“ သစ္စာအိမ် ”

ပညာရေးသည် ဘဝအတွက် ပြင်ဆင်ခြင်း၊ လေ့ကျင့်ခြင်း ဖြစ်စဉ်ဖြစ်သည်။ တနည်းဆိုသော်
ကျန်းမာစွာ ချမ်းသာစွာ နေနိုင်စေရန် ငယ်ရွယ်စဉ်ကပင် ကြိုတင် လေ့ကျင့် ပြင်ဆင်ခြင်းဖြစ်
သည်။ ကျန်းမာစွာ နေထိုင်ခြင်းကို လူတိုင်း သိပြီးဖြစ်ပြီး ချမ်းသာစွာနေထိုင်ခြင်းဆိုသည်
မှာ အသက်ရှင်ရသော နေ့တိုင်း စိတ်ချမ်းသာမှုနှင့် အေးချမ်းစွာ နေရခြင်းကို ဆိုလိုရင်း
ဖြစ်သည်။
ကလေးတယောက် ကျန်းကျန်းမာမာနှင့် စိတ်ချမ်းသာ အေးချမ်းစွာ နေထိုင်နိုင်ရေးအတွက်
လေ့ကျင့်ပေးရာတွင် တဦးကောင်းတယောက် ဆောင်ရွက်လျှင် အောင်မြင်မှု မရနိုင်။
ထိုကလေး၏ မိဘ၊ ထိုကလေးအား လေ့ကျင့်ပေးမည့် ဆရာနှင့် ထိုကလေး ကိုယ်တိုင်ပါ လုပ်ကိုင်ဆောင်ရွက် လေ့ကျင့်နိုင်ပါမှ လေ့ကျင့်မှုမှ ရလဒ်ကောင်း ရနိုင်မည်။

ဆရာကလည်း ကျန်းမာအောင် မည်သို့ နေထိုင်ရမည်ကို ကောင်းစွာ သိရှိရန် လိုပါသည်။ စိတ်ချမ်းချမ်းသာသာနှင့် အေးအေးချမ်းချမ်း နေထိုင်နိုင်ရန် မည်သည်တို့ကို လေ့ကျင့်ရန်
လိုသည်ကို သေချာစွာ နားလည် တတ်ကျွမ်းရန် လိုသည်။ ဆရာကိုယ်တိုင်ကလည်း နေ့စဉ် ကျန်းမာအောင် နေထိုင်တတ်သူ ဖြစ်ရန် လိုသည်။ ဆရာ ကိုယ်တိုင်ကလည်း နေ့စဉ် စိတ် ချမ်းချမ်းသာသာနှင့် အေးအေးချမ်းချမ်း နေနိုင်ရေးအတွက် ထာဝရ ကြိုးစားနေသူ
ဖြစ်ရန်လိုသည်။ သို့မှသာ သူကိုယ်တိုင် ကျွမ်းကျင်နေသော နေ့စဉ် လေ့ကျင့်နေသော ကျွမ်း
ကျင်မှုတို့ကို ကျောင်းသားကလေးများအား ပြန်လည် လေ့ကျင့်ပေးနိုင်မည်။

