“ သစ္စာအိမ် ”

ဤစာတန်းသည် မိဘများပူပန်တတ်သော အများဖြစ်တတ်သည့် အလေ့အကျင့်များ
ရှိကြောင်းနှင့် ပတ်သက်ပါသည်။ မိဘတွေ အများဆုံး အကြံဉာဏ်တောင်းတတ်ကြသော
လေ့အကျင့်များ အကြောင်းလည်းဖြစ်ပါသည်။
လက်မစုတ်ခြင်း
သာမန်ကလေးတိုင်လိုလို တခါမဟုတ်တခါတော့ လက်မစုတ်တတ်မည်။ တစ်ချို့က ခဏပဲ
စုတ်သည်။ တချို့ကတော့ အကြာကြီးစုတ်သည်။ ဤသို့လက်မစုတ်၍ ဘာမျှမထိခိုက်နိုင်ပါ။
အခြေအနေကို မှားယွင်းစွာ ကိုင်တွယ်၍သာ ပြဿနာပေါ်နိုင်ပါမည်။ မိခင်ရင်နို့ကို စို့ရသော
ကလေးသည် စုတ်ရသည့် အရသာကို သိသွားသည်။ နို့စို့ရသော အချိန်နည်း၍ဖြစ်စေ၊ နို့ဗူး
နို့သီးခေါင်းပေါက်ဝ သိပ်ကျယ်နေ၍ဖြစ်စေ၊ ကလေးသည် စုတ်ရသည့်အလုပ်ကို မဝရေစာ
လုပ်ရတတ်၏။ ထို့အတွက် အစားထိုးစရာမှာ သူ့လက်မကို သူစုတ်ခြင်းပင်။ နို့ဖြတ်ချိန်တွင်
မိခင်နို့ မစို့ရ။ နို့ဗူးမသောက်ရသည့်အခါ သူက ကိုယ့် လက်မကို ပြန်စုတ်တတ်ကြ၏။ ကလေး
သည် ပင်ပန်းလာသောအခါ၊ ညီးငွေ့လာသောအခါ၊ အိပ်ချင်လာသောအခါ လက်မစုတ်သည့် အကျင့်ရှိလာသည်။ လက်မကို အတင်းဖယ်ပစ်လျှင် သူက ဇိမ်ပျက်တတ်၏။ ထိုအခါ ဒေါသ
ထွက်လာမည်။ စိတ်ကယောက်ကယက် ဖြစ်လာမည်။ ကလေးကို လက်မ အတင်း ဆွဲဖယ်
တာတို့၊ လက်အိတ် စွပ်ပေးတာတို့သည် နှိပ်စက်ခြင်း ပုံစံတမျိုးဟုပင် ဆိုရမည်။ မိဘကတော့
စီးကရက်ကို မီးမပြတ်စေပဲ ဆက်တိုက် သောက်တတ်ပြီး ကလေးကိုတော့ လက်မလေး စုတ်
တာပင် ခွင့်မပြု ကြသည်မှာ အတော်မတရားသော အမှုပင်ဖြစ်သည်။

နို့စောစောဖြတ်သော ကလေးအများစုသည် ဤလက်မစုတ်သည့် အလေ့အကျင့် စွဲတတ်
သည်ဟုထင်ကြသည်။ သို့သော် (၉)လ၊ (၁ဝ)လ လောက် မိခင်နို့ စို့ရသူများသည်လည်း
လက်မ စုတ်တတ်သည်ကို တွေ့ရပြန်သည်။ အချို့ကပြောသည်။ လက်မ စုတ်သည့် ကလေး၏
သွားပေါက်နှုန်းမှာမူ မမှန်ပါတဲ့။ သက်သေ အတိအကျတော့ မပြနိုင်ကြပါ။ ဤအချက်သာမှန်
လျှင် လူကြီး တော်တော်များများတို့၏ သွားနှင့် မေးရိုးဖွဲ့စည်းပုံတွေ ပုံစံပျက်နေမည်သာ
ဖြစ်၏။ လက်မ စုတ်တာများ၍ လက်မလေးနည်းနည်း ပိုသိမ်သွားတာ တို့၊ နည်းနည်း ပိုရှည်
လာတာ တို့တော့ ရှိကောင်းရှိမည်။ ဒါကလည်း ပြဿနာမဟုတ်ပါ။

