“ သစ္စာအိမ် ”

စမ်းရေ အမောဝယ် ပန်း အကြွေစောတယ်

****************

ပန်းအလှကို
စမ်းက ထောမနာ
ရစ်ဖြာဝိုက်ဝန်း စီးဆင်းသည်။

စမ်း၏ အေးမြ
ထိုရသကို၊ ပန်းက ချီးကျူး
ငုံဖူးဝတ်လွှာ ချွေလွှင့်သည်။

စမ်းချောင်းတိမ်ကော၊ မြက်ရိုင်းတောမှာ
ကျစ်စာဖုံးလွှမ်း၊ အို လွမ်းစရာ
ပန်းခမျာလျှင်၊ နွမ်းကာခြောက်သွေ့

ရေမတွေ့ရ၊ ပူငွေ့ လောင်မြိုက်
ရှိုက်ငင် တမ်းတ၊ စမ်းဘဝကို
ပန်းက ငိုကြွေး မဆုံးနိုင်။

တနေ့သောအခါ၊ ပြည့်လာစမ်းချောင်း
ပြန်ပြောင်းရေစီး၊ သူ့နီးဝန်းကျင်
ပန်းပင်ခမျာ၊ မရှိရှာတော့
မြေလွှာ ဗျိုက်တော၊ ကြွက်သောသောဖြင့်
ရွေ့လျော ပန်းပင်၊ မြက်ခင်းပြင်ဝယ်
မမြင်လေရ၊ ထိုခဏတွင်
စမ်းက ရှိုက်ငို ပြန်လေသည်။

နှစ်ပေါင်းများစွာ၊ ကြာသောခါတွင်
မြေလွှာ ထီးကျန်၊ သဏ္ဌာန်ရွှေ့ပြောင်း
စမ်းချောင်းသစ်ပင်၊ မမြင်လေရ
ဘာမျှမမြဲ၊ မလွဲဧကန်
လောကဓံကို
လွန်ဆန်ငြင်းပယ် မရပါတကား။

စမ်းငိုသလို၊ ပန်းလည်းငိုခဲ့
သို့ပေမယ့်ကွယ်၊ ဆက်သွယ်မှုကင်း
ငိုချင်းနှစ်ပုဒ်၊ လွမ်းဇာတ်ထုပ်ကို
ကျွန်ုပ်စာဆို၊ ထပ်ဆင့် ငိုမိ
ဘယ်လို မျက်ရည် တန့်ဆည် ရမလဲကွယ်။

(ဒေါင်းနွယ်ဆွေ)