မိဘတို့ကလည်း ၎င်းနည်းတူ သိရှိ နားလည် သဘောပေါက်ထားပြီး ၎င်းတို့ ကိုယ်တိုင်လည်း
ရည်ရွယ်ချက်တူပြီး ကျန်းမာချမ်းသာစွာ နေနိုင်ရေး နေ့စဉ် ကြိုးစား အားထုတ်နေသူများ
ဖြစ်ခဲ့လျှင် ဆရာနှင့်မိဘတို့ လျှောက်သော လမ်းတွင် လူမမယ် ကလေးငယ်များကို လက်တွဲ
ခေါ်ယူနိုင်မည် ဖြစ်သည်။ အကောင်းဆုံး အနေအထားသည်ကား ဆရာများ ကြုံတွေ့ ဖြတ်
သန်းခဲ့ရသည့် ပညာရေးဘဝ သို့မဟုတ် ဘဝတခု ကျန်းမာချမ်းသာရေး ကျင့်စဉ်များသည်
မိဘတို့ ကြုံတွေ့ ဖြတ်သန်းခဲ့ရသော ပညာရေးဘဝ သို့မဟုတ် ဘဝတခု ကျန်းမာ ချမ်းသာရေး
ကျင့်စဉ်များနှင့် ထပ်တူကျခဲ့လျှင် ကျောင်းသားအတွက် အကျိုးအရှိဆုံး ဖြစ်မည့် အနေအ
ထား ဖြစ်သည်။ အကယ်၍ ဆရာနှင့် မိဘတို့ အသီးသီး ဖြတ်သန်းခဲ့ကြသော ပညာရေးဘဝ
မတူညီခဲ့ပါက ကျောင်းသားအတွက် အကောင်းဆုံး ဖြစ်နိုင်ခြေ ရှိဖို့ရာ မိဘနှင့် ဆရာတို့
ကြားတွင် နားလည်မှုကို အချိန်ယူ တည်ဆောက်ရန် လွန်စွာ အရေးကြီးပါသည်။ မိဘတို့
အနေနှင့် ဆရာတို့၏ လုပ်ငန်းကို အလုံးစုံ မသိနိုင်သည် ဖြစ်၍ နားလည်မှု လွဲမှားခြင်းများ
များစွာဖြစ်လာနိုင်သည် ဖြစ်၍ ၎င်းမိဘနှင့် ဆရာကြား နားလည်မှု လွဲမှားခြင်းများသည်
ကျောင်းသားငယ်တို့အတွက် အကောင်းဆုံး အနေအထားများ မဟုတ်ပါ။

မြန်မာနိုင်ငံ၏ သမိုင်းကြောင်းအရ ခေတ်အဆက်ဆက် မိဘများ၏ စိတ်ပျက်ခြင်း၊ အထင်
သေးခြင်း ခံခဲ့ရသော ဆရာတို့၏ လုပ်ငန်းအပေါ် ယခုချက်ချင်း မိဘများဘက်မှ အကောင်း
မြင်လာစေရန် မဖြစ်နိုင်ချေ။ ခါးသီးသော အတွေ့အကြုံများမှ ရလိုက်သော ဆရာနှင့်မိဘ
နားလည်ခြင်း လွဲမှားမှုနှင့် မသင့်မြတ်မှု အချို့တို့သည် မြန်မာနိုင်ငံတော်သစ် တည်ဆောက်
ရေး ခရီးရှည်ကြီးကို ကောင်းစွာ နှေးကွေးစေဦးမည်ကို ကြိုမြင်ပြီး ဖြစ်သည်။ ၁၉၆၂ ခုနှစ်
နှောင်းပိုင်းနှင့် မဆလခေတ် တလျှောက်လုံး ကြုံတွေ့ခဲ့ရသော ပညာရေးစနစ်တို့က မိဘနှင့်
ဆရာတို့ကြား တဦးနှင့်တဦး အထင်မကြီးစရာ မယုံကြည်စရာများစွာ အမွေဆိုး ချန်ထား
ရစ်ခဲ့သည်။
ဗုဒ္ဓဘာသာ ယုံကြည်သက်ဝင် မှုအရ ဆရာတို့အား အနန္တောအနန္တ ငါးပါးတွင် အတူတကွ
ပါဝင်နေကြသော်လည်း မဆလ တခေတ်လုံး မိဘများစွာတို့သည် မိမိတို့၏ ကလေးငယ်
များကို ပညာသင်ကြားရာတွင် ဆရာတို့၏ လမ်းညွှန်သင်ကြား ဆောင်ရွက်ချက်နှင့် မိမိတို့
ကလေးတို့၏ လုပ်ဆောင်နိုင်သော စွမ်းရည်ပေါ်တွင် မည်သည့်အခါမျှ အားရကျေနပ်
သည် မရှိခဲ့ကြ၍ မြန်မာ့ဓလေ့အရ မိဘစကား နားထောင်ကြရမည်ကို အခြေပြုကာ မိမိ
တို့၏ ကလေးများ၏ ပညာရေးကို မိသားစုအလိုက် မိမိတို့ စိတ်ကြိုက် ကကြိုးဖြင့် ကစေခဲ့
ကြ၍ ပညာရေး၏ အနှစ်သာရ ပျောက်ကွယ်ခဲ့ရပြီး ဂုဏ်တုဂုဏ်ရောင် ပကာသန အပေါ်ယံ
တို့နောက် လိုက်ခဲ့ကြရင်း တိုင်းပြည်ပါ ပျက်ခဲ့ကြရပြီဖြစ်သည်။ တိုင်းပြည်တခု ပျက်စီးရခြင်း
အပေါ် ပညာရေး ရှုထောင့်တခုမှ ကြည့်ရှု သုံးသပ်ခြင်းသာ ဖြစ်သည်။