အဓိက ပြဿနာမှာ လက်မစုတ်သော ကလေး မဟုတ်။ ဒါကို ကြောင့်ကြ ပူပင်နေသော
ကလေးမိခင်။ မိခင်လုပ်သူက ကလေး လက်မကို မကြာခဏ ဆွဲဖယ်ပစ်နေသောအခါ
ကလေးမှာ စိတ်ဒုက္ခရောက်ရ၏။ ကလေးမှာ ပိုပြီး စိတ်ကယောက်ကယက်ဖြစ်၊ ပိုပြီး
စိတ်ဆင်းရဲ၊ ပို၍ အူလည်လည်ဖြစ်ရသည်သာ အဖတ်တင်၏။ ဤပြဿနာကို အဖြေရှာရန်မှာ တခုထဲရှိသည်။သူ့ဖာသာသူ လက်မ စုတ်နေပါစေ။ မသိချင်ယောင်သာ ဆောင်နေပါ။
လက်မစုတ်သလိုပင် အချို့ကလေးများသည် စောင်မှ ချည်စတွေ ဆွဲထုတ်ပြီး ပါးတွေ၊ မျက်
လုံးတွေမှာ လျှောက်ပွတ်တာတို့၊ ငှက်မွေးနှင့် မျက်နှာကို ပြန်သပ်တာတို့ လုပ်တတ်၏ ဒါတွေ
လည်း လက်မစုတ်တာ ရပ်သွားချိန်တွင် သူ့အလိုလို ပျောက်သွားသော အကျင့်များဖြစ်၏။ အကျင့်မှာ နှစ်အတော်ကြာ စွဲနေလျှင်ကား ကလေးသည် အထီးကျန်နိုင်ပြီး အဖော်လိုခြင်း သင်္ကေတဟု ပြောရမည်။ ကလေးထိန်းကျောင်း ရောက်လျှင် ဒါမျိုးအကျင့် ပျောက်သွားတတ်
၏။ တခါတရံလည်း သူ့ကို စိတ်ဝင်စားစရာ ကစားစရာတွေ ဝယ်ပေးပြီး ကစားခိုင်းပါ။ တခါ
တရံကျတော့ သက်တူရွယ်တူ သူငယ်ချင်းတွေ ခေါ်ပြီး အိမ်မှာ ကစားပါစေ။

ခေါင်းတိုက်ခြင်း၊ လူးလှိမ့်ခြင်း
အချို့ကလေးများသည် အိပ်ခါနီးတွင် ကုတင်နှင့် ခေါင်းကို ဆောင့်တတ်၏။ သို့မဟုတ် ခေါင်း
ကို ရှေ့တိုးနောက်ငင် လှိမ့်တတ်၏။ အချို့ကလည်း ကုတင်ပေါ်တွင် ခန္ဓာကိုယ်ကို ဆောင့်
ပြီး မြောက်ကြွ လုပ်တတ်သည်။ ဘာကြောင့် ကလေးတွေ ဤသို့ လုပ်သည်ကို မသိရ။
အချို့ကတော့ မိခင်၏ ပိုက်ထွေး ယုယမှု နည်းပါး၍ ထိုသို့ကလေးတွေ စိတ် မူမမှန်ဖြစ်ရသည်
ဟု ဆို၏။ မည်သို့ပင်ဆိုစေ မိဘများ အနေနှင့် အရမ်းကာရော စိတ်မပူသင့်ပါ။ မိခင်၏မေတ္တာ ကို ပြသနိုင်လျှင် ကလေးတွင် ထိုအလေ့အကျင့်များ ပျောက်သွားမည်သာဖြစ်၏။ ထိုသို့ဖြစ်ရ
ခြင်းမှာ ကလေးတွင် အသိဉာဏ် နိမ့်ကျ၍မဟုတ်။ ကုတင်နှင့်ခေါင်းကို ဆောင့်တတ်သော
ကလေးကို မထိခိုက်စေရန် ကုတင်ခေါင်းရင်းတွင် အဝတ်တွေ ခုပေးပါ။ မိခင်လုပ်သူက နေ့
အခါနှင့် ညအိပ်ယာဝင်ခါနီးတွင် ကလေးကို ယုယပိုက်ထွေး ချော့မြှူပေးပါ။ ကလေးကို ဒါမျိုး
မလုပ်နဲ့ဟု မဆူပါနှင့်။ မမာန်မဲပါနှင့်။ ဆူပူကြိမ်းမောင်းလျှင် ထိုအကျင့် မပျောက်သည့် အပြင် တာရှည်တတ်သည်ကို သတိပြုပါ။

