မပန်းခင် အရောက်နှင်ပါတော့လေ...။

ဘဝတဆစ်ချိုးမှာ ခဏအဖြစ်ဆိုးလေးတွေလဲ ကြုံရမယ်။
ဘဝလမ်းခရီးမှာ အလှပန်းစီးလေးတွေလဲ ဆုံရမယ်။
ဘဝလမ်းဖြောင့်အောင် ခဏပန်းတော့ အောင့်ရမယ်။
လမ်းခရီးမှာ ပန်းစည်း ကမ်းသူနဲ့လဲ တွေ့ရမယ်။
ဆူးခလုပ်တွေကို ဒူးတုတ်ကာ မတိုးလျှိုးပါနဲ့။
အတားအဆီး ဘောင်တွေကို နားညီးအောင် အချိန်ကုန် မခံပါနှင့်။
အနှောက်အယှက်တွေကြောင့် ယောက်ယက်ခပ်မသွားပါနဲ့။
ခါးသီးတဲ့ ဘဝခရီးတွေကြောင့် အများကြီးလဲ နာကြည်းမနေပါနဲ့တော့။

ကိုယ်လျှောက်မယ့်လမ်း ဘယ်လိုကြမ်းလဲ
ခရီးလမ်းဆုံးထိ မငြီးတမ်း ရုန်းနိုင်ခဲ့ရင်
အပြုံးပိုင်ရှင် ဘဝမျိုးမှာ အလှတိုးနိုင်ပါစေလေ။
ဘဝအချိုး အကွေ့မှာ ခဏမျိုး ဆုံတွေ့တာတောင်
အကုန်မေ့နိုင်အောင် သင် ကြိုးစားလိုက်ပါတော့လေ။
                                         နွေနှင်းမိုး