ထိုစဉ်က အစိုးရများ၏ အားနည်း ချို့ယွင်းချက်များကြောင့် ဆရာတို့ မွဲတေခဲ့ကြသည်။
ဆရာတို့ သြဇာအာဏာ မဲ့ခဲ့ကြရသည်။ သို့ဖြစ်၍ ဆရာအများစုမှာ သြဇာရှိ၊ အာဏာရှိ
ငွေရှင်ကြေးရှင်၊ အာဏာရှင်တို့၏ အလိုကျ လိုက်လျောလိုက်ပါ ကပြခဲ့ကြရသောကြောင့်
မြန်မာ့ပညာရေးမှာ အရုပ်ဆိုး အကျည်းတန်ခဲ့သည်။ အနန္တဂိုဏ်းဝင်တို့၏ ဂုဏ်နှင့် မလိုက်
အောင် အောက်ကျခဲ့ကြပြီး ဖြစ်သည်။ မွဲတေခဲ့ကြရပြီး ဖြစ်သည်။ ဆရာ၊ ဆရာမတို့ မချမ်း
သာ မကြီးပွားသရွေ့၊ သြဇာအာဏာနှင့် ပညာဂုဏ်တို့ မရှိသရွေ့ မည်သည့် တိုင်းပြည်မှ
မတိုးတက်နိုင်။ ဆရာတို့အပေါ် သြဇာရှိ အာဏာရှိသော ပညာမဲ့တို့ ချုပ်ကိုင်နေသရွေ့
မည်သည့်အစိုးရ အုပ်ချုပ်နေသည်ဖြစ်စေ တိုင်းပြည် မတိုးတက်နိုင်။ ဆရာတို့၏ သင်ကြားမှု
လွတ်လပ်မှု မရှိသရွေ့၊ သင်ကြားမှု ဆုံးဖြတ်ခွင့် မရှိသရွေ့ တိုင်းပြည် မတိုးတက်နိုင်။
လူကလေးတယောက် တိုးတက်ကျန်းမာအောင် ချမ်းသာအောင် လေ့ကျင့်ပေးတတ်၊
လေ့ကျင့်ပေးနိုင်လျှင် လူကလေး များစွာတို့အားလည်း အလားတူ ဆောင်ရွက် လေ့ကျင့်
စေလျှင် လူသားပေါင်းများစွာ ကျန်းမာချမ်းသာ လာနိုင်မည်။
သို့ဆိုလျှင် ကျန်းမာချမ်းသာသော လူများ နေထိုင်ရာ တိုင်းဌာနီတို့ ဖွံ့ဖြိုးတိုးတက်ပြီ
ဖြစ်သည်။

ဆရာဝန်ဆိုသည် ဆရာဝန် လုပ်ငန်းတွင် ကျွမ်းကျင်ကြသည်။ ရှေ့နေတို့ ဥပဒေ ကျွမ်း
ကျင်ကြရမည်။ နိုင်ငံရေးသမားများ နိုင်ငံ့အရေး ပို၍ နားလည်ကြသည်။ ထိုနည်းတူ
ကျောင်းဆရာတို့ ဆရာအတတ်ကို တတ်ကြသည်။

ကျောင်းဆရာသည် ဆေးပညာတွင် ဆရာဝန်လောက် မသိနိုင်သော်လည်း ဆရာအတတ်ကို
ကျွမ်းကျင်သည်။ ကျောင်းဆရာသည် ဥပဒေရေးရာတွင် ရှေ့နေတဦးကဲ့သို့ နှိုက်နှိုက်ချွတ်
ချွတ် သိချင်မှသိမည်။ သို့သော် ဆရာအတတ်ကို ကျွမ်းကျင်သည်။

မိဘများကလည်း ဆရာတို့ မည်သို့မည်ပုံ လေ့ကျင့် သင်ကြားပေးမည်ကို ကိုယ်တိုင် မကြုံ
တွေ့ဖူးပါက အတော်ခက်သည်။ များစွာ လေ့လာရန် လိုပါသည်။ များစွာ ဖတ်မှတ်ရန် လို
သည်။ များစွာ နားထောင်ရန် လိုသည်။ အကောင်းဆုံးကား မိဘများ ဖြတ်သန်း ကြုံ
တွေ့ခဲ့ရသော ပညာရေးကျင့်စဉ်နှင့် ကလေး ဖြတ်သန်း ကြုံတွေ့နေရသော ပညာရေး
ကျင့်စဉ်တို့ တူညီလျှင် ကလေးအတွက် အကောင်းဆုံး ရလဒ် ရမည် ဖြစ်သည်။

