“ သစ္စာအိမ် ”

အစဉ်ထာဝရ  နွေးထွေးလှတဲ့
အေးမြကြည်လင်  အမေ့ရင်ခွင်မှာ
ပူပင်စရာတွေ  ပန်းလိုကြွေတုန်း
နင်းခြေရက်စက်  ဂုဏ်ဓနလက်ကို
ချိုးဖျက်တွန်းလှန်  မခုခံနိုင်လို့

ကြံရာမရ  အမေ့ကို ဦးချကာ
ထွက်ခဲ့ရပြီ  တိုင်းတပါးဆီ ...။

အမေနဲ့ ကျွန်တော့်ကြား  မိုင်တွေခြားလည်း

မြစ်များလိုပင်  အမြဲတသွင်သွင်နဲ့
ထာဝစဉ်စီးဆင်း  အမေ့ရင်တွင်းမှာ
ချစ်ခြင်းတွေဟာ  သုံးမကုန်တာမို့
ကန္တာခရီးကြမ်း  သားရဲ့လမ်းထဲ
ရေချမ်း ဘယ်အခါ ပြတ်မလည်းလေ ....။

ငယ်စဉ်တောင်ကျေး  ကလေးဘဝလေးမှာ

ဝမ်းရေးအတွက်  တိုက်ပွဲထွက်ရင်း
ချွေး မျက်ရည်စက်  နေ့စဉ်ထွက်လည်း
မပြောရက်ခဲ့ပါ  သားအလိမ္မာကို
အနာဂတ်ပန်း  ထာဝစဉ်လန်းအောင်
မပန်းမမော  ဘဝရဲ့တောမှာ
သောကဟူသမျှ  ခဝါချပြီး

ပြုစု ယုယခဲ့သူ အမေ ....။

မြို့ပြရဲ့ '' လ ''၊  မျက်နှာသာ မရသလို
နိမ့်ကျပညာ  ညှိုးငယ်စွာနဲ့
ဒဏ်ရာ ခရောင်းလမ်း  အမေဖြတ်သန်းလည်း
အနာဂတ်ပန်းခင်း  လောကအတွင်းမှာ
အနင်းခံဘဝ  သားတို့ မကျအောင်
ဆုံးမသွန်သင်  ပဲ့လည်းပြင်တဲ့
မိခင်မာတာ  ကျေးဇူးကမ္ဘာကို
ရင်မှာလွမ်းရင်း  အသက် အပ်နှင်းမည်
မယွင်းသော သစ္စာ သွေးတွေဖြင့်...။

နာကျင်ကိုက်ခဲ  လောကဓံထဲဝယ်
လဲချော် ပြိုကျ  ဒဏ်ရာရတိုင်း
တမ်းတမိတာ  အမေ့မေတ္တာမို့
အကြင်နာတွေက  လိုတိုင်းရသလို
လဲကျ ပြန်ထ  ဒီလူ့ဘဝမှာ
အနန္တတန်ခိုးရှင်  အို ...မိခင်သို့
ရင်ဝယ်ညွှတ်တွား  ဦးထိပ်ထားပြီး
ရေးသား ဂုဏ်ပြုလိုက်ပါ၏...။

ကိုဇော် (မလေးရှား)
11.5.2013 

( အမေများ အားလုံးကို ဂုဏ်ပြုလိုက်ပါ၏)