လက်သည်း ကိုက်ခြင်း
လူကြီးတယောက် လက်သည်းတွေ ကိုက်နေတာ မြင်လျှင် မည်သူမျှ  မနှစ်မြို့ပါ။ မိမိ၏ က
လေး လက်သည်း ကိုက်တာ တွေ့ရသော မိဘတွေကလည်း လူကြီးတွေနှင့် တသဘောထဲ
ထားကာ မကြိုက်လှပါ။ တကယ်တော့ ကလေးတွေ လက်သဲကိုက်တာ စိတ်မပူပါနှင့်။ ကြာ
လျှင် ထိုအလေ့အကျင့် သူ့ဖာသာသူ ပျောက်သွားပါမည်။"ကလေး ဘာကြောင့် လက်သည်း
ကိုက်သလဲ" စိတ်လှုပ်ရှားမှု လက္ခဏာဟု ကျွန်တော် မယူဆပါ။ စိတ်လှုပ်ရှားမှု တစုံတရာ
တော့ ရှိကောင်းရှိပါမည်။ ကလေး ပေါက်စလေးအဖို့ ပိုင်ဆိုင်မည့် လက်နက်ဆိုလို့ သူ့သွားနှင့်
သူ့ လက်သည်းများသာ ရှိသည်။ သူ့သွားဖြင့် သူ့လက်သည်းကို ကိုက်ရာ လက်နက် တခုနှင့်
တခု သုံးခြင်း သဘောသာဖြစ်သည်။ တနည်းဆိုရလျှင် သူ၏ ရန်လိုစိတ် သဘာဝကို
ပြေရာပြေကြောင်း ထိမ်းသိမ်းသည့် သဘောဖြစ်၏။ သူ့ရှေ့တွင် မိဘနှစ်ပါး ရန်ဖြစ်နေလျှင်
သူသည် ဘဝလုံခြုံမှု မရှိသည်ကို ခံစားရရုံမက မိဘနှစ်ပါးအနက် တယောက်ယောက်ကို
ဒေါသထွက်လိမ့်မည်။ (အများအားဖြင့် အဖေကို ဒေါသထွက်တတ်သည်) သို့သော် တချိန်
တည်းမှာပင် သူ၏အဖေကိုလည်း စစ်မှန်စွာ ချစ်မည်။ သို့ဖြင့် ပဋိပက္ခနှစ်ခုကြားတွင် သူ ဗျာများရ၏။ ဒေါသနှင့်မေတ္တာ။ လူတယောက်ထဲကို ချစ်လဲချစ်၊ဒေါသလဲထွက်၊ သူ့ဒေါသ
ကို အပြင်မထွက်ရန် ထိန်းမရ၍ ဖြေဆည်သည့် အနေနှင့် လက်သည်းတွေကို ကိုက်ခြင်း
ဖြစ်၏။
အချို့ကလေးများကျတော့ တခါတရံမှာသာ လက်သည်းကိုက်သည်။ ကြောက်စရာကောင်း
သော ရုပ်ရှင်များ ကြည့်သည့်အခါ စင်ပေါ်သို့ ကိုယ့်အလှည့် မရောက်ခင် စောင့်နေရသော
အခါ သို့မဟုတ် စိတ်လှုပ်ရှားမှု တခုခု ဖြစ်ပေါ်နေသောအခါ လက်သည်းကိုက်သည်။ အများ
အားဖြင့်မူ လက်သည်း ကိုက်တာသည် အဓိကရောဂါ လက္ခဏာမဟုတ်ပါ။ ပူပန်စရာလည်း
မလိုပါ။ ထို့အတူ ၎င်းအကျင့်ကို အတင်းအကြပ်လည်း ဖယ်ရှား၍ မရနိုင်ပါ။ ဖယ်ရှားလျှင်
လည်း ခဏသာ ရမည်။ ကလေးသည် မသိစိတ်နှင့် ထိုအပြုအမူကို လုပ်နေခြင်းဖြစ်သည်။
ထို့ကြောင့် မိဘများက ဘယ်လိုထားထား သူသည် လုပ်ချိန်တန်လျှင် လုပ်နေမှာသာဖြစ်၏။
ရိုက်မယ်နှက်မယ် ခြိမ်းချောက်စေကာမူ သူက အလေ့အကျင့်ကို ဖျောက်ရမှာထက် အပြစ်
ဒဏ်ခံဖို့ အသင့်ဖြစ်ချင်ဖြစ်မည်။ သို့သော် ဖျောင်းဖျခြင်းဖြင့်သာ ပြုပြင်သင့်သည်။ 