မိဘတို့သည် ရင်သွေးတို့အား ပညာသင်ကြားပေးရာတွင် မိမိ၏ ကိုယ်တွေ့ အတွေ့အကြုံနှင့်
ဆက်စပ်ယှဉ်ထိုး၍ တွေးကြမည်မှာ ဓမ္မတာပင်။ ယနေ့ခေတ် ပုဂ္ဂလိကကျောင်းများ ပေါ်
ပေါက်လာသောအခါ ပုဂ္ဂလိက ကျောင်းများ၏ ခေတ်မီနည်းပညာနှင့် သင်ကြားမှု နည်း
စနစ်များ၊ တတ်မြောက်မှု၏ စစ်ဆေးချက်များ အတော်ပင် ကွာခြားသွားပြီ ဖြစ်သည်။ ခေတ်
လည်းမတူ၊ စနစ် လည်းမတူ၊ ဦးတည်ရာလည်း မတူသောကြောင့် ၎င်းပုဂ္ဂလိက ကျောင်းများ
တွင် သားသမီးကို အကောင်းဆုံး ဖြစ်အောင် အပ်နှံကြသည့်အခါ မိဘတို့လည်း စွန့်စား
မှုများ၊ စိန်ခေါ်မှုများ ကြုံရမည်မှာ မလွဲပင်။ ဤအဆင့်ကို အောင်မြင်စွာ ကျော်ဖြတ်ရန်
လိုသည်။
ယနေ့ ပုဂ္ဂလိက ကျောင်းများတွင် တက်ရောက် အောင်မြင်ပြီးကြသော ကျောင်းသားများ
မိဘ ဘဝ ရောက်သည့်တနေ့ ၎င်းတို့၏ ကလေးများအား ပုဂ္ဂလိက ကျောင်းများ၌ပင်
ပြန်လည် အပ်နှံကြလျှင် ထိုစိန်ခေါ်မှုများ မရှိသလောက် လျော့နည်းသွားမည် ဖြစ်သည်။

မြန်မာ့ပညာရေး အပြောင်းအလဲ လုပ်ရန် ပြောကြသည်ကို ကြားနာရတိုင်း ကြုံတွေ့ရမည့်
ကြီးမားသော စိန်ခေါ်မှုကို ပို၍ ထပ်ကာထပ်ကာ သတိရစေသည်။ မြန်မာ့ ပညာရေး
အပြောင်းအလဲကောင်းများ ပြုလုပ်ရန်အတွက် အစိုးရ တဦးတည်း ပြောင်းလဲ၍မရ။
ပြည်ထောင်စုအစိုးရ ဘတ်ဂျက်မှ ငွေလိုသလောက် သုံးစွဲရုံနှင့် မအောင်မြင်နိုင်။
ဆရာ၊ ဆရာမတို့ချည်း ပြောင်းလဲရန် ကြိုးစားသည်နှင့်လည်း ဖြစ်မလာနိုင်။ မြန်မာ့
ပညာရေး အပြောင်းအလဲအတွက် ပါဝင် ပြောင်းလဲကြရမည့် သူများမှာ အစိုးရ၊
လုံလောက်သော ဘတ်ဂျက်၊ ဆရာ ဆရာမများ၊ ကျောင်းသားများနှင့် မိဘများပါ
အတူပြောင်းလဲ ဆောင်ရွက်မှရမည်။

ပြည်ထောင်စုအစိုးရ၏ ပညာရေးဝန်ကြီး၊ ပညာရေးကော်မတီ ဥက္ကဋ္ဌ၊ ပညာရေးအတွက် တာ
ဝန်ယူ ဆောင်ရွက်မည့်သူ အားလုံး ပညာရေး လေ့ကျင့်မှုမှတဆင့် မည်သို့သော နိုင်ငံ့သား
ကောင်း ရတနာများ မွေးထုတ်ပေးမည်ကို ကောင်းကောင်း နားလည်ရန် လိုသည်။ ၎င်းတို့
ပြောင်းလဲ ကျင့်သုံးမည့် ပညာရေး လေ့ကျင့်မှု ကျင့်စဉ်များကိုလည်း ကိုယ်တိုင် ကျင့်ကြံ
အားထုတ် ကြုံတွေ့ဖူးသူများ ဖြစ်ရန်လိုသည်။ လိုကို လိုသည်။

မိခင်များ ကလေးမွေးကြသည့်အခါ မည်သို့ ဗိုက်နာသည်ကို ဖခင်များဘယ်လိုမှ မသိနိုင်၊
နားမလည်နိုင်သလို ခေတ်သစ်ပညာရေး စနစ်ဖြင့် ကြုံတွေ့ ဖြတ်သန်းလာခြင်း အတွေ့အကြုံ
မရှိသေးသော ပုဂ္ဂိုလ်များက ပြည်ထောင်စု အစိုးရကိုယ်စား ပညာရေး ပြုပြင်ပြောင်းလဲရေး
ဆောင်ရွက်ရန် မဖြစ်နိုင် မအောင်မြင်နိုင်။ ယောင်ဝါးဝါး ရေးတေးတေးသာ ရမည်။
ပြတ်သားသော ရည်မှန်းချက်များ ချမှတ်၍ လက်တွေ့ အကောင်အထည် ဖော်နိုင်သော
ပင်မ စီမံချက် ရေးဆွဲရေးအတွက် အရေးကြီးသည်။ ပင်မ စီမံကိန်း မရှိပဲ ရောက်တတ်ရာရာ
လျှောက်လုပ်နေ၍ မရ။ ယခုလည်း ပြည်ထောင်စု ပညာရေးဝန်ကြီးဌာနတွင် ပင်မစီမံချက်
ရှိပြီး ဖြစ်မည်။ ဤစီမံချက်ကို လူတိုင်း ရှင်းလင်းစွာ နားလည်ရန် လိုသည်။ သို့မှသာ ပူး
ပေါင်း ဆောင်ရွက်လာကြရန် ရှိမည်။

မည်သည့် ကိစ္စတွင်မဆို နားမလည်ပဲ လုပ်လျှင် လွဲမည်။ လွဲခဲ့ကြပြီးလည်း ဖြစ်သည်။ အလွဲ
ကြီး လွဲခဲ့ကြပြီး ဖြစ်သည်။ နောက်ထပ်၍ နားမလည်သော သူများ၏ လက်ထဲသို့ ပညာရေး
ပြုပြင်ပြောင်းလဲရေး လုပ်ငန်းစဉ်ကြီးအား ပုံအပ်မိလျှင် ဒုတိယမ္ပိ၊ တတိယမ္ပိ မှားဦးမည်။
မြန်မာပြည် မတိုးတက်နိုင်။ ပြည်ထောင်စု မြန်မာနိုင်ငံကို အမြန်ဆုံး တိုးတက်အောင် ဆောင်
ကြဉ်းပေးနိုင်မည့် အဓိက အကြောင်းတရားသည် ပညာရေး ပြုပြင်ပြောင်းလဲရေးသာ
ဖြစ်သည်။
သို့ဖြစ်၍ ပြည်ထောင်စုအစိုးရ အနေနှင့် သင့်တော်သော၊ နားလည်သော၊ တက်ကြွသော၊
အတွေ့အကြုံရှိသော ပညာတတ် လူငယ်လူရွယ် လူလတ်များဖြင့် ပြန်လည် ဖွဲ့စည်းရန်
လိုသည်။

ပြည်ထောင်စုအစိုးရ၏ ဘတ်ဂျက်ကို ပညာရေး စနစ်သစ်အတွက် ပြည့်စုံအောင် စီစဉ်ပေး
နိုင်လျှင် ပထမဦးဆုံး လုပ်ရမည့်အလုပ်မှာ ဆရာတို့၏ လစာနှင့် ခံစားခွင့် တိုးမြှင့်ပေး
ရေးဖြစ်ပြီး အရေးတကြီး ဒုတိယ ဆောင်ရွက်ရန်မှာ ဆရာတို့နှင့် နားလည်မှု ရယူခြင်း
သို့မဟုတ် ဆရာမွမ်းမံ သွေးသစ်လောင်း သင်တန်းများ ဆောင်ရွက်ရန် ဖြစ်သည်။
ဆရာတို့ မွမ်းမံသွေးသစ်လောင်းခြင်းသည် မီဒီယာအကူအညီ များစွာလိုသည်။