ထစ်အ,မှု
သုံးနှစ်သားလောက်တွင် ကလေးသည် စကားပြောသော်လည်း ထစ်ထစ်ငေါ့ငေါ့ ဖြစ်တတ်
မည်။ သူ့အတွေးတွေက မြန်ဆန်ပြီး နှုတ်ခမ်းက အမီ မလိုက်နိုင်၍ ထစ်အခြင်းဖြစ်သည်။
ဘယ်သန် ကလေးကို ညာသန် ကလေးဖြစ်အောင် အတင်းပြောင်းပစ်ရာတွင်လည်း စကား
ထစ်တတ်သည်။ စကားပြောမှုကို ထိန်းသော ဦးနှောက်၏ ဗဟိုချက်မနေရာနှင့် လက်လှုပ်
ရှားမှု ထိန်းကွပ်သော နေရာတို့သည် နီးကပ်စွာ ဆက်နွယ်နေကြ၍ဖြစ်၏။

ထိုအချိန်တွင် လက်အနေအထားကို အတင်း ပြောင်းပစ်က စကားပြော ထစ်အ,လာမည်မှာ
သေချာ၏။ မည်သည့် လက်ကို ပို၍ အသုံးပြုမှာလဲ ဆိုတာကို ကလေးအား ဆုံးဖြတ်ရန် အချိန်
ပေးသင့်သည်။ ဘယ်သန်ဖြစ်သည်က ပြဿနာမဟုတ်။ ဘယ်သန်ကို ညာသန်ဖြစ်အောင် အတင်း
ပြောင်းပြစ်သည်က ပြဿနာ။နာ၊ ကလေးတွေ စကားထစ်ခြင်း၏ နောက် အကြောင်းအရင်း
တခုမှာ စိတ်မတည်ငြိမ်မှုကြောင့် ဖြစ်သည်။ အချို့စကားထစ်ခြင်းမှာ ယာယီသာ ဖြစ်၏။ မိခင် ဆေးရုံတက်သည့်အခါ သို့မဟုတ် နောက်တိုးကလေး မွေးသည့် အခါများတွင် ဖြစ်တတ် ၏။ ဒေါသအရမ်းထွက်သည့်အခါ သိပ်ကြောက်သည့် အခါတွင်လည်း ထစ်ငေါ့တတ်သည်။
အချို့ယာယီ စကားထစ်ခြင်းမှာ ကိစ္စမရှိသော်လည်း အချိန်အတော်ကြာ ထစ်ငေါ့လျှင်မူ စိတ်
ရောဂါကု ဆရာဝန်ထံ ပြသသင့်သည်။ စကားပြောလေ့ကျင့်သည့် သင်တန်းများလည်း အသုံး
ဝင်ပါသည်။ စကားထစ်သည့် ကလေးကို စိတ်ရှည်လက်ရှည် ပြုပြင်ပါ။ စကားထစ်လို့ မိဘတွေ
က မချစ်တော့ဟု ကလေး မခံစားစေရ။ မိဘ ငေါက်ငန်း၍ ထိုအကျင့် မပျောက်နိုင်။ စိတ်ရှည်
သည်းခံစွာ နားလည်မှု ရှိရှိနှင့် စကားထစ်တာကို ပြုပြင်ပေးကြပါ။ မိဘက စိတ်မရှည်ပါက
ကလေးကို ပြုပြင်ရာတွင် ပိုမိုခက်ခဲနိုင်ပါသည်။
(ကလေး၏ ပထမငါးနှစ်)
ပညာရေးဝန်ကြီးဌာနက ပြုစုသည်