တပြည်လုံးရှိ ဆရာ၊ဆရာမများအားလုံး အသိအမြင် တူညီသွားစေရန်လိုမည်။ အသိအမြင်
တူညီသွားအောင် ဆောင်ရွက်ရမည်။ မည်သည့် လုပ်ငန်းကို လုပ်ကြမည်၊ ဘာကြောင့်
လုပ်ကြမည်၊ ဘယ်လောက်ကြာမည်၊ မည်ကဲ့သို့ အကျိုးရှိမည်၊ မည်သည့် အသိအမြင်တို့
တူညီရန် လိုသည်ကို ပြောပြရမည်။ ပြီးမှ လက်တွေ့ လုပ်ငန်းခွင်တွင် တူညီကာ ဘယ်လို
အခြေပြု၍ စုပေါင်း အကောင်အထည် ပေါ်နိုင်မည်။ မွမ်းမံ သွေးသစ်လောင်းရန်အတွက်
ဆရာများ များစွာမလို၊ မီဒီယာ အင်အားသုံး၍ လူထု ယုံကြည်မှုရှိသည့် ပုဂ္ဂိုလ်၏ ဦးဆောင်
မှုဖြင့် ပူးတွဲ ဆောင်ရွက်ပါက ငွေကုန်ကြေးကျ မများပဲ အောင်မြင်မည်။

ယနေ့ မြန်မာနိုင်ငံရှိ တာဝန် ထမ်းဆောင်နေသော ဆရာများအားလုံး တန်ဖိုးရှိသည်။
တန်ဖိုးကြီးသည်။ ၎င်းလက်ရှိ ဆရာတို့အား သွေးသစ်လောင်းနိုင်လျှင် ကာလတိုတို
အတွင်း ခရီးအတော် ပေါက်နိုင်သည်။ များစွာ ပြုပြင်ရန်မလို သုံးနှစ် ကာလခန့်အတွင်း
ပညာရေးစနစ်ကောင်း တခုဆီသို့ စတင်ဦးတည် သွားနိုင်မည်ဟု ယုံကြည်သည်။

မြန်မာ့ ပညာရေးလောက တခုလုံးသည် လွန်စွာကျယ်ပြန့်၍ အားလုံးတပြိုင်နက် ချက်ချင်း
ပြုပြင်ပြောင်းလဲ၍ မဖြစ်နိုင်။ အောက်ခြေကစ၍ ပြောင်းရမည်။ မူကြိုကစ၍ ပြောင်းရမည်။
သူငယ်တန်းမှ ၁၂ တန်းအထိ တပြိုင်တည်း ပြောင်းရမည်။ ပြီးနောက် တက္ကသိုလ်ပညာ
ရေးကို ဆက်လက်၍ ပြောင်းမည်။ သွေးသစ်လောင်း လုပ်ငန်းစဉ်သည် မူကြိုများမှ
တက္ကသိုလ် ဘွဲ့လွန် ဆရာများအထိ အကျုံးဝင်သည်။ သွေးသစ်လောင်းခြင်း လုပ်ငန်း
စဉ်သည် ဆရာများအတွက် သာမက မိဘများ၊ ကျောင်းသားများ၊ အစိုးရ တာဝန်ရှိသူများ
တပြည်ထောင်စုလုံး သိထားရန်လိုသည့် ကိစ္စကြီးဖြစ်၍ အားလုံး ကျယ်ကျယ်ပြန့်ပြန့် သိရှိရန်
ဆောင်ရွက်ရမည်။
မည်သည့်အရာမဆို လုပ်တတ်လျှင် လွယ်၍ မလုပ်တတ်လျှင် ခက်မည်။ လုပ်တတ်သူများ
လုပ်မှ အောင်မြင်မည်။ တိုင်းပြည် တိုးတက်ရေးအတွက် အရေးပါသော လုပ်ငန်းဖြစ်၍
အားလုံး စိတ်ဝင်စားအောင် လုပ်ရမည်။ ပြည်ထောင်စုအစိုးရနှင့် ဥပဒေပြုလွှတ်တော်တို့မှ
လိုအပ်သော ဥပဒေများ ပြုပေးရန်လည်း လိုသည်။

ILBC တင်မောင်ဝင်း

The Voice Weekly